୩୧ ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ପାରଳାଖେମୁଣ୍ଡି :- ଗଜପତି ଜିଲ୍ଲା ଗୋଷାଣି ବ୍ଲକର ନୂତନ ବିଡିଓ ଭାବେ ଅଜୟ କୁମାର ପ୍ରଧାନ ଯୋଗଦାନ କରିଥିବାର ଜଣାପଡିଛି । ଦାୟିତ୍ୱ ଗ୍ରହଣ ପରେ ବିଭିନ୍ନ ସରକାରୀ ଯୋଜନା ଗୁଡିକୁ ଲୋକଙ୍କ ନିକଟରେ ପହଞ୍ଚାଇବା ଏବଂ ବ୍ଲକର ସମସ୍ତ ଜନସାଧାରଣଙ୍କ ବିକାଶ ଦିଗରେ ପ୍ରାଥମିକତା ରହିବ ବୋଲି କହିଛନ୍ତି । ଏହା ସହ ସେ ବ୍ଲକର ବିଭିନ୍ନ ଅଞ୍ଚଳରେ ଚାଲୁ ରହିଥିବା ବିକାଶମୂଳକ କାର୍ଯ୍ୟର ନିରୀକ୍ଷଣ କରିଥିବାର ଜଣାପଡିଛି । ସୂଚନା ଯୋଗ୍ୟ ଯେ, ନୂତନ ବିଡିଓ ଶ୍ରୀ ପ୍ରଧାନ ଏଥି ପୂର୍ବରୁ ମାଲକାନାଗିରିର ବିଡିଓ ଭାବେ କାର୍ଯ୍ୟରତ ଥିଲେ ନୂତନ ବିଡିଓ ଶ୍ରୀ ପ୍ରଧାନଙ୍କୁ ବ୍ଲକର ବିଭିନ୍ନ ମହଲରେ ସ୍ୱାଗତ କରାଯାଇଛି । ଏଥି ପୂର୍ବରୁ ଥିବା ବିଡିଓ ନୀଳମାଧବ ମାଝୀଙ୍କୁ ଗଜପତି ଜିଲ୍ଲାପରିଷଦର ଅତିରିକ୍ତ ନିର୍ବାହୀ ଅଧିକାରୀ ଭାବେ ବଦଳି ହୋଇଛି ।
