ମହିଳାଙ୍କ ସନ୍ଦେହ ଜନକ ମୃତ୍ୟୁ, ଯୌତୁକ ଜନିତ ହତ୍ୟା ଅଭିଯୋଗ ଆଣିଲେ ପରିବାରବର୍ଗ, ସ୍ବାମୀ ଗିରଫ

୧୪ ସେପ୍ଟେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ଆର,ଉଦୟଗିରି :-> ପୁଣି ଆଉ ଏକ ନାରୀ ଯୌତୁକ ଜନିତ ଜୁଇରେ ପ୍ରାଣ ଗଲା । ଏଭଳି ଘଟଣା ଦେଖିବାକୁ ମିଳିଛି ଗଜପତି ଜିଲା ଆର ଉଦୟଗିରି କେ ଏମ ଭାଲିଆ ସାହି ଗ୍ରାମରେ । ଝିଅର ଅସ୍ବାଭାବିକ ମୃତ୍ୟୁକୁ ନେଇ ତାଙ୍କ ବାପା ହତ୍ୟା ଅଭିଯୋଗ ଆଣିଛନ୍ତି । ପ୍ରକାଶ ଯେ, ଗଜପତି ଜିଲ୍ଲା ଗୋଷାଣି ବ୍ଲକ ଅନ୍ତର୍ଗତ ସାରିଆପଲ୍ଲୀ ନିବାସୀ ପି.ପାପାରାଓଙ୍କ କନ୍ୟା ଅନୀତା କୁମାରୀ (୨୯) ଗତ ଦୁଇବର୍ଷ ପୂର୍ବେ ଏହି ବ୍ଲକ ଅନ୍ତର୍ଗତ ଭୁଷୁକୁଡି ଗ୍ରାମର ଏସ୍. ଭୀମାରାଜୁ(୩୪)ଙ୍କୁ ବୈଦିକ ରିତୀରେ ବାହା ହୋଇଥିଲେ । ଭୀମାରାଜୁ ଯିଏକି ଆର.ଉଦୟଗିରି ବ୍ଲକ ଅନ୍ତର୍ଗତ କେ.ଏମ୍.ଭାଲିଆସାହି ଠାରେ ଶିକ୍ଷକତା କରୁଥିଲେ । ମୃତ ଅନୀତାଙ୍କ ବାପା ପାପା ରାଓଙ୍କ କହିବା ପ୍ରକାରେ ବିବାହ ପର ଠାରୁ ଅନୀତାଙ୍କୁ ତାଙ୍କ ଶାଶୁ ଘରର ଲୋକେ ଏବଂ ନିଜର ଶିକ୍ଷକ ସ୍ବାମୀ ସହ ବିଭିନ୍ନ ନିର୍ଯ୍ୟାତନା ଦେଇ ଆସୁଥିଲେ ଅନୀତା ।

ପାପାରାଓଙ୍କ ଅଭିଯୋଗ ପ୍ରକାରେ ଅନୀତାଙ୍କୁ ତାଙ୍କ ଶାଶୁ ଘରର ଲୋକେ ଏବଂ ସ୍ବାମୀ ବିଭିନ୍ନ ସମୟରେ ଅଧିକା ଯୌତୁକ ଆଣିବା ପାଇଁ ଶାରରୀକ ଏବଂ ମାନସିକ ନିର୍ଯ୍ୟାତନା ଦେଇ ଆସୁଥିଲେ । ନିଜ ଝିଅଙ୍କ ଠାରୁ ଖବର ପାଇବା ଶୁଣି ଅନୀତାଙ୍କ ଶାଶୁ ଘରର ଲୋକ ଶଶୁର ଏସ୍. ଅଚ୍ୟୁତ ରାଓ ଶାଶୁ ଏସ୍. ତେଜେମା, ନଣନ୍ଦ ଦାରାପୁ ଚିନ୍ନମାଇ ଏବଂ ନିଜ ଜ୍ବାଇଁ ଭୀମରାଜୁଙ୍କୁ ବୁଝାସୁଝା କରି ଆସୁଥିବାର ପ୍ରକାଶ କରିଛନ୍ତି । ତେବେ ଗତକାଲି ସନ୍ଧ୍ୟା ପ୍ରାୟ ଛଅ ଘଣ୍ଟା କୋଡିଏ ମିନିଟରେ ଆର,.ଉଦୟଗିରି ଗୋଷ୍ଠି ସ୍ବାସ୍ଥ୍ୟ କେନ୍ଦ୍ର ଥାଇ ଜୋଇଁପୁଅ ଜଣକ ମୋ ଝିଅର ମୃତ୍ୟୁ ଖବର ଦେଇଥିଲେ ବୋଲି କହିଛନ୍ତି । ଖବର ପାଇ ଆମ୍ଭ ସପରିବାର ଆର,ଉଦୟଗିରି ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରକୁ ଗଲାବେଳେ ଝିଅର ମୃତ ଶରୀର ଦେଖିଥିଲେ । ସେ ପରିଧାନ କରିଥିବା ମଙ୍ଗଳସୂତ୍ର ସହ ହାତରେ ଚୁଡି ନଥିବାର ପ୍ରକାଶ କରିଛନ୍ତି ।

ଏହା ସହ ଝିଅର ମୁଣ୍ଡରେ ଆଘାତ ଲାଗି ରକ୍ତ ବାହାରୁଥିବା ସେ ଲିଖିତ ଅଭିଯୋଗରେ ଜଣାଇଛନ୍ତି ଯେ, ଝିଅ ମୋର ଉଚ୍ଚଶିକ୍ଷିତ ଥିବାରୁ ସେ କେବେବି ଆତ୍ମହତ୍ୟା କରିପାରିବ ନାହିଁ । ତେଣୁ ଘଟଣାର ପୁଙ୍ଖାନୁପୁଙ୍ଖ ଭାବେ ତଦନ୍ତ କରି ନ୍ୟାୟ ପ୍ରାର୍ଥନା କରିଛନ୍ତି । ଏହା ସହ ଦୋଷୀଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିମନ୍ତେ ନିବେଦନ କରିଛନ୍ତି । ଅପରପକ୍ଷରେ ଗତକାଲି ଆର,.ଉଦୟଗିରି ଗୋଷ୍ଠି ଚିକିତ୍ସାଳୟରେ ମୃତ ଅନୀତାକୁ ବିଷ ଖାଇ ଥିବାକୁନେଇ ଚିକିତ୍ସାଳୟରେ ଭର୍ତ୍ତି କରିଥିବାର ଜଣାପଡିଛି । ତେବେ ମୃତ ଅନୀତାଙ୍କ ପରିବାର ବର୍ଗ ପହଞ୍ଚିବା ପରେ ଘଟଣାଟି ନୂଆ ମୋଡ ନେଇଥିଲା । ମଙ୍ଗଳବାର ସକାଳେ ମୃତ ଅନୀତାଙ୍କ ବାପା ପାପାରାଓ ଆର.ଉଦୟଗିରି ଥାନାରେ ଲିଖିତ ଅଭିଯୋଗ କରିଥିଲେ ।

ପରେ ଶବ ବ୍ୟବଚ୍ଛେଦ ନିମନ୍ତେ ପାରଳାଖେମୁଣ୍ଡି ପଠାଯାଇଥିଲା । ବ୍ୟବଚ୍ଛେଦ ପରେ ତାଙ୍କ ପରିବାର ବର୍ଗଙ୍କୁ ଶବ ହସ୍ତାନ୍ତର କରାଯାଇଥିବାର ଜଣାପଡିଛି । ତେବେ ଭୀମାରାଜୁଙ୍କୁ ଆର,.ଉଦୟଗିରି ପୋଲିସ ଗିରଫ କରି ବୁଧବାର କୋର୍ଟ ଚାଲାଣ କରାଯାଇଛି । ଏହାର ତଦନ୍ତ ଜାରି ରଖିଥିବା ଏବଂ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ଘଟଣାର ପରଦାଫାସ ହେବ ବୋଲି ଆର.ଉଦୟଗିରି ପୁଲିସ ସୂତ୍ରରୁ ପ୍ରକାଶ କରିଛନ୍ତି । ଏନେଇ ଆର,ଉଦୟଗିରି ଥାନାରେ ୧୧୦/୨୩ରେ ଏକ ମାମଲା ରୁଜୁ କରାଯାଇ ଦଫା ୪୯୮ଏ, ୩୦୨, ୩୦୪ବି, ୩୪୧, ୪ଡିପି ଆକ୍ଟ ପ୍ରକାରେ ତଦନ୍ତ ଜାରି ରହିଥିବାର ମଧ୍ୟ ଥାନା ସଆଇ (s i) ଦୁସ୍ମନ୍ତ କୁମାର ହେମନ୍ତ ପ୍ରକାଶ କରିଛନ୍ତି