ଭୁବନେଶ୍ୱର,କଟକ ଓ ଭଦ୍ରକ (ଓଡିଶା ତାଜାନ୍ୟୁଜ୍ ) ଭୁବନେଶ୍ୱର 4.4.2020 ରିପୋର୍ଟ ଅଭିମନ୍ୟୁ :- ଭୁବନେଶ୍ୱର,କଟକ ଓ ଭଦ୍ରକ – ଆଗାମୀ ୪୮ ଘଣ୍ଟା ସବୁଠାରୁ ଗୁରୁତ୍ୱପୂର୍ଣ୍ଣ । ରାଜ୍ୟରେ ୨୦ ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ଆହୁରି ଅଧିକ ସତର୍କତାମୂଳକ ପଦକ୍ଷେପ ନେଇଛନ୍ତି ରାଜ୍ୟ ସରକାର । ତେଣୁ ସମସ୍ତ ନିଜାମୁଦ୍ଦିନ ମରକଜ ଫେରନ୍ତାଙ୍କୁ ଠାବ କରି ସେମାନଙ୍କ ନମୁନା ପରୀକ୍ଷା ଉପରେ ଜୋର ଦେବାକୁ ଉଲ୍ଲେଖ କରାଯାଇଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମସ୍ତ ନିଜାମୁଦ୍ଦିନ ମରକଜ ଫେରନ୍ତାଙ୍କୁ ଅପିଲ କରିଛନ୍ତି, ସେମାନେ ୧୦୪କୁ ଫୋନ କରି ମେଡିକାଲ ସହାୟତା ନିଅନ୍ତୁ ଓ ସାମ୍ନାକୁ ଆସି ନମୂନା ପରୀକ୍ଷା କରାନ୍ତୁ । ଏଥିପାଇଁ ସବୁ ଜିଲ୍ଲାର ଜିଲ୍ଲାପାଳ ଓ ଏସପିଙ୍କୁ ଚିଠି ଲେଖିଛନ୍ତି ୫ଟି ସଚିବ ଭି.କେ. ପାଣ୍ଡିଆନ । ଯେଉଁମାନେ ଏଥିରେ ସାମିଲ ହେବେ ସରକାର ସେମାନଙ୍କୁ ଆଉ ତାଙ୍କ ପରିବାରକୁ ପୁରା ସହାୟତା ପ୍ରଦାନ କରିବା ସହ କରିବା ସହ ସେବା ଯୋଗାଇବେ । ତଥ୍ୟ ଜଣାଇବାରେ ବିଳମ୍ବ କଲେ ସମସ୍ତଙ୍କ ପାଇଁ ସମସ୍ୟା ଉପୁଜିପାରେ । ଏପରିକି ସମ୍ପୃକ୍ତ ବ୍ୟକ୍ତିଙ୍କ ସମେତ ତାଙ୍କ ପରିବାର ଓ ରାଜ୍ୟ ପାଇଁ ମଧ୍ୟ ସମସ୍ୟା ଦେଖାଦେବ । କାରଣ ଆଗାମୀ ୪୮ଘଣ୍ଟା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିଛି ।
