ଆନନ୍ଦ ଆଚାର୍ଯ୍ୟ ଫୁଟବଲ ପ୍ରିମିୟର ଲିଗ୍ : ଆଜିର ପ୍ରଥମ ମ୍ୟାଚ୍ ଅମମା°ସିତ

ଓଡ଼ିଶା ତାଜା ନ୍ୟୁଜ୍ /୧୯ ମଇ ଗୁରୁବାର/ ବରଗଡ :- ଆନନ୍ଦ ଆଚାର୍ଯ୍ୟ ଫୁଟବଲ ପ୍ରିମିୟର ଲିଗ୍ ର ଆଜିର ପ୍ରଥମ ମ୍ୟାଚ୍ ବରଗଡ ୱାରୀୟରସ ଓ ରେଳୱେ ଏଫ ସି ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ଉଭୟ ଦଳ କେହି କାହାରିକୁ ଗୋଲ ଦେଇ ପାରିନଥିଲେ। ଫଳରେ ମ୍ୟାଚ୍ ଟି ଫଳାଫଳ ଶୂନ୍ୟ ଭାବରେ ସମାପ୍ତ ହୋଇଥିଲ । ସଚିଦାନନ୍ଦ ପଣ୍ଡା ଙ୍କ ସଂଯୋଜନା ରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ଜିନ୍ଦଲ ଡେଭେଲପର ର ମୁଖ୍ୟ ଅନିଲ ଜିନ୍ଦଲ , ଜିଲ୍ଲା କ୍ରୀଡା ସଂସଦ କୋଷାଧ୍ୟକ୍ଷ ଡ. ଶୁଭ୍ରାଂଶୁ ଶେଖର ମହାପାତ୍ର,ପ୍ରାକ୍ତନ ଫୁଟବଲ ଖେଳାଳୀ ଜ୍ଞାନ ରଞ୍ଜନ ପୂଜାରୀ, କ୍ରୀଡ଼ା ସଂସଦ ଆଉଟ୍ ଡୋର ଗେମ୍ସ ସମ୍ପାଦକ ସୁରେଶ ଦାଶ, ସଙ୍କଳ୍ପ ପରିବାର ର ସମ୍ପାଦକ ବିକାଶ ଅଗ୍ରୱାଲ ଅତିଥି ଭାବରେ ଯୋଗଦେଇ ଥିଲେ।

ଅତିଥି ମାନେ ବରଗଡ ରେଳୱେ ଏଫ୍ ସି ର ଖେଳାଳୀ ଚନ୍ଦ୍ର ମୁର୍ମୁ ଙ୍କୁ ମ୍ୟାଚ୍ ର ଶ୍ରେଷ୍ଠ ଖେଳାଳୀ ଭାବରେ ପୁରସ୍କୃତ କରିଥିଲେ। ସେହିପରି କରୋନା ସମୟରେ ସେବା ପାଇଁ ଏବଂ ସର୍ବୋପରି ସାମାଜିକ କାର୍ଯ୍ୟ ରେ ନୀରବଛିନ୍ନ ସେବା ପାଇଁ ସଂକଳ୍ପ ପରିବାର କୁ ଆୟୋଜକ ମାନଙ୍କ ତରଫରୁ ମାନପତ୍ର, ଉତ୍ତରୀୟ ଓ ସ୍ମାରକୀ ଦେଇ ସମ୍ବର୍ଦ୍ଧିତ କରାଯାଇଥିଲା। ମ୍ୟାଚ୍ ପରିଚାଳନା କରିଥିଲେ ଜ୍ୟୋତି ରଞ୍ଜନ ସ୍ବାଇଁ, ଲାଇନ୍ ରେ ସହଯୋଗ କରିଥିଲେ ପଞ୍ଚାନନ ପାତ୍ର ଓ ପ୍ରଶାନ୍ତ ବେହେରା ।ଚତୁର୍ଥ ରେଫରୀ ଥିଲେ ନିରଞ୍ଜନ ମହାକୁର। ଆଜିର ଦ୍ଵିତୀୟ ମ୍ୟାଚ୍ ଟି ବୋଡ଼ାସମ୍ୱର ଏଫ୍ ସି ଓ ଏସ ଏସ ୱା ଏସ ଗୋବିନ୍ଦପାଲି ମଧ୍ୟରେ ଅନୁଷ୍ଠିତ ହେଉଛି।

ଦ୍ଵିତୀୟ ମ୍ୟାଚ୍ ବରପାଲି ବାଇସନ ଓ ବରଗଡ ରେଳୱେ ଏଫ୍ ସି ମଧ୍ୟରେ ଅନୁଷ୍ଠିତ ହୋଇଥିଲା। ଏଥିରେ ସଂଘର୍ଷପୂର୍ଣ୍ଣ ଏହି ମ୍ୟାଚ୍ ରେ ବରଗଡ ଦଳ ମ୍ୟାଚ୍ କୁ ୨- ୧ ଗୋଲରେ ଜିତି ନେଇଥିଲା।ବରଗଡ ଦଳ ପକ୍ଷରୁ ୩ ନମ୍ବର ଖେଳାଳି ସ୍ୱରୂପ ପାତ୍ର ଓ ୧୧ ନମ୍ବର ଖେଳାଳି ଭକ୍ତ ଚନ୍ଦନ ଗୋଟିଏ ଲେଖାଏଁ ଗୋଲ ଦେଇଥିବା ବେଳେ ବରପାଲି ଦଳର ୧୯ ନମ୍ବର ଖେଳାଳୀ ଅଂଶ ଛତ୍ରିଆ ଏକମାତ୍ର ଗୋଲ ଟି ଦେଇଥିଲେ। ଏହି ଖେଳକୁ ସୁବ୍ରତ ପୁରୋହିତ ପରିଚାଳନା କରିଥିଲେ।ତାଙ୍କୁ ପଞ୍ଚାନନ ପାତ୍ର ଓ ଅରୁଣ ନାୟକ ଲାଇନ୍ ରେ ସହଯୋଗ କରିଥିଲେ।ଚତୁର୍ଥ ରେଫାରି ଥିଲେ ଅଶ୍ଵିନୀ ମେହେର।ଏହି ମ୍ୟାଚ୍ ର ଶ୍ରେଷ୍ଠ ଖେଳାଳୀ ଭାବରେ ବରଗଡ ରେଳୱେ ଏଫ୍ ସି ର ଖେଳାଳୀ ପ୍ରଭାତ ଡନସନା ଙ୍କୁ ପୁରସ୍କୃତ କରାଯାଇଥିଲା।