ମହେନ୍ଦ୍ର ତନୟା ଉଚ୍ଚ ମାଧ୍ୟମିକ ବିଦ୍ୟାଳୟ ଦ୍ବାରା ସଂଫେଇ କାର୍ଯ୍ୟକ୍ରମ

୨୩ ଡିସେମ୍ବର ୨୦୨୩ (ଓଡ଼ିଶା ତାଜାନ୍ୟୁଜ ) ଆର,ଉଦୟଗିରି -> ଗଜପତି ଜିଲ୍ଲା ଆର,ଉଦୟଗିରି ବ୍ଳକ ଅନ୍ତର୍ଗତ ଆର,ଉଦୟଗିରି ଗ୍ରାମର ଥିବା ମହେନ୍ଦ୍ରତନୟା ଉର୍ଚ ମାଧ୍ୟମିକ ବିଦ୍ୟାଳୟ ଦ୍ବାରା ନୂଆ ଓଡିଶା ଯୁବ ଓଡିଶା ତରଫରୁ ସାମାଜିକ କାର୍ଯ୍ୟକ୍ରମ ଆଧାରରେ ସଫେଇ ସଚେତନତା ଅଭିଯାନ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି ।

ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରୁ ଡାକ୍ତର ଶକ୍ତି ପଟ୍ଟନାୟକ ଯୋଗ ଦେଇ ଛାତ୍ରଛାତ୍ରୀଙ୍କୁ ସଂଫେଇ ଉପରେ ସଚେତନ କରାଇଥିଲେ । ଏହି ଅବସରରେ ଏକ ରାଲି ଶିକ୍ଷାନୁଷ୍ଠାନରୁ ବାହାରି ତହସିଲି ଛକ ଯାଏଁ ଯାଇଥିଲେ । ଏହି କାର୍ଯ୍ୟକ୍ରମରେ ନୋଡାଲ ଅଧିକାରୀ ନୀଳାଚଳ ପାଣିଗ୍ରାହୀ ସହ ସମସ୍ତ ଅଧ୍ୟାପକ,

ଅଧ୍ୟାପିକା ଓ କର୍ମଚାରୀ ଯୋଗଦେଇ ଓଡିଶା ସରକାରଙ୍କ କ୍ରୀଡା ଓ ଯୁବ ସେବା ବିଭାଗର ସମନ୍ବିତ ଯୁବ ବିକାଶ କାର୍ଯ୍ୟକ୍ରମକୁ ସଂଫଳ କରାଇଥିଲେ । ଗତ ୮ ତାରିଖରେ ଏହି ଅନୁଷ୍ଠାନରେ ନୂଆ ଓଡିଶା ଓ ଯୁବ ଓଡିଶା ତରଫରୁ ସାମାଜିକ କାର୍ଯ୍ୟକ୍ରମ ଆଧାରରେ ସ୍ଥାନୀୟ ଅଗ୍ନିଶମ ବିଭାଗର ଅଧିକାରୀ ଓ କର୍ମକର୍ତାଙ୍କ ଦ୍ବାରା ବିପର୍ଯ୍ୟୟ ପରିଚାଳନା ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।