ଜୁଲାଇ୨୦ ରୁ ୩୧ ତାରିଖ ପର୍ଯ୍ୟନ୍ତ ପ୍ରଶାସନ ଜିଲ୍ଲାର କିଛି ଅଞ୍ଚଳରେ ଲୋକ ଡାଉନ୍ କୁ ଲାଗୁ କରିବା ପାଇଁ ଘୋଷଣା କରିଛି ।
ଓଡିଶା ତାଜା ନ୍ୟୁଜ୍ (୧୯ ଜୁଲାଇ ୨୦୨୦ ରବିବାର) ଗଜପତିଜିଲ୍ଲା :- ଗଜପତିଜିଲ୍ଲାରେ ଆଜି ପୁଣି କରୋନା ସଂକ୍ରମିତଙ୍କ ସଂଖ୍ୟା ତାଲିକାରେ ଯୋଡ଼ି ହେଲେ ଆଉ୩୯ ଆକ୍ରାନ୍ତ । ମୋଟ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଇ ୬୯୯ । ସଂକ୍ରମଣର ତଥ୍ୟକୁ ଅନୁଧ୍ୟାନ କଲେ ଏହାର ବିସ୍ପୋରକ ରୂପ ନେଉଥିବା ସ୍ପଷ୍ଟ ବାରି ହେଉଛି । ଏଥିମଧ୍ୟରୁ ୨୩ଜଣ କରୋନା ଯୋଦ୍ଧା ହୋଇଥିବା ବେଳେ ୧୩ ଜଣ ଲୋକଲରୁ ଚିହ୍ନଟ ହୋଇଛନ୍ତି । ଅନ୍ୟମାନଙ୍କ ସଂସ୍ପୋର୍ଷ ରେ ଆସିଥିବା୨ ଜଣ ଏବଂ ଜଣେ ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ରରୁ ହୋଇଥିବା ସୂଚନା ମିଳିଛି। ଜିଲ୍ଲାର ସଦରମହକୁମା ପାରଳାଖେମୁଣ୍ଡି ସହରରେ ମଧ୍ୟ ସ୍ଥିତି ଗମ୍ଭୀର ହେବାରେ ଲାଗଛି । ଚିହ୍ନଟ ହୋଇଥିବା ୩୯ ଜଣଙ୍କ ମଧ୍ୟରୁ ଗୋଷାଣୀ ବ୍ଲକରୁ୫ ଜଣ , କାଶୀନଗର ବ୍ଲକରୁ୨, ଗୁମ୍ମା ବ୍ଲକ ରୁ ୧, ନୂଆଁଗଡ ବ୍ଲକ ରୁ ୭, ଆର. ଉଦୟଗିରି ବ୍ଲକ ରୁ ୧୯ ଏବଂ ମୋହନା ବ୍ଲକ ରୁ ୫ ଜଣ ଚିହ୍ନଟ ହୋଇଥିବା ଗଜପତି ଜିଲ୍ଲାପାଳ ଅନୁପମ ଶାହା ଏକ ଭିଡିଓ ବାର୍ତ୍ତା ଜାରୀ କରି ସୂଚନା ଦେଇଛନ୍ତି l
ଆଜି ସୁଦ୍ଧା କୋଭିଡରେ୪ ଜଣଙ୍କ ମୃତ୍ୟୁ ଘଟିଥିବା ବେଳେ ସେମାନଙ୍କ ମଧ୍ୟରୁ ୩ ଜଣ ହେଉଛନ୍ତି ପାରଳାଖେମୁଣ୍ଡି ସହରର ଏବଂ ଅନ୍ୟ ଜଣେ ହେଉଛନ୍ତି ପାରଳାଖେମୁଣ୍ଡି ଉପଖଣ୍ଡ ରେ ଥିବା କେର଼ାଣ୍ଡି ପଞ୍ଚାୟତ ର ଡାଳିମ୍ବ ପୁର ଗ୍ରାମର ଅଟନ୍ତି l ଏହା ଗୋଷ୍ଠୀ ସଂକ୍ରମଣର ସ୍ପଷ୍ଟ ନିଦର୍ଶନ। ଯାହାକୁ ଆଖି ଆଗରେ ରଖି ଜିଲ୍ଲା ପ୍ରଶାସନ ଆସନ୍ତା କାଲି ଜୁଲାଇ ୨୦ ତାରିଖ ସକାଳ୫ ଘଣ୍ଟାରୁ ୩୧ ଜୁଲାଇ ରାତ୍ର ୧୨ ଟା ପର୍ଯ୍ୟନ୍ତ ଲୋକ ଡାଉନ୍ ଘୋଷଣା କରିଛନ୍ତି l ଏହି ଲୋକ ଡାଉନ ସମୟରେ ପାରଳାଖେମୁଣ୍ଡି ଓ କାଶୀନଗର ପୌରାଞ୍ଚଳ ସହ ଗଜପତି ଜିଲ୍ଲାର ସମସ୍ତ ବ୍ଲକ୍ ମୁଖ୍ୟାଳୟ ବନ୍ଦ ରହିବ l ସେହିଭଳି ଲୋକଡାଉନ ସମୟରେ କାଶୀନଗର ବ୍ଲକ୍ ର ହାଡୁଭାଙ୍ଗି ଓ ରଣିପେଣ୍ଠl ପଞ୍ଚାୟତ, ଗୋଷାଣୀ ବ୍ଲକର କତଲକୈଠା ଓ କେରାଣ୍ଡି ପଞ୍ଚାୟତ, ଗୁମ୍ମା ବ୍ଲକର ଅଶ୍ରାୟଗଡ ଓ ଝାମି ପଞ୍ଚାୟତ, ରାୟଗଡ଼ ବ୍ଲକ୍ ର କୋରଡ଼ାସିଂ ଓ ନରୟାଣପୁର ପଞ୍ଚାୟତ, ନୂଆଁଗଡବ୍ଲକର ଝାଲର- ସିଂ ପଞ୍ଚାୟତ, ଆର. ଉଦୟଗିରି ବ୍ଲକର ଶବରପଲ୍ଲି ପଞ୍ଚାୟତ, ମୋହନା ବ୍ଲକର ପିଣ୍ଡିକି ପଞ୍ଚାୟତ ଏହି ସମୟରେ ବନ୍ଦ ରହିବ l
ଲୋକ ଡାଉନ୍ ସମୟରେ ଅତ୍ୟାବଶ୍ୟକ ସାମଗ୍ରୀ ଯଥା: ପନିପରିବା, ତେଜରାତି, ଦୁଗ୍ଧ, ଫୋଳ, ମାଂସ, ଓ ଅଣ୍ଡା ଇତ୍ୟାଦି ଦୋକାନ ସକାଳ ୭ ରୁ ୨ ଟା ପର୍ଯ୍ୟନ୍ତ ଖୋଲା ରହିବ l ବାକି ସବୁ ଦୋକାନ ବନ୍ଦ ରହିବl ଅପରପକ୍ଷରେ ଗ୍ରାମାଞ୍ଚଳରେ କରନା ସମାନ ଭାବରେ ବୃଦ୍ଧି ପାଉଥିବାର ଦେଖିବାକୁ ମିଳିଛି, ହୋଇଛି ତେବେ ଏ ସମସ୍ତ ଭିତରେ ଜନସାଧାରଣ ଜିଲ୍ଲା ପ୍ରଶାସନ ନେଇଥିବା ଏହି ଲୋକ ଡାଉନ୍ ପଦକ୍ଷେପ କୁ ସମସ୍ତ ସାହାଯ୍ୟ ଓ ସହଯୋଗ କରିବା ସହ ନିଜ ଆଡୁ ଗଜପତି ଜିଲ୍ଲା ବାସୀ ଓ ପାରଳାେମୁଣ୍ଡି ସହରର ଜନସାଧରଣ ବ୍ୟାପକ ସଚେତନ ହେବା ଜରୁରୀ ହୋଇପଡିଛି ବୋଲି ଜିଲ୍ଲା ପ୍ରଶାସନ ପକ୍ଷରୁ ନିବେଦନ କରାଯାଇଛି l (ପାରଳଖେମୁଣ୍ଡି (ଗରୁଡ଼ ଧ୍ଵଜଚୌଧୁରୀ)
