ଶ୍ୟାମ ମେଟାଲିକ୍ ପକ୍ଷରୁ ଓଡ଼ିଶାର ସମ୍ବଲପୁରରେ ୫୦ ମେଗାୱାଟ ବିଶିଷ୍ଟ କ୍ୟାପ୍ଟିଭ୍ ଫ୍ଲୋଟିଂ ସୌର ଶକ୍ତି ସୁବିଧା ସ୍ଥାପନ କରାଯାଇଛି

• ଓଡ଼ିଶାରେ ଶ୍ୟାମ ମେଟାଲିକ୍ ଆଣ୍ଡ ଏନର୍ଜି ଲିମିଟେଡ୍ (ଏସଏମଇଏଲ) ଦେଶର ପ୍ରଥମ ନିମ୍ନ ଅଙ୍ଗାରକାମ୍ଳ ପାଦଚିହ୍ନ ଧାରଣକାରୀ ଧାତୁ ଉତ୍ପାଦନକାରୀ ସଂସ୍ଥା ଭାବରେ କାର୍ଯ୍ୟ କରିବା ସହିତ ଉତ୍ପାଦନ ମଧ୍ୟ କରିବ ।

୨୩ ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :- କୋଲକାତାରେ ସ୍ଥିତ ଏକ ଅଗ୍ରଣୀ ଇଂଟିଗ୍ରେଟେଡ୍ ଧାତୁ ଉତ୍ପାଦନକାରୀ କମ୍ପାନୀ ଶ୍ୟାମ ମେଟାଲିକ୍ ଆଣ୍ଡ ଏନର୍ଜି ଲିମିଟେଡ୍ (ଏସଏମଇଏଲ) ଓଡିଶାରେ ୫୦ ମେଗାୱାଟ କ୍ୟାପ୍ଟିଭ୍ ଫ୍ଲୋଟିଂ ସୌର ଶକ୍ତି ପ୍ରକଳ୍ପ ସ୍ଥାପନ କରୁଛି । ଏହି ପଦକ୍ଷେପ ସହିତ ଶ୍ୟାମ ମେଟାଲିକ୍ ଓଡିଶା ରାଜ୍ୟରେ ପ୍ରଥମ ଧାତୁ ଉତ୍ପାଦନକାରୀ ସଂସ୍ଥା ହେବାକୁ ଲକ୍ଷ୍ୟ ରଖିବା ସହିତ ଅଙ୍ଗାରକାମ୍ଳ ପାଦଚିହ୍ନକୁ କମକରିବାକୁ ସକ୍ଷମ ହୋଇଛି ଯାହା ପରିବେଶ ପ୍ରତି ସେମାନଙ୍କ ପ୍ରତିବଦ୍ଧତାକୁ ପ୍ରମାଣିତ କରିଛି । ଶ୍ୟାମ ମେଟାଲିକ୍ ଆଣ୍ଡ ଏନର୍ଜି ଲିମିଟେଡ୍ ବିକାଶଶୀଳ ଓଡିଶା ସହିତ ସମନ୍ୱିତ ହୋଇଛି ଏବଂ ଏହାର ଫ୍ଲାଗସିପ୍ କମ୍ପାନୀ ମାଧ୍ୟମରେ ଭାରତର ସର୍ବୋଚ୍ଚ ଲୁହା ଏବଂ ଇସ୍ପାତ ଉତ୍ପାଦକ ଭାବରେ ପରିଚିତ ହେବାକୁ ମନୋନୀତ ହୋଇଛି । ରେଙ୍ଗାଲୀ, ସମ୍ବଲପୁରରେ କମ୍ପାନୀର ଇଂଟିଗ୍ରେଟେଡ୍ ଇସ୍ପାତ ସୁବିଧା ୩ ଏମଟିପିଏ ର ମୋଟ ଇସ୍ପାତ ଉତ୍ପାଦନ କ୍ଷମତା ସହିତ ୧୫୮ ମେଗାୱାଟ ପାୱାର ପ୍ଲାଂଟ ଏବଂ ୩.୦ ଏମଟିପିଏ ପେଲେଟ ପ୍ଲାଂଟ ରହିଛି 

ଆଜି ପର୍ଯ୍ୟନ୍ତ କାରଖାନାର ମୋଟ ବିନିଯୋଗ ୩୦୦୦ କୋଟିରୁ ଅଧିକ ଏବଂ ଏଥିରେ ୧୦,୦୦୦ ରୁ ଅଧିକ ଲୋକ ନିଯୁକ୍ତି ପାଇଛନ୍ତି । କମ୍ପାନୀର ନିବେଶ ବୋର୍ଡ ବର୍ତମାନ ସରକାରଙ୍କ ସହାୟତାକୁ ଦୃଷ୍ଟିରେ ରଖି ଓଡିଶା ରାଜ୍ୟରେ ପୁଞ୍ଜି ବିନିଯୋଗ ବୃଦ୍ଧି କରିବାକୁ ପରାମର୍ଶ ଦେଇଛି । ୨୦୨୫ ସୁଦ୍ଧା ୦.୫ ଜିଡବ୍ଲୁ ନବୀକରଣ ଯୋଗ୍ୟ ଶକ୍ତି କ୍ଷମତା ଏବଂ ପରବର୍ତୀ ୩-୫ ବର୍ଷ ମଧ୍ୟରେ ୨ ଜିଡବ୍ଲୁ କ୍ଷମତା ବୃଦ୍ଧି ପାଇଁ କମ୍ପାନୀ ଯୋଜନା କରୁଛି । ପ୍ରକଳ୍ପ ବିଷୟରେ ସୂଚନା ଦେଇ ଉପାଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଶ୍ରୀ ବ୍ରିଜ ଭୂଷଣ ଅଗ୍ରୱାଲ କହିଛନ୍ତି ଯେ, ପରିବେଶର ପରିବର୍ତନ ତଥା ବିଶ୍ୱବ୍ୟାପୀ ଗ୍ରାହକଙ୍କ ଚାହିଦାକୁ ଦୃଷ୍ଟିରେ ରଖି ଆମେ ପରିବେଶ ତଥା ସାମାଜିକ ଦାୟିତ୍ୱ ପ୍ରାପ୍ତ ପ୍ରଯୁକ୍ତିବିଦ୍ୟା ଏବଂ ପଦକ୍ଷେପ ପାଇଁ ବିନିଯୋଗ କରିବାକୁ ପ୍ରତିଶ୍ରୁତିବଦ୍ଧ ।

ଓଡିଶା ରାଜ୍ୟରେ ବ୍ୟବସାୟ କରିବାର ସହଜ ମନୋଭାବ ଏବଂ ସହଜତା ଦ୍ୱାରା ଆମେ ଗଭୀର ଭାବରେ ଉତ୍ସାହିତ ଅଟୁ, ତେଣୁ କମ୍ପାନୀ ଅଧିକ ପୁଞ୍ଜି ବିନିଯୋଗ ପାଇଁ ନିଷ୍ପତି ନେଇଛି ଏବଂ ବର୍ତମାନ ହିରାକୁଦ୍ ଜଳଭଣ୍ଡାରରେ ଫ୍ଲୋଟିଂ ସୋଲାର ଜେନେରେସନ୍ କ୍ଷମତା ବିଶିଷ୍ଟ ୫୦ ମେଗାୱାଟ (୭୨ ମେଗାୱାଟ ଡିସି) ସହିତ ଏକ କ୍ୟାପ୍ଟିଭ୍ ଗ୍ରୀନ୍ ଏନର୍ଜି ପ୍ରୋଜେକ୍ଟ ସ୍ଥାପନ କରିବାକୁ ୪୫୦ କୋଟି ଟଙ୍କା ଧାର୍ଯ୍ୟ କରିଛି । ଆମେ ୫୦ ମେଗାୱାଟ ଭାସମାନ ସୌର ବିଦ୍ୟୁତ୍ ଉତ୍ପାଦନ ପାଇଁ ଗ୍ରୀଡ୍ ସଂଯୋଗ ସହିତ ହିରାକୁଦ୍ ଜଳଭଣ୍ଡାରରେ ୨୫୦ ଏକର ଜମି ଦବା ପାଇଁ ଓଡିଶା ସରକାରଙ୍କୁ ଅନୁରୋଧ କରୁଛୁ । ଏହାଛଡା ଆମର କମ୍ପାନୀର ସିଏସ୍‌ଆର୍ ରଣନୀତି ଅନୁସରଣ କରି ଆମେ ପୁରୀର ଜଗନ୍ନାଥ ମନ୍ଦିରରେ ସୌର ଆଲୋକ ସ୍ଥାପନ କରିବାପାଇଁ ଅନୁମତି ଦେବାକୁ ରାଜ୍ୟ ସରକାରଙ୍କୁ ମଧ୍ୟ ଅନୁରୋଧ କରିଛୁ ।