ଶିକ୍ଷାର୍ଥୀଙ୍କ ପାଇଁ ହିଞ୍ଜିଳି ଓ ଶେରଗଡରୁ ଗଡିବ ଲକ୍ଷ୍ମୀ ବସ୍ ସେବା
୧୫ ଡିସେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ହିଞ୍ଜିଳିକାଟୁ :-> ଯୁବ ଓଡିଶା, ନବୀନ ଓଡିଶା ଗଠନ ଦିଗରେ ରାଜ୍ୟ ସରକାର ଯୁବଗୋଷ୍ଠୀଙ୍କୁ ପ୍ରାଧାନ୍ୟ ଦେଇ ଆସୁଛନ୍ତି । ଏକ ସଶକ୍ତ ଓଡିଶା ଗଠନ ସକାଶେ କ୍ରୀଡା, ସଂସ୍କୃତି ଓ ସାମାଜିକ ସେବା ଅର୍ନ୍ତଭୁକ୍ତ କରି ସମନ୍ନିତ ଯୁବ ବିକାଶ କାର୍ଯ୍ୟକ୍ରମ ଜରିଆରେ ରାଜ୍ୟର ଯୁବ ଶିକ୍ଷାର୍ଥୀଙ୍କୁ ସାମିଲ କରାଯାଇଛି । କଠିନ ପରିଶ୍ରମ, ଦକ୍ଷତା ଓ ଉତ୍କର୍ଷତା ପ୍ରଦର୍ଶନ କରି ଯୁଚ ଓଡିଶା, ନବୀନ ଓଡିଶାରେ ସକ୍ରିୟ ଭୂମିକା ଗ୍ରହଣ କରିବା ପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱପ୍ନ ରହିଛି ।
ନୂଆ- ଓ ଉତ୍ସବରେ ୫ଟି ଅଧ୍ୟକ୍ଷ ଭି. କାର୍ତ୍ତିକେୟାନ ପାଣ୍ଡିୟାନ ମହାବିଦ୍ୟାଳୟ ଶିକ୍ଷାର୍ଥୀଙ୍କୁ ଆହ୍ୱନ ଦେଇଛନ୍ତି ।ଦୁଇଦିନିଆ ଗଞ୍ଜାମ ଗସ୍ତରେ ଆସି ୫ଟି ଅଧ୍ୟକ୍ଷ ଭି. କାର୍ତ୍ତିକେୟାନ ପାଣ୍ଡିୟାନ ଶନିବାର ହିଞ୍ଜିଳିକାଟୁ ମିନି ଷ୍ଟାଡିୟମରେ ଆୟୋଜିତ ଭରପୁର ସମାବେଶରେ ଯୋଗ ଦେଇଥିଲେ । ୫ଟି ଅଧ୍ୟକ୍ଷ ପାଣ୍ଡିୟାନ ସମରଝୋଳ ମେଘମାଳ ତୋଟା ପଡିଆରେ ନିର୍ମିତ ଅସ୍ଥାୟୀ ହେଲିପ୍ୟାଡରେ ଅବତରଣ କରିଥିଲେ । ସେଠାରେ ତାଙ୍କୁ ଦଳୀୟ କର୍ମୀ ଭବ୍ୟ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରିଥିଲେ ।
ସେଠାରୁ ପୋଚିଲିମା ଖାମ୍ବେୟାଦୋରା ବିଜ୍ଞାନ ଉଚ୍ଚ ମାଧ୍ୟାମିକ ବିଦ୍ୟାଳୟରେ ପହଞ୍ଚି ରୂପାନ୍ତରଣ କାର୍ଯ୍ୟର ସମୀକ୍ଷା କରିଥିଲେ । ସେଠାରୁ ହିଞ୍ଜିଳିକାଟୁ ମିନି ଷ୍ଟାଡିୟମରେ ଆୟୋଜିତ ନୂଆ- ଓ ଉତ୍ସବରେ ଉପସ୍ଥିତ ରହି ଶିକ୍ଷାର୍ଥୀଙ୍କ ସହ ବାର୍ତ୍ତାଳପ କରିଥିଲେ । ଶିକ୍ଷା ଅଧ୍ୟୟନରେ କଠିନ ଅଧ୍ୟବସାୟ ଏବଂ କ୍ରୀଡା,ସଂସ୍କୃତି ଓ ସାମାଜିକ ସେବା ଭଳି ଅତିରିକ୍ତ ଶିକ୍ଷା କାର୍ଯ୍ୟକ୍ରମ ଜରିଆରେ ମୋ ଭଳି ଜଣେ ଜଣେ ଆଏଏସ ହେବା ପାଇଁ ପରାମର୍ଶ ଦେଇଥିଲେ ।
ମାନ୍ୟବର ମୁଖ୍ୟମନ୍ତ୍ରୀ, ନୂଆ – ଓ ମାଧ୍ୟମରେ ଶିକ୍ଷାର୍ଥୀଙ୍କ ସ୍ୱପ୍ନ ସାକାର କରିବା ପାଇଁ ଅଭିଳାଷ ରହିଛି । ନିଜ ଦକ୍ଷତାକୁ ଉପଯୋଗ କରି ଯୁବ ଓଡିଶା-ନବୀନ ଓଡିଶା ଗଠନ ଦିଗରେ ସକ୍ରିୟ ଭୂମିକା ଗ୍ରହଣ କରିବା ପାଇଁ ଯୁବଶକ୍ତିଙ୍କୁ ଆହ୍ୱାନ ଜଣାଇଥିଲେ ।ରୂପାନ୍ତରଣ ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟୟନ କରିବା ଅନୁଭୂତି ପଚାରି ବୁଝିବା ସହ ଆସନ୍ତା ବର୍ଷ ଜାନୁୟାରୀ କିମ୍ବା ଫେବୃୟାରୀ ମାସରେ ଲକ୍ଷ୍ମୀ ବସ୍ ସେବା ହିଞ୍ଜିଳି ଓ ଶେରଗଡ ମଧ୍ୟରେ ଚଳାଚଳ ଆରମ୍ଭ ହେବ ବୋଲି ସୂଚନା ଦଇଥିଲେ ।
ମାତ୍ର ୫ଟଙ୍କା ବିନିମୟରେ ଶେରଗଡ ଠାରୁ ହିଞ୍ଜିଳିକୁ ଯାତ୍ରା କରିପାରିବେ ବୋଲି କହିଥିଲେ । ଶିକ୍ଷାର୍ଥୀଙ୍କ ପାଇଁ ପ୍ରତିବର୍ଷ ନୂଆ-ଓ ଉତ୍ସବ ଆୟୋଜନ ହେବ ବୋଲି ସୂଚନା ଦେଇ ଶିକ୍ଷାର୍ଥୀଙ୍କୁ ଉତ୍ସାହିତ କରିଥିଲେ । ସେଠାରୁ ବିଜୁ ପଟ୍ଟନାୟକ ଛକ ସ୍ଥିତ ପ୍ରବାଦପୁରୁଷ ବିଜୁବାବୁଙ୍କ ପୁର୍ଣ୍ଣବୟବ ପ୍ରତିକୃତିରେ ପୁଷ୍ପମାଲ୍ୟ ପ୍ରଦାନ କରି ଶ୍ରଦ୍ଧାଞ୍ଜଳି ଅର୍ପଣ ସହ ଓ ଆର୍ଶୀବାଦ ଭିକ୍ଷା କରିଥିଲେ ।ବୁରୁପୋଡା ଠାରେ ୫ଟି ଅଧ୍ୟକ୍ଷଙ୍କୁ ବିରାଟ ଫୁଲତୋଡା ପ୍ରଦାନ ସହ ସହସ୍ରାଧିକ ଲୋକ ସମ୍ବର୍ଦ୍ଧନା ଜଣାଇଥଲେ ।
୫ଟି ଅଧ୍ୟକ୍ଷ ହିଞ୍ଜିଳିକାଟୁ କାର୍ଯ୍ୟକ୍ରମ ଶେଷକରି ଶେରଗଡ ଅଭିମୁଖେ ଯାତ୍ରା କରିଥିଲେ । ରାଜ୍ୟର ବିଭିନ୍ନ ପ୍ରାନ୍ତରରୁ ଖ୍ୟାତାନାମ କଳାକାରଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ୫ଟି ଅଧ୍ୟକ୍ଷ ପାଣ୍ଡିୟାନଙ୍କ ଗସ୍ତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସଚିବ ତଥା ରାଜ୍ୟ ସରକାରଙ୍କ କ୍ରୀଡା ଓ ଯୁବ ବ୍ୟାପାର ବିଭାଗୀୟ ପ୍ରମୁଖ ସଚିବ ଆର. ଭିନିଲ କ୍ରୀଷ୍ଣା, ସ୍ୱତନ୍ତ୍ର ଯୁଗ୍ମ ସଚିବ ଶୁଭ୍ରାଂଶୁ ମିଶ୍ର, ଗଞ୍ଜାମ ଜିଲ୍ଲାପାଳ ଦିବ୍ୟଜ୍ୟୋତି ପରିଡା, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଭି.କିର୍ତ୍ତିଭାସନ,
ଗଞ୍ଜାମ ଆରକ୍ଷୀ ଅଧିକ୍ଷକ ଜଗମୋହନ ମୀନା, ଏଡିଏମ ପ୍ରିୟରଞ୍ଜନ ପୃଷ୍ଟି, ଉପଜିଲ୍ଲାପାଳ ଦିବ୍ୟଜ୍ୟୋତି ମହନ୍ତ, ବ୍ଳକ ଅଧ୍ୟକ୍ଷା ସରସ୍ୱତୀ ସେଠି,ପୌରାଧ୍ୟକ୍ଷ ସୁବାଷ ପୋଲେଇ,ଉପାଧ୍ୟକ୍ଷା ସୁଚିତ୍ରା ପଣ୍ଡା,ବ୍ଳକ ସଭାପତି ସୁରେନ୍ଦ୍ର ପ୍ରଧାନ, ରାଜ୍ୟ ବିଜେଡି ସାଧାରଣ ସମ୍ପାଦକ ଦେବାନନ୍ଦ ମହାପାତ୍ର, ଏନ. ରଘୁନାଥ, ଗ୍ରୀଟ୍ ଅଧ୍ୟକ୍ଷ ପବିତ୍ର ମୋହନ ପାଣିଗ୍ରାହୀ,ଜିଲ୍ଲା ସାଧାରଣ ସମ୍ପାଦକ ଅଜୟ ମହାରଣା, ଆସିକା ଏସଡିପିଓ ଉମାଶଙ୍କର ସିଂ, ଅତିରିକ୍ତ ଆରକ୍ଷୀ ଅଧିକ୍ଷକ ରଣଜିତ ପୃଷ୍ଟି, ତହସିଲଦାର ଦିବ୍ୟଜ୍ୟୋତି ସ୍ମୃତିରଞ୍ଜନ ଦେଓ,
ଆଇଆଇସି ଶ୍ରୀନୀବାସ ସେଠି, ପୌର କାର୍ଯ୍ୟ ନିର୍ବାହୀ ଅଧିକାରୀ ଜୁବୁଲି ଚରଣ ବେହେରା, ଯୁବ ବିଜେଡି ସଭାପତି ସଞ୍ଜୟ ପଣ୍ଡାଙ୍କ ସମେତ ଜିଲ୍ଲା ପରିଷଦ ସଭ୍ୟ, ସରପଞ୍ଚ, ସମିତିସଭ୍ୟ, ୱାର୍ଡ ସଭ୍ୟ, ମହାବିଦ୍ୟାଳୟର ଅଧ୍ୟକ୍ଷ, ଅଧ୍ୟାପକ, ଅଧ୍ୟାପିକା ଏବଂ ବ୍ଳକ ଓ ପୌରାଞ୍ଚଳର ବହୁ ଦଳୀୟ କର୍ମୀ ଓ ଜନ ପ୍ରତିନିଧି ଯୋଗ ଦେଇଥିଲେ । ଟ୍ରାଫିକ ନିୟନ୍ତ୍ରଣ ଓ ସୁରକ୍ଷା ସକାଶେ ୯ ପ୍ଳାଟୁନ ପୁଲିସ ଫୋର୍ସ ମୃତୟନ କରାଯାଇଥିଲା ।କାର୍ଯ୍ୟକ୍ରମକୁ ବିଡିଓ ସୁବ୍ରତ କୁମାର ଜେନା ସଂଯୋଜନା କରିଥିଲେ।
