ଦେଶ ବ୍ୟାପୀ ଆଦିବାସୀ ସଂଘର୍ଷ ମୋର୍ଚ୍ଚା ଉପ-ଜିଲ୍ଲା ପାଳଙ୍କ କାର୍ଯ୍ଯାଳୟ ସମ୍ମୁଖରେ ଏକ ବିକ୍ଷୋଭ ଓ ପ୍ରତିବାଦ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ୧୫ ଦଫା ଦାବୀ ନେଇ ଏକ ସ୍ମାରକପତ୍ର ପ୍ରଦାନ

୮ମଇ ,୨୦୨୩ (ଓଡ଼ିଶା ତାଜାନ୍ୟୁଜ ) ରାୟଗଡା ଜିଲ୍ଲା :- ଗୁଣପୁର ବ୍ଳକ୍ ଚଳିତ ମାସ ଦେଶ ବ୍ୟାପୀ ଆଦିବାସୀ ସଂଘର୍ଷ ମୌର୍ଚ୍ଚା ତରଫରୁ ଗୁଣପୁର ନୂଆ ବସଷ୍ଟାଣ୍ଡ ଠାରୁ ବିଶାଳ ସଭା ଯାତ୍ରାରେ ଆଦିବାସୀ ସମାବେଶ ବାହାରି ଗୁଣପୁର ଉପ-ଜିଲ୍ଲାପାଳ, କାର୍ଯ୍ୟାଳୟ ସମ୍ମୁଖରେ ଏକ ବିକ୍ଷୋଭ ଓ ପ୍ରତିବାଦ ସଭା ଅନୁଷ୍ଠିତ କରା ଯାଇ ଥିଲା ଓ ଭାରତର ମହାମହିମ ରାଷ୍ଟ୍ରପତିଙ୍କ ଉଦ୍ଦେଶ୍ୟରେ ୧୫ ଦଫା ଦାବୀ ନେଇ ଏକ ସ୍ମାରକ ପତ୍ର ପ୍ରଦାନ କରା ଯାଇଥିଲା । ଦେଶର ଆସାମ, ମଣିପୁର, ଝାଡ଼ଖଣ୍ଡ ଓ ଅନ୍ୟାନ୍ୟ ରାଜ୍ୟରେ ଆଦିବାସୀମାନେ ଆଦିମ କାଳରୁ ଭୋଗ ଦଖଲ କରି ଉପ ଭୋଗ କରିବା ସହ ବର୍ଷ ବର୍ଷ ଧରି ରହିଥିବା ଘର ଓ ଜମି କୁ ବିଜେପି ସରକାର ବୁଲଡ଼ୋଜର ଜରିଆରେ ଉଚ୍ଛେଦ କରିବା ବନ୍ଦ କର । ଭାରତର ସମସ୍ତ ବନାଞ୍ଚଳରେ ଜଙ୍ଗଲ ଅଧିକାର ଅଧିନିୟମ ଏଫ୍ଆରଏ କୁ କଡ଼ାକଡ଼ି ଲାଗୁ କରିବା ପାଇଁ ଉପାୟ ବାହାର କରିବା ଉପରେ ବିଚାର ବିମର୍ଶ କରିବା ନିମିତ୍ତ ସଂସଦର ଏକ ସ୍ବତନ୍ତ୍ର ଅଧିବେଶନ ଡ଼କାଯାଉ । କେନ୍ଦ୍ର ସରକାରଙ୍କ ଦ୍ବାରା ଜଙ୍ଗଲ ଅଧିକାର ଆଇନ ୨୦୦୬ ଓ ଗ୍ରାମ ସଭାକୁ ଅକାମୀ କରିଦେବାକୁ ହେଉଥିବା ଚକ୍ରାନ୍ତକୁ ବନ୍ଦ କରାଯାଉ । ଆଦିବାସୀ ଓ ପରିବେଶବିତ୍‌ ଜଙ୍ଗଲ ସଂରକ୍ଷଣ ନିୟମାବଳୀ ୨୦୨୨ ପ୍ରତ୍ୟାହାର କରାଯାଉ । ସମ୍ବିଧାନର ପଞ୍ଚମ ଅନୁସୂଚିତ) ଆଦିବାସୀ ସଂପ୍ରଦାୟର ପାରମ୍ପରିକ ଅଧିକାର ଓ ହକ୍କ ଗୁଡ଼ିକ କାର୍ଯ୍ୟକାରୀ କରାଯାଉ । ଭାରତର ଆସାମ ରାଜ୍ୟ ଓ ଅନ୍ୟାନ୍ୟ ରାଜ୍ୟରେ ଥିବା ଆଦିବାସୀ ପାହାଡ଼ି ଜିଲ୍ଲା ଗୁଡ଼ିକୁ ସ୍ବାୟତ ରାଜ ଘୋଷଣା କରିବା ସହ ସଉରା ଭାଷା ଓ ଲିପିକୁ ସାମ୍ବିଧାନିକ ଅଧିକାର ଦିଆଯାଉ ।ରାୟଗଡ଼ା ଜିଲ୍ଲାରେ ବିଭିନ୍ନ ବ୍ଳକରେ ଜମିଦାର ଓ ସାହୁକାରମାନେ ବେ–ଆଇନ ଭାବରେ ରଖୁଥିବା ସିଲିଂ ବହିଃଭୁତ ଜମିକୁ ବାହାର କରି ଆଦିବାସୀ ମାନଙ୍କ ମଧ୍ୟରେ ବଣ୍ଟନ କରାଯାଉ । ସାମୂହିକ ଜଙ୍ଗଲ ଅଧିକାର ସି.ଏଫ୍.ଆରର ଶାସନ ଓ ପରିଚାଳନା ପାଇଁ ଗ୍ରାମ ସଭା ଗୁଡ଼ିକୁ ସୁଦୃଢ଼ କରାଯାଉ । ସମସ୍ତ ସମ୍ଭାବିତ ଜଙ୍ଗଲ ଅଧିକାର ଆଇନ ଅଧିନରେ ଆସୁଥିବା ଯୋଗ୍ୟ ଗାଁ ଗୁଡ଼ିକର ଏକତ୍ରି କରଣ କରାଯାଉ । ଚାଲିକମା ଗ୍ରାମର ସରକାରୀ ଜାଗା ଯାହାର ଖାତା ନଂ. ୨୯, ପ୍ଳଟ ନମ୍ବର ଭାଟି କରି ଉକ୍ତ ଗ୍ରାମର ବେବି ବେହେରା, ପବିତ୍ର ବେହେରା ବିଗତ ବର୍ଷ ଧରି ମାସିକ ୧୦୦୦/- ଟଙ୍କା ମଦ ବ୍ଯବସାୟୀ ଠାରୁ ନେଉଛନ୍ତି। ଉକ୍ତ ମଦ ଭାଟିକୁ ଉଚ୍ଛେଦ କରାଯାଉ ଏବଂ ଦୋଷୀ ମାନକଂ ବିରୁଦ୍ଧ ରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଗୁଣପୁର ବ୍ଲକ ର ପୁଟାସିଂ ପଞ୍ଚାୟତ ରେଜିଗଂତାଲ ଗ୍ରାମ ର ଆଦିବାସୀ ଓ ଗରୀବ ଲୋକ ପୂର୍ବ ପୁରୁଷରୁ ଭୋଗ ଦଖଲରେ ରହିଥିବା ସରକାରୀ ଜମିକୁ ସେମାନଙ୍କ ନାମରେ ପଟ୍ଟା ପ୍ରଦାନ ଏବଂ ଗୁଣପୁର ପୌର ପରିଷଦ ୧୧ ନମ୍ବର ୱାର୍ଡ଼ ମେଟା କଣ୍ଠଗୁଡ଼ା ୩୬ ଆଦିବାସୀ ପରିବାର ଘରକୁ ଅମିୟ ମହାନ୍ତି ଘର ଭାଙ୍ଗିଛନ୍ତି ଏହା ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ । ରେଜିଂତାଲ ମୌଜାରେ ଥିବା ଏବଂ ଫୁଟ୍ଟାସିଂ ନାମରେ ନାମିତ କରାଯାଇଥିବା ସମସ୍ତ କାର୍ଯ୍ୟାଳୟକୁ ଫୁଟାସିଂ ମହକୁମାରେ ସାମିଲ କରାଯାଉ । ଦଳିତ, ଗରିବ ଏବଂ ମହିଳାଙ୍କ ଉପରେ ସାମ୍ରାଜ୍ୟ ଏବଂ ପ୍ରଧାନ୍ୟ ଶକ୍ତି ଦ୍ବାରା ହେଉଥିବା ଆକ୍ରମଣ ଏବଂ ଅତ୍ୟାଚାର ବନ୍ଦ କରନ୍ତୁ ।

ଗ୍ରାମମାଞ୍ଚଳର ଗରିବ, ଦଳିତ ଏବଂ ଆଦିବାସୀମାନଙ୍କ ସଙ୍କଟକୁ ଦୂର କରିବା ପାଇଁ ଆମର ଉତ୍ତମ କାର୍ଯ୍ୟାଳୟ ଗୁଡ଼ିକ ଆବଶ୍ୟକ ପଦକ୍ଷେପ ଗ୍ରହଣ କରିବା ନିମନ୍ତେ ଆଦେଶ ପ୍ରଦାନ କରାଯାଉ । ଦକ୍ଷିଣ ଓଡ଼ିଶା ଯଥା:- ରାୟଗଡ଼ା, କୋରାପୁଟ ଜିଲ୍ଲାରେ ଆନ୍ଧ୍ର ପ୍ରଦେଶର ଜମିଦାରମାନେ ଆଦିବାସୀ ମାନଙ୍କର ଜମିକୁ କମ୍ ମୂଲ୍ୟରେ ଲିଜ୍ ନେଇ ବେ-ଆଇନ ଭାବେ ପାମୁଏଲ ଗଛ ଲଗାଇଛନ୍ତି, ଏହାକୁ ତଦନ୍ତ କରି ଉକ୍ତ ଜମିକୁ ଆଦିବାସୀମାନଙ୍କ ମଧ୍ୟରେ ବଣ୍ଟନ କରାଯାଉ ।

ରାୟଗଡ଼ା ଜିଲ୍ଲା ଅନ୍ତର୍ଗତ ରାମନାଗୁଡ଼ା ବ୍ଲକ୍‌ରେ ଆନ୍ଧ୍ର ପ୍ରଦେଶର ଜମିଦାରମାନେ ଆଦିବାସୀମାନଙ୍କର ଜମିକୁ ବେ-ଆଇନ ଭାବେ ରେଜିଷ୍ଟ୍ରି କରି ନେଇଛନ୍ତି, ଏହାକୁ ତଦନ୍ତ କରିବା ସହ ଆଦିବାସୀମାନଙ୍କୁ ସେମାନଙ୍କ ଜମି ଫେରସ୍ତ କରାଯିବା ପାଇଁ ବ୍ୟବସ୍ତା କରାଯାଉ । ଉପସ୍ଥିତ ଅନାସିମ ଶବର,ସମ୍ବରା ଶବର,ମୀନ ଶବର,କୈଳାସ ଶବର,ଯାକବ ମାଝି,ଡିସନ ଗମାଙ୍ଗ ସାଇମା ଶବର,ମୁନି ଶବର, ରାଇନା ଶବର,ଜୁନେଶ ଗମାଙ୍ଗ, ପ୍ରକାଶ ମାଝି,ନିଳାଦ୍ରୀ ମାଝି,ଜେମସ ଶବର, ବୃନ୍ଦାବନ ବିଡ଼ିକା,ଜାଡ଼ିଏଲ ଶବର, ରାଜେନ୍ଦ୍ର ମାଝି,ହର୍ଷାନନ୍ଦ ଲିମା, ସିପିଆଇ ଏମ୍ ଏଲ୍ ଲିବରେସନ୍ ସମ୍ପାଦକ ଶ୍ରୀ-ତ୍ରୀପତି ଗମାଙ୍ଗ ଉପସ୍ଥିତ ଥିଲେ ।