ପାରଳାଖେମୁଣ୍ଡି ଠାରେ ରୀତି ଯୁଗର ଶ୍ରେଷ୍ଠକବି ଗୋପାଳକୃଷ୍ଣଙ୍କ ୨୪୦ତମ ଜୟନ୍ତୀ ଏବଂ ସ୍ମୃତି ଚାରଣ ସଭା ଅନୁଷ୍ଠିତ

୧୮ଜୁନ୍ ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ପାରଳାଖେମୁଣ୍ଡି :- ଗଜପତି ଜିଲ୍ଲାର ସଦର ମହକୁମା ପାରଳାଖେମୁଣ୍ଡି ସ୍ଥିତ ଉତ୍କଳ ହିତୈଷିଣୀ ସମାଜ ସଭା ଗୃହରେ ରୀତିଯୁଗର ଶ୍ରେଷ୍ଠ କବି ଗୋପାଳକୃଷ୍ଣଙ୍କ୨୪୦ତମ ଜନ୍ମ ଜୟନ୍ତୀ ଏବଂ ସ୍ମୃତି ଚାରଣ ଗୋପାଳକୃଷ୍ଣ ସ୍ମୃତି କଳା ପରିଷଦ ଓ ଉତ୍କଳ ହିତୈଷିଣୀ ସମାଜ ମିଳିତ ଆନୁକୂଲ୍ୟରେ ମହା ସମାରୋହରେ ଅନୁଷ୍ଠାନର ସଭାପତି ଡ.ଭୁବନେଶ୍ୱର ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇସାରିଛି । ପ୍ରାତଃରେ ଗୋପାଳକୃଷ୍ଣ ପାଠାଗାର ଠାରେ ଥିବା କବିଙ୍କ ମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା । ସଭାରେ ମୁଖ୍ୟଅତିଥି ଭାବେ ଉପାନ୍ତପ୍ରହରୀ ପୂର୍ଣ୍ଣଚନ୍ଦ୍ର ମହାପାତ୍ର ମୁଖ୍ୟବକ୍ତା ଡ.କଲ୍ୟାଣୀ ମିଶ୍ର,ସମ୍ମାନିତ ବକ୍ତା ଅଧ୍ୟାପକ ସୌଦାଗର ସିଓ, ସମ୍ମାନିତ ଅତିଥି ସୁଶ୍ରୀ ଶ୍ୱେତlପଟ୍ଟନାୟକ,ଯୋଗଦେଇଥିଲେ ।

ଓଡ଼ିଶା ସାହିତ୍ୟ ଏକାଡ଼େମୀ ସଦସ୍ୟ ତଥା ଅନୁଷ୍ଠାନର ସମ୍ପାଦକ ବିଚିତ୍ରାନନ୍ଦ ବେବର୍ତ୍ତା ବିବରଣୀ ପାଠ କରିଥିବା ବେଳେ ସ୍ଵାଗତ ସମ୍ଭାଷଣ ଅନୁଶ୍ରୀ ପଟନାୟକ, ପରିଚୟ ପ୍ରଦାନ ସୁଶ୍ରୀ ଅଞ୍ଜନା ପଟନାୟକ ଦେଇଥିଲେ । ପ୍ରାରମ୍ଭରେ ବେତାର ତଥା ଦୂରଦର୍ଶନ ଶିଳ୍ପୀ ବି.କୋମଲାଙ୍ଗୀ ଗୋପାଳକୃଷ୍ଣ ପଟ୍ଟନାୟକଙ୍କ ତିନୋଟି ମର୍ମସ୍ୱର୍ଷୀ ସଙ୍ଗୀତ ଗାନ କରିଥିଲେ । ତର୍କ, ଭାଷଣ କଣ୍ଠ ସଙ୍ଗୀତ ପ୍ରତିଯୋଗିତାର ବିଜୟୀ ଛାତ୍ର ଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଥିଲା । ଶେଷରେ ଅନୁଷ୍ଠାନର ସହ ସମ୍ପାଦକ ବ୍ରଜାନନ୍ଦ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ । ଗୋପାଳକୃଷ୍ଣ ପଦାବଳୀ ଓଡ଼ିଆ ସାରସ୍ଵତ ଭଣ୍ଡାରକୁ ଏକ ଦୁର୍ଲଭ ବିରଳ ଅଲିଭl ଅବଦାନ ବୋଲି ବକ୍ତାମାନେ ମତବ୍ୟକ୍ତ କରିଥିଲେ । ମୂରଲୀଧର ପରିଚ୍ଛା, ତ୍ରିପତି ପ୍ରସାଦ ପଣ୍ଡା,ବିଷ୍ଣୁ ଚରଣ ପଣ୍ଡା, ରାଜେଶ୍ବରୀ ସ୍ୱାଇଁ , ଶାଶ୍ଵତୀ ବେବର୍ତ୍ତା, ଲିଜା ସ୍ୱାଇଁ ପ୍ରଭୃତି କାର୍ଯ୍ୟକ୍ରମକୁ ପରିଚାଳନା କରିଥିଲେ ।