କୋରାଇ / ରିପୋର୍ଟ ( ଓଡିଶା ତାଜା ନ୍ୟୁଜ୍ ) କୋରାଇରୁ ରଶ୍ମିରେଖା ମଲ୍ଲିକଙ୍କ ରିପୋର୍ଟ / ମଙ୍ଗଳବାର, ଏପ୍ରିଲ 14.4.2020 :- ଯାଜପୁର ଜିଲ୍ଲାର ଦ୍ୱିତୀୟ କରୋନା ଆକ୍ରାନ୍ତ ବ୍ୟକ୍ତି ଯାଜପୁର ବ୍ଲକ ଜାଫରପୁର ପଂଚାୟତ ତ୍ରିଲୋତନପୁର ଗ୍ରାମର ବୋଲି ଚିହ୍ନଟ ହେବା ପରେ ସେମାନଙ୍କ ସଂସ୍ପର୍ଶରେ ଆସିଥିବା କୋରାଇ ଓ ପାଣିକୋଇଲି ଅଂଚଳର ୯ଜଣ ବ୍ୟକ୍ତିଙ୍କୁ ପୁଲିସ ପଂଚାୟତର ସଂଗରୋଧ କେନ୍ଦ୍ରରେ ରଖିଛି । ଏହି ଆକ୍ରାନ୍ତ ବ୍ୟକ୍ତିଙ୍କ ସହିତ ଅନ୍ୟ ୧୭ଜଣ ମାର୍ଚ୍ଚ ୨୮ ତାରିଖ ରାତିରେ ଏକ ଟାଟାଏସିରେ କରିକତାରୁ ଆସିଥିଲେ । ଏହି ଗାଡ଼ିରେ ଆସିଥିବା ୧୮ବ୍ୟକ୍ତିଙ୍କ ମଧ୍ୟରୁ ଭଦ୍ରକରେ ୭ଜଣ ଓହ୍ଲାଇଥିଲେ ଓ ଅନ୍ୟ ୧୦ଜଣ ପାଣିକୋଇଲି ବଜାରରେ ଓହ୍ଲାଇଥିଲେ । ଜଣେ ବ୍ୟକ୍ତି ଯାଜପୁର ଯାଇଥିବା ବେଳେ ୬ଜଣ କୋରାଇ ଯାଇଥିଲେ ଓ ଅନ୍ୟ ତିନିଜଣ ପାଣିକୋଇଲିରେ ରହିଥିଲେ । ଯେଉଁ ୬ଜଣ କୋରାଇକୁ ଯାଉଥିଲେ ସେମାନେ ସମସ୍ତେ ମକୁନ୍ଦପୁର ପଂଚାୟତର ।
ଆଜି ଜିଲା ପ୍ରଶାସନ ଜାଫରପୁର ପଂଚାୟତ ସାନ ତ୍ରିଲୋଚନପୁରକୁ ଯାଇଥିବା ବ୍ୟକ୍ତିଙ୍କ ନମୁନା କରୋନା ପଜେଟିଭ୍ ଜଣାପଡ଼ିବା ପରେ ସେମାନଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିଙ୍କୁ ଠାବ କରିବା ପାଇଁ ପ୍ରଶାସନ ପକ୍ଷରୁ ଠାବ କରାଯାଇଥିଲା । ମକୁନ୍ଦପୁର ପଂଚାୟତ ଆସିଥିବା ଜଣ ବ୍ୟକ୍ତି ଗତିବିଧି ଉପରେ ଲକ୍ଷା କରିବା ପାଇଁ କୋରାଇ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର କର୍ତୃପକ୍ଷ, କୋରାଇ ପୁଲିସ ଓ ବ୍ୟାସନଗର ତହସିଲ ପ୍ରଶାସନ ଏକ ପ୍ରତିନିଧି ଦଳ ମକୁନ୍ଦପୁର ପଂଚାୟତରେ ପହଂଚି ସେମାନଙ୍କ ସହିତ ଆଲୋଚନା କରିଥିଲେ । ସେମାନେ ୨୯ତାରିଖରେ କୋଲକାତାରୁ ଆସି ଘରେ ପହଂଚିବା ପରେ ୧୦୪ ମାଧ୍ୟମରେ ସେମାନଙ୍କ ନାମ ପଞ୍ଜିକୃତ କରିଥିଲେ । ବ୍ଲକ ପ୍ରଶାସନ ପକ୍ଷରୁ ସମସ୍ତଙ୍କୁ ଘରୋଇ ସଂଗରୋଧରେ ରହିବା ପାଇଁ ପରାମର୍ଶ ଦିଆଯାଇଥିଲା । ଆସନ୍ତାକାଲି ସେମାନଙ୍କୁ ସ୍ୱାବ ନମୁନା ପରୀକ୍ଷା କରାଯିବ ବୋଲି କୋରାଇ ଗୋଷ୍ଠୀ କେନ୍ଦ୍ର ଅଧିକାରୀ ଡା. ହିମାଂଶୁ କୁମାରଙ୍କ ଠାରୁ ସୂଚନା ମିଳିଛି । ସେହିପରି ପାଣିକୋଇଲି ଥାନା ଅଂଚଳରେ ରହିଥିବା ଅନ୍ୟ ୩ଜଣଙ୍କୁ ଠାବ କରାଯାଇ ସେମାନଙ୍କୁ ମଧ୍ୟ ନିଜ ପଂଚାୟତରେ ଖୋଲା ଯାଇଥିବା ସଂଗରୋଧ କେନ୍ଦ୍ରରେ ରହିବା ପାଇଁ ନିର୍ଦ୍ଦେଶ ଦିଆଯାଇଥିବା ସୂଚନା ମିିଳିଛି ।
