ପାଟଣାଗଡ଼ ର ପବିତ୍ର ଭଲି ବ୍ଳକ ଛକ ରେ ବହୁଛି : ଜନକୃତ୍ୟ ହ୍ରଦ…ଏ..ବୁଆ…ଗାଧିବ ବଇଁଲେ ଗାଧିପକ

୧୨ ସେପ୍ଟେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ପାଟଣାଗଡ଼  :->  ବଲାଙ୍ଗିର ଜିଲ୍ଲା ପାଟଣାଗଡ଼ ଐତିହ୍ୟ ସମ୍ପନ୍ନ ସହର ରେ ଥିବା ପ୍ରମୁଖ ବ୍ଳକ ଛକ ଏପରି ଏକ ଛକ ଯାହାକି ସାରା ରାଜ୍ୟ ତଥା ରାଜ୍ୟ ବାହାରେ ମଧ୍ୟ ସୁଚର୍ଚ୍ଚିତ ଏବଂ ସୁପରିଚିତ । ଏହି ଛକ ବର୍ତ୍ତମାନ ଭଗବାନ ପ୍ରଶୁରାମ ଛକ ନାମରେ ନାମିତ ପାଇଁ ସୁପାରିଶ ହୋଇସାରିଛି । ଏହି ଛକ ରେ ଭଗବାନ ପ୍ରଶୁରାମ ଙ୍କ ଫଟୋ ଚିତ୍ର ହଟାଇ ବିଜୁବାବୁ ଙ୍କ ପ୍ରତିମୂର୍ତ୍ତି ସ୍ଥାପନ କୁ ନେଇ ବହୁ ବାଦ ବିବାଦର ସମାଧନ ର କିଛି ମାତ୍ରା ରେ ବାଟ ଫିଟିଯାଇଥିବା ବେଳେ ଛକର ଏକ ନିର୍ଦ୍ଦିଷ୍ଟ ସ୍ଥାନରେ ଭଗବାନ ପ୍ରଶୁରାମ ଓ ବିଜୁବାବୁ ଙ୍କ ପ୍ରତିମୂର୍ତ୍ତି ସ୍ଥାପନ ହେବ ବୋଲି କୁହାଯାଇଛି । ଅନ୍ୟ ପଟେ ଯେଉଁ ଛକ ଟି ଭଗବାନ ପ୍ରଶୁରାମ ଓ ପ୍ରବାଦ ପୁରୁଷ ବିଜୁବାବୁ ଙ୍କ ପ୍ରତିମୂର୍ତ୍ତି ସ୍ଥାନ ପାଇବ ସେ ପବିତ୍ର ଭଲି ଛକ ରେ ଜନକୃତ୍ୟ ହ୍ରଦ ସୃଷ୍ଟି ହୋଇଥିବା ଦେଖିବାକୁ ମିଳିଛି ।

ସୂଚନା ଯେ ଛକ ରୁ ପଦ୍ମପୁର ଯିବା ମୂଖ୍ୟ ରାସ୍ତାରେ ଅମୃତ ଧାରା ପାଖରେ ପାଣି ରାସ୍ତା ଉପରେ ପ୍ରବାହିତ ହେଉଛି । ଯାହାଫଲ ରେ ମୁଖ୍ୟରାସ୍ତା ରେ ଗାତ ହୋଇ ପାଣି ଜମା ହୋଇ ରାସ୍ତା ଖରାପ ହୋଇଯାଇଛି । ଏହି ରାସ୍ତା ରେ ମାଲ ବୋଝେଇ ବଡ଼ ବଡ଼ ଟ୍ରକ ,ବସ ଯାନବାହାନ ଚଲାଚଳ କରୁଥିବା ହେତୁ ଉକ୍ତ ସ୍ଥାନ ଟି ଆହୁରି ଖରାପ ହୋଇ ଯିବା ଆସିବାରେ ଦୁର୍ଘଟଣା ହେବାର ସମ୍ଭାବନା ସୃଷ୍ଟି କରୁଛି । ଏହି ସ୍ଥାନ କୁ ବାଇକ ରେ ପାର ହେବାକୁ ହେଲେ ମଦୁଆ ଯେଭଳି ହଲି ଝୁଲି ଡେନ୍ସ କଳା ଭଲି ଯାଇଥାଏ ଠିକ୍ ସେହି ଭଲି ବାଇକ ଚାଳକ ମାନେ ଯାଉଥିବା ଦେଖିବାକୁ ମିଳିଛି । ଏଠାରେ ଦୂର୍ଘଟଣା ର ସମ୍ମୁଖୀନ ହେଉଥିବା ନଜିର ରହିଛି ।ଅରପକ୍ଷେ ଛକ ରୁ ଅନିତି ଦୂରରେ ବ୍ଳକ କାର୍ଯ୍ୟାଳୟ ରହିଛି ।

ଏହି ରାସ୍ତା ଦେଇ ବାବୁ , ଅଧିକାରୀ ଓ ବିଭାଗୀୟ ଅଧିକାରୀମାନ ସହ ଜନପ୍ରତିନିଧି , ବିଧାୟକ ,ସାଂସଦ ନିତିଦିନ ଯିବାଆସିବା କରିଥାନ୍ତି ହେଲେ ରାସ୍ତା ଉପରେ ପାଣି ଜମି ଖାଲଖମା ର ଅବସ୍ଥା ତାଙ୍କ ଆଖିକୁ ଦେଖାଯାଉନାହିଁ । ଏହି ରାସ୍ତା ଦେଇ ନିଜ ଏସି ଲଗା ଗାଡିରେ ଗଲାବେଳେ ବାବୁ ଅଧିକାରୀ ,ଜନପ୍ରତିନିଧି ମାନେ ତ ମୋବାଇଲ ରେ ଦେଖାରେ ସବୁବେଳେ ବ୍ୟସ୍ତ ଆଉ ଏହି ସ୍ଥାନ କାହିଁକି ଦେଖିବେ ବୋଲି ସାଧରଣ ରେ ମତ ପ୍ରକାଶ ପାଇଛି । ବିଶେଷ୍ କରି ସାଇକେଲ ଓ ସ୍କୁଟି ରେ ଆସୁଥିବା ସ୍କୁଲ କଲେଜ ଛାତ୍ରଛାତ୍ରୀ ମାନେ ଏହି ସ୍ଥାନ ପାର ହେବାକୁ ଅସୁବିଧା ର ସମ୍ମୁଖୀନ ହେଉଛନ୍ତି ।

କିଛି ଦିନ ତଳେ ସମାନ୍ୟ ସମେଣ୍ଟ ମିଶା କିଛି ମେଟାଲ ଉକ୍ତ ସ୍ଥାନ ରେ ବିଚ୍ଛାଇ ନାମ କୁ ମାତ୍ର ମରାମତି କରି ଦିଆ ଯାଇଥିଲା । ହେଲେ ଯେନ୍ ରାର୍ଢି କେ ସେ ଦୁଃଖ …ଘଏତା କରା କାଁଏ ସୁଖ.. ସଦୃଶ୍ୟ ହୋଇଛି । ଏଠାରେ ଦୁର୍ଘଟଣା ର ସମ୍ମୁଖୀନ ହୋଇଥିବା ଲୋକେ ଏ ବୁଆ … ବ୍ଳକ ଛକ ରେ ବହୁଛେ ଜନକୃତ୍ୟ ହ୍ରଦ ଗାଧିବ ବଇଁଲେ ଜଲଦି ଗାଧିପକ ବୋଲି କହୁଥିବା ଶୁଣିବାକୁ ମିଳିଛି । ଏଥିପ୍ରତି ଜିଲ୍ଲାପାଳ ଦୃଷ୍ଟିଦେଇ ଆବଶ୍ୟକ ପଦକ୍ଷେପ ନେବାକୁ ବୁଦ୍ଧିଜିବୀ ମହଲ ରେ ଦାବୀ ହେଉଛି ।