୩୦ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ନୂଆଗାଁ :- ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ଜାକେଡ଼ା ଗ୍ରାମ ପଞ୍ଚାୟତ ଆନୁକୂଲ୍ୟରେ ଧାନ ଫାଉଣ୍ଡେସନ ଏବଂ ନୂଆଗାଁ ଓଡ଼ିଶା ଗ୍ରାମ୍ୟ ବ୍ୟାଙ୍କ ମିଳିତ ସହଯୋଗରେ ବିତ୍ତୀୟ ସାକ୍ଷରତା ଓ ଜନ ସୁରକ୍ଷା ସଚେତନା ଶିବିର ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜାକେଡ଼ା ଗ୍ରାମ ପଞ୍ଚାୟତ ସରପଞ୍ଚ ସୁମିତ୍ରା ଜାନୀ ଯୋଗଦେଇଥିଲେ । ସମ୍ମାନିତ ଅତିଥି ଭାବେ ଓଡ଼ିଶା ଗ୍ରାମ୍ୟ ବ୍ୟାଙ୍କ ମ୍ୟାନେଜର ସମ୍ବିତ ମହାପାତ୍ର, ଧାନ୍ ଫାଉଣ୍ଡେସନ ଆସୋସିଏଟ୍ କୋଡ଼ିନେଟର ପ୍ରଭଞ୍ଜନ କହଁର, ଶଙ୍କର ସେଠି ଯୋଗ ଦେଇଥିଲେ ।
ସୂଚନା ଥାଉକି ଲୋକମାନଙ୍କୁ ଆର୍ଥିକ ସୁରକ୍ଷା ଯୋଗାଇ ଦେବା ସହ ଲୋକମାନେ କିପରି ସ୍ୱାବଲମ୍ବୀ ହୋଇପାରିବେ ଏଥି ପାଇଁ କେନ୍ଦ୍ର ସରକାର ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା, ପ୍ରଧାନମନ୍ତ୍ରୀ ସୁରକ୍ଷା ବୀମା ଏବଂ ଅଟଳ ପେନସନ ବୀମା ଯୋଜନା ପ୍ରଣୟନ କରିଛନ୍ତି । ସରକାରଙ୍କର ସମସ୍ତ ବୀମା ଯୋଜନା ଲୋକମାନଙ୍କ ପାଖରେ ପହଞ୍ଚିବ । ଦୁର୍ବଳ ଶ୍ରେଣୀର ଲୋକମାନଙ୍କୁ ସ୍ୱଳ୍ପ ଆର୍ଥିକ ସହାୟତାରେ ନିଜେ ସ୍ୱାବଲମ୍ବୀ ହୋଇପାରିବେ ।
ଏହା ଦ୍ବାରା ସମାଜର ଅର୍ଥନୈତିକ ମେରୁଦଣ୍ଡ ସୁଦୃଢ ହୋଇପାରିବ ଏବଂ ସରକାରଙ୍କ ବୀମା ଗୁଡ଼ିକରେ ସମସ୍ତ ଜନସାଧାରଣ କିପରି ସାମିଲ୍ ହେବେ ଏ ସମ୍ପର୍କରେ ସମସ୍ତ ଏସଏଚଜି ମହିଳା ମାନଙ୍କୁ ଧାନ ଫାଉଣ୍ଡେସନ ଆସୋସିଏଟ୍ କୋଡିନେଟର ପ୍ରଭଞ୍ଜନ କହଁର ଏବଂ ନୂଆଗାଁ ଓଡ଼ିଶା ଗ୍ରାମ୍ୟ ବ୍ୟାଙ୍କ ମ୍ୟାନେଜର ସମ୍ବିତ ମହାପାତ୍ର ପୁଙ୍ଖାନୁ ପୁଙ୍ଖ ଭାବେ ଆଲୋଚନା କରିଥିଲେ। ଏହି କାର୍ଯ୍ୟକ୍ରମରେ ଜାକେଡ଼ା ପଞ୍ଚାୟତର ବହୁ ସଂଖ୍ୟାରେ ଜନସାଧାରଣ ଯୋଗ ଦେଇଥିଲେ ।
