୧୬ ଅଗଷ୍ଟ ୨୦୨୩ (ଓଡ଼ିଶା ତାଜା ନ୍ୟୁଜ ) ହିଞ୍ଜିଳିକାଟୁ :-> ହିଞ୍ଜିଳି ଥାନା ପୋଡିଙ୍ଗୀ ଗ୍ରାମରେ ମଙ୍ଗଳବାର ଭୋର ସମୟରେ ପୋଖରୀରେ ବୁଡି ଜଣେ ବ୍ୟକ୍ତିଙ୍କ ଶୋଚନୀୟ ମୃତ୍ୟୁ ଘଟିଛି।ମୃତକ ଜଣକ ହେଲେ କୁମ୍ଭାର ସାହି ବାସିନ୍ଦା ସଉରା ବେହେରା(୫୪)।ସୂଚନା ପ୍ରକାରେ ସଉରା ଭୋର ପ୍ରାୟ ୪ ଟା ସମୟରେ ଗ୍ରାମରେ ଥିବା ବୈଷ୍ଣବ ପୋଖରୀକୁ ଗାଧୋଇବା ପାଇଁ ଯାଇଥିଲେ।କିନ୍ତୁ କୌଣସି କାରଣରୁ ସେ ପାଣିରେ ବୁଡି ଯାଇଥିଲେ। ଦୀର୍ଘ ସମୟ ଧରି ପୋଖରୀ ତୁଠରେ ତାଙ୍କ ସାଇକେଲ,ଚପଲ ଓ ଗାମୁଛା ଥିବା ଦେଖି ଗ୍ରାମବାସୀଙ୍କ ମନରେ ସନ୍ଦେହ ଜାତ ହୋଇଥିଲା।
ପରେ ଖୋଜା ଖୋଜି କରିବା ବେଳେ ପୋଖରୀରୁ ତାଙ୍କ ମୃତ ଦେହ ଉଦ୍ଧାର କରି ପୋଲିସକୁ ଖବର ଦେଇଥିଲେ।ଘଟଣା ସ୍ଥଳରେ ପୋଲିସ ପହଞ୍ଚି ମୃତ ଦେହକୁ ଜବତ କରିଛି।ଏନେଇ ହିଞ୍ଜିଳି ଥାନାରେ ୧୫/୨୩ରେ ଏକ ଅପମୃତ୍ୟ ମାମଲା ରୁଜ୍ଜୁ କରିବା ସହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ଏମକେସିଜି ଡାକ୍ତରଖାନାକୁ ପଠାଇ ତଦନ୍ତ ଚାଲିଥିବା ଥାନା ଭାରପ୍ରାପ୍ତ ଅଧିକାରୀ ଅଭିମନ୍ୟୁ ଦାସ ସୂଚନା ଦେଇଛନ୍ତି।ମୃତ ସଉରାଙ୍କ ପତ୍ନୀ ସମ୍ପୃକ୍ତ ପଞ୍ଚାୟତର ୱାର୍ଡ ସଭ୍ୟା ଅଛନ୍ତି ବୋଲି ଜଣାପଡିଛି।
