୦୬ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) ରାଇରଙ୍ଗପୁର :-> ଓଡିଶା ପୋଲିସ ବିଭାଗ ର ପ୍ରଚେଷ୍ଟାରେ କିପରି ଜନ ମାନସରେ ଦୈନନ୍ଦିନ କୌଣସି ନା କୌଣସି ଲୋକ ସାଇବର ଠକଙ୍କ ର ଶିକାର ହେଉଥିବା ନଜର କୁ ଆସୁଛି । ତେଣୁ ଏହି ସାଇବର ଠକଙ୍କ କବଳରୁ କିପରି ରକ୍ଷା ପାଇବା ସେ ନେଇ ଓଡିଶା ସରକାରଙ୍କ ନିର୍ଦ୍ଦେଶ ରେ ସାଇବର ଅପରାଧ ଉପରେ ସଚେତନତା କାର୍ଯ୍ୟକ୍ରମ ହାତକୁ ନେଇଛନ୍ତି । ଓଡିଶାରେ ସାଇବର ସଚେତନତା କାର୍ଯ୍ୟକ୍ରମ ୩୦ ସେପ୍ଟଟେମ୍ବର ରୁ ଆରମ୍ଭ ହୋଇ ୧୫ ଅକ୍ଟୋବର ପର୍ଯ୍ୟନ୍ତ ଚାଲୁ ରହିବ |
ସାଇବର ଅପରାଧ ସହାୟତା ନଂ ୧୯୩୦ | ଏଥିପାଇଁ ମୁଖ୍ୟତଃ ଭାବେ ସାଇବର ଅପରାଧରୁ ମୁକ୍ତ ହେବା ପାଇଁ ପାର୍ସୱାର୍ଡ ,ଆଇଡି ନ ଦେବା ସହିତ ସୋସିଆଲ ମିଡିଆ ବ୍ୟବହାର ରେ ମଧ୍ୟ ସତର୍କତା ଅବଲମ୍ବନ କରିବା ଉଚିତ ବୋଲି ସଚେତନ ବାର୍ତ୍ତା ପ୍ରଦାନ କରିଥିଲେ । ସଚେତନକାର୍ଯ୍ୟକ୍ରମକୁ ନେଇ ଆଜି ରାଇରଙ୍ଗପୁର ପୌରପରିଷଦ ଅନ୍ତର୍ଗତ ରାଇରଙ୍ଗପୁର ମହାବିଦ୍ୟାଳୟ ପରିସରରୁ ବାହାରି ରାଇରଙ୍ଗପୁର ବ୍ଳକ୍ ପର୍ଯ୍ୟନ୍ତ ପହଞ୍ଚିଥିଲା ,
ରାଇରଙ୍ଗପୁର ମହାବିଦ୍ୟାଳୟରେ ଅଧ୍ଯୟନ କରୁଥିବା ଛାତ୍ରଛାତ୍ରୀମାନଙ୍କୁ ମାନଙ୍କୁ ପ୍ରଥମେ ସାଇବର ସଚେତନ ସମ୍ପର୍କ ରେ ଆଲୋଚନା ଅନୁଷ୍ଠିତ ହୋଥିଲା ଓ ସାଇବର ସଚେତନତ ସୁରକ୍ଷା ଆକ୍ରମଣ ରୁ କିପରି ସୁରକ୍ଷିତ ହେବା ସେ ସମ୍ପର୍କରେ ଅଧିକାରୀ ମାନେ ଆଲୋକପାତ କରିଥିଲେ । | କାର୍ଯ୍ୟକ୍ରମ କୁ ରାଇରଙ୍ଗପୁର ଏସଡିପିଓ ଗୋକୁଳାନନ୍ଦ ସାହୁ ସଭାପତିତ୍ବ ରେ ଅନୁଷ୍ଠିତ ହୋଇଥିଲା ।
ଉକ୍ତ ସଚେତନତା ସଭାରେ ମୁଖ୍ୟ ଅତିଥି ଭାବେ ବାମନଘାଟୀ ଉପଜିଲ୍ଲାପାଳ ସରୋଜ କୁମାର ଦାସ, ସମ୍ମାନିତ ଅତିଥି ଭାବେ ଏବିଡିଓ ସୁରାଇ ମାର୍ଣ୍ଡି, ଏସ ବି ଆଇ ଚିଫ୍ ମ୍ୟାନେଜର ସୁଶାନ୍ତ କୁମାର ମହାପାତ୍ର, ବ୍ୟାଙ୍କ ଅଫ୍ ଇଣ୍ଡିଆ ମ୍ୟାନେଜର ବନମାଳୀ ରଣା, ସାଇବର ଦକ୍ଷ ସୁଶାନ୍ତ ମଣ୍ଡଳ, ରାଇରଙ୍ଗପୁର ବିଇଓ ଭାଗିରଥି ମହାନ୍ତି, ରାଇରଙ୍ଗପୁର ବ୍ଲକ ଅଧ୍ୟକ୍ଷ ଜ୍ଞାନରଂଜନ ହେମ୍ବ୍ରମ,
ରାଇରଙ୍ଗପୁର ମ୍ୟୁନିସିପାଲିଟି ଉପାଧ୍ୟକ୍ଷା ମମିତା ଚୌଧୂରୀ, ୪୬ ନଂ ଜୋନ ଜିଲ୍ଲାପରିଷଦ ସଦସ୍ୟା ଲିପିକା ମଣ୍ଡଳ, ଏ ଏସ ପି ଉମାଶଙ୍କର ମହାରଣା ଯୋଗ ଦେଇ ସାଇବର ସଚେତନତା ଉପରେ ସାରଗର୍ଭକ ବକ୍ତବ୍ୟ ରଖିଥିଲେ | ଏହି ସଭାରେ ରାଇରଙ୍ଗପୁର ଟାଉନ ପୋଲିସ ଅଧିକାରୀ ରୋଜାଲିନ ବେହେରା ତଥା ପୋଲିସ ଅଧିକାରୀ ଡମ୍ବୁରୁଧର ମହାନ୍ତ,
ଆଲୋକ କୁମାର ସିଂ, ବିରଞ୍ଚି ନାୟକ, ସୁନାରାମ ମାର୍ଣ୍ଡି, ବିଜୟ କୁମାର ଗିରି, ଯୋଗେନ୍ଦ୍ର ନାଏକ, ଶିକ୍ଷକ ଦିଲ୍ଲୀପ କୁମାର ମହାନ୍ତି ପ୍ରମୁଖ ସହଯୋଗ କରିଥିଲେ | ଏହି ସଭା ତଥା ସଚେତନତା କାର୍ଯ୍ୟକ୍ରମରେ ଆଶା,ଅଙ୍ଗନୱାଡି କର୍ମୀ, ମଶିନ ଶକ୍ତି ଗ୍ରୁପ୍, କଲେଜ ଛାତ୍ରଛାତ୍ରୀ , ରେଡି ଭଲେଟିୟାର ଓ ସ୍ଥାନୀୟ ଜନସାଧାରଣ ବହୁ ସଂଖ୍ୟାରେ ସାମିଲ ହୋଇଥିଲେ |
ଏହି ଭବ୍ୟ କାର୍ଯ୍ୟକ୍ରମ ସଭାକୁ ଶିକ୍ଷକ ରଂଜନ କୁମାର ନନ୍ଦ ପରିଚାଳନା କରିଥିବା ବେଳେ ଅଧ୍ୟାପକ ବିଜୟ କୁମାର ରାମ ଧନ୍ୟବାଦ ଅର୍ପଣ କରିଥିଲେ | କାର୍ଯ୍ୟକ୍ରମ ରେ ଆଦିବାସୀ ନୃତ୍ଯ , ଡ୍ରାମା , ଦାସକାଠିଆ ଓ ଝୁମର ନୃତ୍ଯ ପରିବେଷଣ ହୋଇଥିଲା ।
