ଓଡ଼ିଶା ତାଜା ନ୍ୟୁଜ (୨୧ ସେପ୍ଟେମ୍ବର ବୁଧବାର ) ବୈପାରିଗୁଡା :- କୋରାପୁଟ ଜିଲ୍ଲାପାଳ ଶ୍ରୀଯୁକ୍ତ ମହମ୍ମଦ୍ ଅବଦ୍ଦଲ ଅଖତାର ବୁଧବାର ଦିନ ଗୁପ୍ତେଶ୍ୱର ପୀଠକୁ ଗ୍ରସ୍ତ କରି ସେଠାରେ ଚାଲିଥିବା ନିର୍ମାଣଧିନ ରାସ୍ତା,ପୋଲ ଓ ପୀଠ ଚାଲିଯିବା ଉନ୍ନୟନମୂଳକ କାର୍ଯ୍ୟ ର ସମୀକ୍ଷା କରିବା ନିମନ୍ତେ ଗୁପ୍ତେଶ୍ୱର ପୀଠକୁ ଗ୍ରସ୍ତ କରୁଥିବା ସମୟରେ ହଠାତ ବୈପାରିଗୁଡା ତହସିଲ କାର୍ଯ୍ୟାଳୟରେ ପହଂଚି ଥିବାର ଜଣାପଡିଛି । ବୈପାରିଗୁଡା ତହସିଲଦାର ଶ୍ରୀଯୁକ୍ତ କୈଳାସ ଚନ୍ଦ୍ର ତ୍ରିପାଠୀ, ଅତିରିକ୍ତ ତହସିଲଦାର ଶ୍ରୀଯୁକ୍ତ ସଞ୍ଜୀବ କୁମାର ସାହୁ , ସମସ୍ତ ନୂତନ ଆରଆଇ ଓ ଅଫିସ କର୍ମଚାରୀ ମାନଙ୍କ ସହିତ ବିଭିନ୍ନ ବିଷୟକୁ ନେଇ ଆଲୋଚନା କରିବା ସହିତ ବାର୍ଷିକ ବିବରଣୀ ଯାଂଚ କରି ଗୁପ୍ତେଶ୍ୱର ପୀଠକୁ ଗ୍ରସ୍ତ କରିଥିବାର ଜଣାପଡିଛି ।
ହଠାତ ତହସିଲ କାର୍ଯ୍ୟାଳୟରେ ଜିଲ୍ଲାପାଳ ଶ୍ରୀ ମହମ୍ମଦ୍ ଅବଦ୍ଦଲ ଅଖତାର ପହଂଚି ଥିବା ବେଳେ ଅଫିସ କର୍ମଚାରୀ ମାନେ ଜନସାଧାରଣଙ୍କ କାର୍ଯ୍ୟ କରୁଥିବା ଦେଖି ଜିଲ୍ଲାପାଳ ଖୁସି ହୋଇଥିବାର ଶୁଣିବାକୁ ମିଳୁଛି । ତହସିଲ କାର୍ଯ୍ୟାଳୟରେ କିଛି ସମୟ ରହିବ ପରେ ଜିଲ୍ଲାପାଳ କାହାକୁ କିଛି ଖବର ନ ଦେଇ ସିଧାସଳଖ ଗୁପ୍ତେଶ୍ୱର ପୀଠକୁ ଗ୍ରସ୍ତ କରିଥିବାର ଦେଖାଯାଇଛି ।
ସେଠାରେ ଜିଲ୍ଲାପାଳ ପହଂଚି ରାଜ୍ୟସରକାରଙ୍କ ଚାଲିଥିବା ଉନ୍ନୟନମୂଳକ କାର୍ଯ୍ୟର ପରିଦର୍ଶନ କରିଥିଲେ । ଜିଲ୍ଲାପାଳଙ୍କ ଗାଡି ପଛେ ପଛେ ବ୍ଲକ ସରକାରୀ ଯନ୍ତ୍ରୀ ( ଏଇ ) ଲମ୍ବୋଧର ନାୟକ ମଧ୍ୟ ଗୁପ୍ତେଶ୍ୱର ପୀଠକୁ ଯାଇଥିବାର ଜଣାପଡିଛି । କୋରାପୁଟ ଜିଲ୍ଲାପାଳ ହଠାତ ବିଭିନ୍ନ କାର୍ଯ୍ୟାଳୟ ଗୁଡିକୁ ଗ୍ରସ୍ତ କରୁଥିବା ଦେଖି ଅନ୍ୟ କିଛି କାର୍ଯ୍ୟାଳୟର କର୍ମଚାରୀଙ୍କ ମନରେ ଭୟ ର ବାତାବରଣ ସୃଷ୍ଟି ହେଇଥିବାର ଆଲୋଚନା ଏବେ ଜୋର ଧରିଛି ।
