ମୌଳିକ ସୁବିଧାରୁ ବଂଚିତ ବ୍ରହ୍ମପୁରର ଉମାନଗରବାସୀ

ଓଡ଼ିଶା ତାଜା ନ୍ୟୁଜ (୧୪ ମାର୍ଚ୍ଚ , ରବିବାର ) ବ୍ରହ୍ମପୁର :- ମହାନଗର ମାନ୍ୟତା ପାଇବାର ଦୀର୍ଘ ବର୍ଷ ବିତିଯାଇଥିଲେ ବି ବ୍ରହ୍ମପୁର ସହରର ଅଧିକାଂଶ ସାହିରେ ରାସ୍ତା, ନାଳ, ପାନୀୟ ଜଳ ର ଘୋର ଅଭାବ ରହିଛି  l 36 ନଂ ୱାର୍ଡ ଲାଞ୍ଜିପଲୀ ଉମାନଗର ଅଞ୍ଚଳରେ ଆଜି ମଧ୍ୟ ରାସ୍ତା ଓ ନାଳ ର ଅଭାବରେ ରାସ୍ତା ଉପରେ ମଇଳା ପାଣି ବୋହିବା ଓ ପାନୀୟ ଜଳର ଘୋର ଅଭାବ ଦେଖାଯିବl ଆଦି ଅଭାବନୀୟ ପରିସ୍ଥିତି ଦେଖାଯାଉଛି  l ବାରମ୍ବାର ଅଭିଯୋଗ ସତ୍ୱେ ମହାନଗର କମିଶନର କୌଣସି ପଦକ୍ଷେପ  ନେଉନାହାନ୍ତି  l କରୋନା କରୋନା ର ମହାମନ୍ତ୍ର ଜପି ଦେଖିବା କରିବା କହି କହି ଦିନ ଗଡାଉଛନ୍ତି l ଉମାନଗର ପଞ୍ଚମ ଲାଇନ ର ନାଳ ସଫେଇ ଓ ନିର୍ମାଣ ନେଇ ବହୁବାର ଆଇନଜୀବୀ ଅବନୀ ଗୟା କମିଶନରଙ୍କୁ ସାକ୍ଷାତ କରି ଅବଗତ କରିଥିଲେ ବି କମିଶନର କୌଣସି ପଦକ୍ଷେପ ନେଇନଥିବାରୁ ସ୍ଥାନୀୟ ଅଞ୍ଚଳବାସୀ ଅସନ୍ତୋଷ ବ୍ୟକ୍ତ କରିଛନ୍ତି ,

ସେହିପରି ଉମାନଗର ଅଷ୍ଟମ ଲାଇନର ରାସ୍ତା ଓ ନାଳ କରାଯାଇନଥିବାରୁ ସାହି ମଝିରେ ମଇଳାପାଣି ଜମାହୋଇ ଅତ୍ୟନ୍ତ ଗନ୍ଧ ଓ ଅପରିଷ୍କାର ପରିବେଶ ସୃଷ୍ଟି ହୋଇଛି  l ପ୍ରକାଶ ଯୋଗ୍ୟଯେ, ଉକ୍ତ ଅଂଚଳ ମହାନଗର ନିଗମର 36ନଂ ୱାର୍ଡ ଓ ଗୋପାଳପୁର ନିର୍ବାଚନ ମଣ୍ଡଳୀର ଅନ୍ତର୍ଭୁକ୍ତ ଅଂଚଳ ହୋଇଥିବାରୁ ବର୍ତମାନ ଅଞ୍ଚଳବାସୀଙ୍କ ସମସ୍ୟା ବୁଝିବାକୁ ଶାସକ ଦଳ ର ପ୍ରତିନିଧି କିଏ ! ଜନଗଣଙ୍କ ମନରେ ସନ୍ଦେହ ସୃଷ୍ଟି ହୋଇଛି  l ଅନ୍ୟପକ୍ଷରେ ୟୁଜର୍ସ ଫି ଲାଗୁ କରିବା, ଘର ଟିକସ ବହୁ ଗୁଣରେ ବୃଦ୍ଧି କରିବା ତଥା ବିଭିନ୍ନ ପ୍ରକାର ଟିକସ ଲଦିବାରେ କମିଶନର ମହୋଦୟ ଆଗେଇଥିବା ବେଳେ ଲୋକଙ୍କ ମୌଳିକ ସମସ୍ୟାଗୁଡିକୁ ସମାଧାନ କରିବାରେ ସମ୍ପୂର୍ଣ ଭାବେ ବିଫଳ ହୋଇଛନ୍ତି  l ତୁରନ୍ତ ଉମାନଗର ଅଂଚଳର ରାସ୍ତା, ନାଳ ନିର୍ମାଣ ନ ହେଲେ କମିଶନର ମହୋଦୟ ଜନଅସନ୍ତୋଷର ସମ୍ମୁଖୀନ ହେବେ ବୋଲି ଆଜି ଅବନୀ ଗୟା ଏକ ପ୍ରେସବିବୃତିରେ ମତବ୍ୟକ୍ତ କରିଛନ୍ତି  l