ଦାରିଦ୍ର୍ୟ ଓ ନିରକ୍ଷରତା ଦୁରିକରଣ ଥିଲା ରାଜୀବ ଗାନ୍ଧୀଙ୍କ ସ୍ୱପ୍ନ
୨୧ ଅଗଷ୍ଟ ୨୦୨୩ (ଓଡ଼ିଶା ତାଜା ନ୍ୟୁଜ ) ଭୁବନେଶ୍ୱର :-> ଓଡ଼ିଶା ରାଜୀବ ଗାନ୍ଧୀ ଛାତ୍ର ଫୋରମ୍ ଓ ରାଜୀବ ଗାନ୍ଧୀ ଷ୍ଟଡ଼ି ସର୍କଲ ପକ୍ଷରୁ ଆଜି ପୂର୍ବାହ୍ନରେ ଭୁବନେଶ୍ୱରସ୍ଥିତ ଜୟଦେବ ଭବନରେ ଭାରତରତ୍ନ ରାଜୀବ ଗାନ୍ଧୀଙ୍କ ୭୯ତମ ଜନ୍ମ ବାର୍ଷିକ, ରାଜୀବ ଗାନ୍ଧୀ ଶିକ୍ଷା ଓ ପ୍ରତିଭା ସମ୍ମାନ ଉତ୍ସବ ରାଜ୍ୟ ସଭାପତି ସତ୍ୟବ୍ରତ ନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀଯୁକ୍ତ ଶରତ ପଟ୍ଟନାୟକ ଯୋଗ ଦେଇ କାର୍ଯ୍ୟକ୍ରମକୁ ପ୍ରଦ୍ୱିପ ପ୍ରଜ୍ଜେ୍ୱାଳନ କରି ଉଦ୍ଘାଟନ କରିଥିଲେ । ଏହି ଅବସରରେ ଭାରତ ରତ୍ନ ରାଜୀବ ଗାନ୍ଧୀଙ୍କ ଦୂରଦୃଷ୍ଟି ଓ ସମଗ୍ର ଭାରତ ବର୍ଷରେ ଦାରିଦ୍ର୍ୟତା ଏବଂ ନିରକ୍ଷରତାକୁ ସମୂଳେ ନଷ୍ଟ କରାଯାଇପାରିଲେ ଯୁବପିଢ଼ିମାନଙ୍କ ଦ୍ୱାରା ଏକ ନୂତନ ଭାରତ ଗଢ଼ାଯାଇ ପାରିବ ବୋଲି ରାଜୀବ ଗାନ୍ଧୀଙ୍କର ପ୍ରୟାସ ରହିଥିଲା । ଏହି ପ୍ରୟାସକୁ ସାର୍ଥକ କରିବା ପାଇଁ ଆଜିର ଯୁବପିଢ଼ି ତାଙ୍କର ଆଦର୍ଶରେ ଅନୁପ୍ରାଣିତ ହେବାର ଆବଶ୍ୟକତା ରହିଛି ବୋଲି ତାଙ୍କର ବକ୍ତବ୍ୟରେ ଦର୍ଶାଇଥିଲେ ।
ମୁଖ୍ୟବକ୍ତା ଫକୀର ମୋହନ ବିଶ୍ୱବିଦ୍ୟାଳୟର ପୂର୍ବତନ କୂଳପତି ପ୍ରଫେସର କୁମରବର ଦାସ ଯୋଗ ଦେଇ ରାଜୀବ ଗାନ୍ଧୀଙ୍କ ଭଳି ବିକଶିତ ରାଷ୍ଟ୍ରର ସ୍ୱପ୍ନ ଓ ପ୍ରଯୁକ୍ତି ବିଦ୍ୟା କ୍ଷେତ୍ରରେ ଭାରତ ବର୍ଷକୁ ଆଗେଇ ନେବା ତାଙ୍କ ଉଦ୍ୟମକୁ ଆଜି ଯୁବପିଢ଼ି କାର୍ଯ୍ୟରେ ପରିଣତ କରିପାରିଲେ ଭାରତ ରତ୍ନ ରାଜୀବ ଗାନ୍ଧୀଙ୍କ ୭୯ ତମ ଜନ୍ମ ଜୟନ୍ତୀର ପ୍ରକୃତ ଶ୍ରଦ୍ଧାଞ୍ଜଳି ହୋଇପାରିବ ବୋଲି ଦର୍ଶାଇଥିଲେ । ଓଡ଼ିଶା ପ୍ରଦେଶ କଂଗ୍ରେସ କମିଟର ପୂର୍ବତନ ସଭାପତି ନିରଞ୍ଜନ ପଟ୍ଟନାୟକ ଯୋଗଦେଇ ଯୁବକମାନେ ଚାହିଁଲେ ଭାରତ ବର୍ଷ ଏକ ବିକଶିତ ରାଷ୍ଟ୍ରରେ ପରିଣତ ହୋଇପାରିବ ଏବଂ ଏହା ରାଜୀବ ଗାନ୍ଧୀଙ୍କ ସ୍ୱପ୍ନ ସାକାର କରିବାରେ ସହାୟକ ହେବ ବୋଲି କହିଥିଲେ । ଅନ୍ୟତମ ସମ୍ମାନୀୟ ଅତିଥି ପୂର୍ବତନ ସାଂସଦ ତଥା ଅଖିଳ ଭାରତ କଂଗ୍ରେସ କମିଟିର ପୂର୍ବତନ ସାଧାରଣ ସମ୍ପାଦକ ଡଃ ରାମଚନ୍ଦ୍ର ଖୁଣ୍ଟିଆ ସ୍ୱଳ୍ପ ସମୟ ପାଇଁ କ୍ଷମତାରେ ରହି ମଧ୍ୟ ଭାରତ ବର୍ଷକୁ ଆଗେଇ ନେବାରେ ଭାରତରତ୍ନ ରାଜୀବ ଗାନ୍ଧୀ ଯେଉଁ ସ୍ୱପ୍ନ ଦେଖିଥିଲେ ଏବଂ ଭାରତବାସୀଙ୍କୁ ଯେଉଁଭଳି ଦିଗ୍ଦର୍ଶନ ଦେଇଥିଲେ ତାହା ଆଜି ମଧ୍ୟ ଅସଂପୂର୍ଣ୍ଣ ରହିଅଛି ।
ସେ ସବୁକୁ ପୁରଣ କରିବା ପାଇଁ ଆଜିର ଯୁବପିଢ଼ି ଆଗେଇ ଆସିବା ଉଚିତ୍ ବୋଲି ତାଙ୍କ ବକ୍ତବ୍ୟରେ କହିଥିଲେ । ଏହା ସହିତ ୧୮ ବର୍ଷରେ ମତଦାନର ଅଧିକାର ପାଇଁ ବିଲ୍ପାସ କରିବା ଯୋଗୁ ଯୁବକମାନେ ଦେଶ ଗଢ଼ିବାରେ ତାଙ୍କର ଭୂମିକା ଓ ଯୁବକମାନଙ୍କ ପ୍ରତି କିଭଳି ପ୍ରାଧାନ୍ୟ ଦେଉଥିଲେ ତାହା ସହଜରେ ଅନୁମେୟ । ଅନ୍ୟତମ ଅତିଥି ପୂର୍ବତନ ପିସିସି ସଭାପତି ଜୟଦେବ ଜେନା ତାଙ୍କ ବକ୍ତବ୍ୟରେ କହିଥିଲେ ଯେ ରାଜୀବ ଗାନ୍ଧୀଥିଲେ ସ୍ପଷ୍ଟବାଦି ଓ ଦୁର୍ନୀତି ଦୂର କରିବା ପାଇଁ ତାଙ୍କ ଉଦ୍ୟମକୁ ଅସ୍ୱୀକାର କରାଯାଇପାରିବ ନାହିଁ । କେନ୍ଦ୍ର ଦେଉଥିବା ଅର୍ଥର ୮୫ ପ୍ରତିଶତ ଅର୍ଥର ବାଟମାରଣା ହେଉଥିବା କଥାକୁ ମଧ୍ୟ ସେ ସ୍ୱୀକାର କରିଥିଲେ । ଭାରତର ରୂପ ଓ ମୋଡ଼ ବଦଳାଇବାରେ ତାଙ୍କର ଉଦ୍ୟମ ପ୍ରଂଶସନୀୟ ବୋଲି କହିଥିଲେ । ଅନ୍ୟତମ ଅତିଥି ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନ ବକ୍ତବ୍ୟରେ କହିଥିଲେ ଯେ ମୁକ୍ତ ବଜାର ଅର୍ଥନୀତି ବ୍ୟବସ୍ଥା ଠାରୁ ଆରମ୍ଭ କରି ସର୍ବଶିକ୍ଷା ଅଭିଯାନ, ନବୋଦୟ ବିଦ୍ୟାଳୟ ସ୍ଥାପନ ପର୍ଯ୍ୟନ୍ତ ସବୁ ତାଙ୍କ ଦ୍ୱାରା ସମ୍ଭବ ହୋଇପାରିଥିଲା ବୋଲି କହିଥିଲେ ।
ଅନ୍ୟତମ ଅତିଥି ବିଧାୟକ ସୁରେଶ କୁମାର ରାଉତରାୟ, ଦୈନିକ ଖବରକାଗଜର ପର୍ଯ୍ୟବେକ୍ଷକ ଓ ଦି କଳିଙ୍ଗ କ୍ଲୋନିକିଲ୍ର ସମ୍ପାଦକ ଡଃ ପବିତ୍ର ମୋହନ ସାମନ୍ତରାୟ, ପୂର୍ବତନ ପ୍ରଶାସକ ସୁରେଶ ମନ୍ତ୍ରୀ ତଥା ଲୋକସେବକ ମଣ୍ଡଳର ସଭ୍ୟ ଯୋଗ ଦେଇ ରାଜୀବ ଗାନ୍ଧୀଙ୍କ ସ୍ମୃତିଚାରଣ କରିବା ସହ ସମସ୍ତ ଯୁବପିଢ଼ି ରାଜୀବ ଗାନ୍ଧୀଙ୍କ ଆଦର୍ଶରେ ଅନୁପ୍ରାଣିତ ହେବା ପାଇଁ ଆହ୍ୱାନ ଦେଇଥିଲେ । ରାଜୀବ ଗାନ୍ଧୀ ଛାତ୍ର ଫୋରମ୍ର ସଭାପତି ତାଙ୍କ ବକ୍ତବ୍ୟରେ କହିଥିଲେ ଆଜିର ଉତ୍ସବରେ ସମ୍ମାନୀତ ହେଉଥିବା ପ୍ରତିଭାମାନେ ଓ ଉପସ୍ଥିତ ଏନ୍.ଏସ୍.ଏସ୍., ଏନ୍.ସି.ସି., ୟୁଥ ରେଡ଼କ୍ରସ, ସ୍କାଉଟ ଗାଇଡ଼ ଛାତ୍ରମାନେ ତାଙ୍କ ଆଗାମୀ ଭବିଷ୍ୟତ ଜୀବନରେ ଦେଶ, ସମାଜ ଓ ମାତୃଭୂମି ପାଇଁ ସେବା ମନବୃତ୍ତି ଆପଣେଇବା ଦ୍ୱାରା ଦେଶାତ୍ମକବୋଧକ ଚିନ୍ତାଧାରା ଉଜାଗର ହୋଇପାରିବ ଏବଂ ଏହା ରାଜୀବ ଗାନ୍ଧୀଙ୍କ ପାଇଁ ପ୍ରକୃତ ଶ୍ରଦ୍ଧାଞ୍ଜଳୀ ହେବ ।
ଫୋରମ୍ର ରାଜ୍ୟ ସାଧାରଣ ସମ୍ପାଦକ ପ୍ରଦ୍ମାକର ଗୁରୁ ସ୍ୱାଗତ ଭାଷଣ ଦେଇଥିôବାବେଳେ ସଭାଶେଷରେ ଉପସଭାପତି କୃଷ୍ଣଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ । ଓଡ଼ିଶା ସିଭିଲ୍ ସର୍ଭିିସ୍ ଏକ୍ଜାମିନେସନ ମେଧାବୀଙ୍କୁ ରାଜୀବ ଗାନ୍ଧୀ ପ୍ରତିଭା ପୁରସ୍କାର, କ୍ୟାପିଟାଲ ରକ୍ତଭଣ୍ଡାରର ନିର୍ଦ୍ଦେଶକ ଡଃ ଦେବାଶିଷ ମିଶ୍ର, ଅରୁଣ କୁମାର ସ୍ୱର୍ଣ୍ଣକାର, ସଞ୍ଜୟ ସାହୁଙ୍କୁ ରାଜୀବ ଗାନ୍ଧୀ ସେବା ସମ୍ମାନ,ଶିକ୍ଷାବିତ୍ ଡଃ ସୀମର କୁମାର ପାଣିଗ୍ରାହିଙ୍କୁ ଶିକ୍ଷା ସମ୍ମାନ, ଏନ୍.ସି.ସି. (ଏ.ଏନ୍.ଓ.), ସ୍କାଉଟ୍ ଗାଇଡ଼, ଏନ୍.ଏସ୍.ଏସ୍. ପୋଗ୍ରାମ କୋଅଡ଼ିନେଟର, ୟୁଥ୍ ରେଡ଼କ୍ରସ ଓ କାଉନ୍ସିଲର ମାନଙ୍କୁ ଚଳିତବର୍ଷର ରାଜୀବ ଗାନ୍ଧୀ ଶିକ୍ଷା ସମ୍ମାନ ୨୦୨୩ ପ୍ରଦାନ କରାଯାଇଥିଲା । ଏହି କାର୍ଯ୍ୟକ୍ରମରେ ଫୋରମ୍ର କର୍ମକର୍ତା ପ୍ରିୟବ୍ରତ ନାୟକ, ଭବାନୀ ଶଙ୍କର ଜେନା, ସାଗର ରଞ୍ଜନ ପରିଡ଼ା, ମିର୍ ଅବୁବେକର ସିଦ୍ଦିକ୍, ପ୍ରକାଶ ଚନ୍ଦ୍ର ନାୟକ, ବାଦଲ ପ୍ରଦାନ, ଅନୀଲ ଛୁଆଳସିଂ, ଅନୀଲ ମହାନ୍ତି, ପ୍ରଦୀପ ସାହୁ ଓ ଦେବେନ୍ଦ୍ର ଦାସ ପ୍ରମୁଖ କାର୍ଯ୍ୟକ୍ରମରେ ପରିଚାଳନ କରିଥିଲେ ।
