ଦଶପଲ୍ଲା ବିଧାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେଲା ପଞ୍ଚୁପାଣ୍ଡବ ମହୋତ୍ସବ ପ୍ରସ୍ତୁତି ବୈଠକ

୨୩ ଡିସେମ୍ବର ଶୁକ୍ରବାର ( ଓଡ଼ିଶା ତାଜା ନ୍ୟୁଜ ) ନୂଆଗାଁ :- ନୟାଗଡ ଜିଲ୍ଲା ନୂଆଗାଁ ବ୍ଲକ୍ ପରିସରରେ ଥିବା ରାଜୀବ ଗାନ୍ଧି ସଦଭାବନା ଗୃହ ରେ ପଞ୍ଚୁପାଣ୍ଡବ ମହୋତ୍ସବ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।ଦଶପଲ୍ଲା ବିଧାୟକ ତଥା ପଞ୍ଚୁପାଣ୍ଡବ ମହୋତ୍ସବ କମିଟି ର ସଭାପତି ରମେଶ ଚନ୍ଦ୍ର ବେହେରା ଙ୍କ ସଭାପତିତ୍ବରେ ଅନୁଷ୍ଠିତ ପ୍ରସ୍ତୁତି ବୈଠକ ରେ ବ୍ଲକ୍ ଅଧ୍ୟକ୍ଷା ଲକ୍ଷ୍ମୀପ୍ରିୟା ବେହେରା, ଏସ୍ ଡି ପି ଓ ତପସ୍ଵିନୀ କହଁର,ତହସିଲଦାର ହେମନ୍ତ କୁମାର ନାୟକ,ନୂଆଗାଁ ଥାନା ଅଧିକାରୀଣି ପୁଷ୍ପଲତା ବେହେରା ଙ୍କ ସମେତ ବିଭିନ୍ନ ପଞ୍ଚାୟତ ର ସରପଞ୍ଚ ,ସମିତି ସଭ୍ୟ,ସଭ୍ୟା ଏବଂ ପଞ୍ଚୁପାଣ୍ଡବ ମହୋତ୍ସବ କମିଟି ର ସଦସ୍ୟ ଉପସ୍ଥିତ ଥିଲେ ।ଚଳିତ ବର୍ଷ ପଞ୍ଚୁପାଣ୍ଡବ ମହୋତ୍ସବ ପଡ଼ିଆରେ ଆସନ୍ତା ଫେବୃଆରୀ ୨ ତାରିଖ ରୁ ୫ ତାରିଖ ପର୍ଯ୍ୟନ୍ତ ୪ ଦିନଧରି ଏହି ମହୋତ୍ସବ କିପରି ଶାନ୍ତି ଶୃଙ୍ଖଳା ସହ ସମ୍ପାଦିତ ହେଵ ସେ ଉପରେ ପ୍ରସ୍ତୁତି ବୈଠକ ରେ ଆଲୋଚନା ହୋଇଥିଲା । ପଞ୍ଚୁପାଣ୍ଡବ ମହୋତ୍ସବ ସୁଚାରୁରୂପେ ସମ୍ପାଦିତ ହେବା ପାଇଁ ବିଭିନ୍ନ ବିଭାଗର କମିଟି ଗଠନ କରାଯାଇଥିଲା । ମହୋତ୍ସବ ରେ ଉନ୍ମୋଚନ ହେବାକୁ ଥିବା ପାଞ୍ଚାଳୀ ସ୍ମରଣିକା ପାଇଁ ଆସନ୍ତା ଜାନୁଆରୀ ୧୦ ତାରିଖ ମଧ୍ୟରେ ବିଭିନ୍ନ ଲେଖା ପଠାଇବା ପାଇଁ ସ୍ଥିରୀକୃତ ହେଇଥିଲା । ପଞ୍ଚୁପାଣ୍ଡବ ମହୋତ୍ସବ କମିଟି ର କୋଷାଧ୍ୟକ୍ଷ ପୂର୍ବ ମହୋତ୍ସବ ର ଖର୍ଚ୍ଚ ବିବରଣୀ ପଠନ କରିଥିବା ବେଳେ ସମ୍ପାଦକ ଦିଲ୍ଲୀପ କୁମାର ଦଳ ବେହେରା ଧନ୍ୟବାଦ୍ ଅର୍ପଣ କରିଥିଲେ । ଚଳିତ ବର୍ଷ ପଞ୍ଚୁପାଣ୍ଡବ ମହୋତ୍ସବ ଏକ ନୂଆ ରୂପ ନୂଆ ରଙ୍ଗରେ ଅନୁଷ୍ଠିତ ହେବାକୁ ଯାଉଥିବାରୁ ଦର୍ଶକ ମାନଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିବ ବୋଲି କୋଣ ଅନୁକୋଣ ରେ ଆଲୋଚନା ହେଉଛି ।