ଆଦିବାସୀ ଜନଜାତି ସୁରକ୍ଷା ମଞ୍ଚର ଶୋଭାଯାତ୍ରା ବିଡିଓଙ୍କୁ ୫ ଦଫା ଦାବିପତ୍ର ପ୍ରଦାନ

୧୨ମଇ ବୁଧବାର,୨୦୨୩ (ଓଡ଼ିଶା ତାଜାନ୍ୟୁଜ ) ଆର,ଉଦୟଗିରି :- ଗଜପତି ଜିଲ୍ଲା ନୁଆଗଡ ବ୍ଳକ ଆଦିବାସୀ ଜନଜାତି ସୁରକ୍ଷା ମଞ୍ଚ ତରଫରୁ ୫ଦଫା ଦାବି ନେଇ ଶୋଭାଯାତ୍ରା ଆସି ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ସ୍ଥାନୀୟ ବିଡିଓ ଦାବିପତ୍ର ପ୍ରଦାନ କରିଥିଲେ । ବ୍ଳକ ସମସ୍ତ ଆଦିବାସୀ ଜନଜାତି ସୁରକ୍ଷା ମଞ୍ଚର ଆବାହକ ମିନ ମଣ୍ଡଳଙ୍କ ନେତୃତ୍ବରେ ବ୍ଳକର ଶତାଧିକ ଆଦିବାସୀ ସଦରମହକୁମାସ୍ଥିତ ଧୋବାତୁଠ ଛକ ଠାରେ ଏକତ୍ର ହୋଇଥିଲେ ।ସେଠାରୁ ଶୋଭାଯାତ୍ରାରେ ବାହାରି ବିଭିନ୍ନ ସ୍ଲୋଗାନ ଦେଇ ବଜାର ପରିକ୍ରମା କରି ବ୍ଳକ ସମ୍ମୁଖରେ ପହଞ୍ଚିଥିଲେ । ବିଡିଓ ଲୋକନାଥ ଶବରଙ୍କୁ ଦାବିପତ୍ର ପ୍ରଦାନ କରିଥିଲେ । ସମ୍ବିଧାନର ୫ମଅନୁସୁଚିର ଅନୁଛେଦ -୫(୧)ଅନୁଯାୟୀ ଅନୁସୁଚିତ ଅଞ୍ଚଳରେ ଅନୁସୁଚିତ ଜନଜାତି ମାନଙ୍କର ସ୍ବାର୍ଥ,ଅଧିକାର ଓ ସାମଗ୍ରିକ ବିକାଶ ପାଇଁ ରାଜ୍ୟପାଳଙ୍କ ଉପରେ ନ୍ୟସ୍ତ ହୋଇଥିବା ଅସାଧାରଣ କ୍ଷମତା ବଳିର ଯଥାର୍ଥ ଓ ପ୍ରୟୋଗ ସୁନିଶ୍ଚିତ ସହ ଅନ୍ୟାନ୍ୟ ଦାବି ଏଥିରେ ଉଲ୍ଲେଖ ରହିଛି । ଏହି କାର୍ଯ୍ୟକ୍ରମରେ ସତାଧିକ ଆଦିବାସୀ ଯୋଗ ଦେଇଥିଲେ । ଶୋଭାଯାତ୍ରା ବେଳେ ଶାନ୍ତି ବଜାୟ ରଖିବା ପାଇଁ ଖଜୁରିପଦା ଫାଣ୍ଡି ଅଧିକାରୀ ଡି. ଗଜପତି ଦୋରା ସଦଳବଳେ ଉପସ୍ଥିତ ଥିଲେ