ମହାମାରୀ ସମୟରେ ଲୋକମାନେ ଯୋଗର ପ୍ରକୃତ ମୂଲ୍ୟ ବୁଝିପାରିଥିଲେ : ମନ୍ତ୍ରୀ ଶ୍ରୀପଦ ୱାଇ ନାଏକ 

ଓଡ଼ିଶା ତାଜା ନ୍ୟୁଜ (୨୭ ଡିସେମ୍ବର ରବିବାର ) ଭୁବନେଶ୍ୱର :- ସାରା ବିଶ୍ୱକୁ ଭାରତର ଉପହାର ଯୋଗ , ମହାମାରୀ ସମୟରେ କେବଳ ଲୋକମାନଙ୍କୁ ଶାରିରୀକ ନୁହେଁ ବରଂ ମାନସିକ ସ୍ୱାସ୍ଥ୍ୟ ପରିଚାଳନାରେ ସହାୟକ ହୋଇଥିଲା ବୋଲି କେନ୍ଦ୍ର ଆୟୁଷ ମନ୍ତ୍ରୀ ୱାଇ ନାଏକ କହିଛନ୍ତି । କୋଭିଡ୍‌- ୧୯ ମହାମାରୀ ସମ୍ପର୍କିତ ଅଭିଯାନ ଓ ସମାଜ ଓ ଲୋକ ମାନଙ୍କ ପ୍ରତି ୧୦୨ ବର୍ଷର ଉତ୍ସର୍ଗୀକୃତ ସେବା ପାଇଁ ଦି ଯୋଗ ଇନଷ୍ଟିଚ୍ୟୁଟ୍ ମୁମ୍ବାଇକୁ ସେ ଭୂୟସୀ ପ୍ରଶଂସା କରିଛନ୍ତି । ଦି ଯୋଗ ଇନଷ୍ଟିଚ୍ୟୁଟ୍‌, ମୁମ୍ବାଇର ୧୦୨ତମ ବର୍ଷ ପୂର୍ତୀ ପାଳନ କରିବା ଲାଗି ଆୟୋଜନ କରାଯାଇ ଥିବା ଭର୍ଚୁଆଲ୍ ମିଟ୍‌ରେ ଶ୍ରୀ ନାଏକ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଟିୱାଇଆଇ ମେଡିଟେସନ୍ ଓ ନିସ୍ପଦକୁ ଉନ୍ମୋଚନ କରାଯାଇଥିଲା ଏବଂ ସେ ଇନଷ୍ଟିଚ୍ୟୁଟ୍‌ର ବିଭିନ୍ନ କୋଭିଡ୍ ସମ୍ପର୍କିତ ଅଭିଯାନକୁ ପ୍ରଶଂସା କରିଛନ୍ତି ।

ଶ୍ରୀଯୁକ୍ତ ଶ୍ରୀପଦ ୱାଇ ନାଏକ, ମନ୍ତ୍ରୀ, ଆୟୁଷ, ଭାରତ ସରକାର କହିଛନ୍ତି ଯେ, “ସାରା ଦୁନିଆର ମାନବ ସମାଜ ପ୍ରତି ୧୦୨ ବର୍ଷର ଊତ୍କର୍ଷ ସେବା ପ୍ରଦାନ କରିଥିବାରୁ ମୁଁ ଦି ଯୋଗ ଇନଷ୍ଟିଚ୍ୟୁଟ୍‌ର ସମସ୍ତ ଟିମ୍‌କୁ ଅଭିନନ୍ଦନ ଜଣାଉଛି । ଆପଣ ମାନଙ୍କ ଉତ୍ସର୍ଗୀକୃତ ମନୋଭାବ, ନିଷ୍ଠା ଏବଂ ସଂହତି ପାଇଁ ମୂଲ୍ୟବାନ ଭାରତୀୟ ପରମ୍ପରା ଯୋଗ ସଂରକ୍ଷିତ ରହିଛି ଏବଂ ପ୍ରତିଦିନ ସାରା ନିଶ୍ୱରେ ଲୋକମାନଙ୍କ ଜୀବନରେ ପରିବର୍ତନ ଆଣୁଛି । ଏହା ବିଶ୍ୱ ଶାନ୍ତି ପାଇଁ ଯୋଗଦାନ ପ୍ରଦାନ କରୁଛି । ଯୋଗ ହେଉଛି ଦୁନିଆକୁ ଭାରତର ଉପହାର । ଲୋକମାନଙ୍କୁ ଯତ୍ନ ସହକାରେ ତାହା ପ୍ରଦାନ କରିବାରେ ଦି ଯୋଗ ଇନଷ୍ଟିଚ୍ୟୁଟ୍ ବହୁତ ଭଲ କାର୍ଯ୍ୟ କରୁଛି ।’’ ଡକ୍ଟର ହଂସ ଜେ ଯୋଗେନ୍ଦ୍ର, ନିର୍ଦେଶକ, ଦି ଯୋଗ ଇନଷ୍ଟିଚ୍ୟୁଟ୍ କହିଛନ୍ତି ଯେ, “ସମାଜ, ଦେଶ ଓ ସାରା ଦୁନିଆ ପ୍ରତି ଦି ଯୋଗ ଇନଷ୍ଟିଚ୍ୟୁଟ୍ ପ୍ରଦାନ କରିଥିବା ସେବାର ୧୦୨ ବର୍ଷପୂର୍ତୀ ଅବସରରେ ଯୋଗ ଦେଇଥିିବାରୁ ମୁଁ ମାନ୍ୟବର ମନ୍ତ୍ରୀ ଶ୍ରୀମାନ ଶ୍ରୀପଦ ୱାଇ ନାଏକ ଜୀ ଓ ଅନ୍ୟ ସମସ୍ତ ସମ୍ମାନାସ୍ପଦ ଅତିଥିଙ୍କୁ ଧନ୍ୟବାଦ ପ୍ରଦାନ କରୁଛି । କୋଭିଡ୍ ‌-୧୯

ମହାମାରୀରୁ ଆଶ୍ୱସ୍ତି ପ୍ରଦାନ କରିବା ଏବଂ ସହାୟତା ସେବା ଲାଗି ଆମର ହାଉସହୋଲଡର ଯୋଗ ଦେବା ତରଫରୁ ଅନେକ ପ୍ରକାରର ଅଭିଯାନ ଯୋଗ କରାଯାଇଛି । ଦେଶ ଦୁନିଆର ଅଧିକରୁ ଅଧିକ ଲୋକଙ୍କ ପାଖରେ ହାଉସ ହୋଲଡର ଯୋଗ ପହଂଚାଇବା ପାଇଁ ଦି ଯୋଗ ଇନଷ୍ଟିଚ୍ୟୁଟ୍ ସର୍ବଦା ପ୍ରତିବଦ୍ଧ ଏବଂ ଏହି ଲକ୍ଷ୍ୟ ଆମର ପ୍ରତିଷ୍ଠାତା ଗୁରୁ ଶ୍ରୀ ଯୋଗେନ୍ଦ୍ର ଜୀ ଓ ତିନି ପିଢ଼ିର ଯୋଗୀମାନେ ଏବଂ ଗତ ଶତାବ୍ଦୀଠାରୁ ଦି ଯୋଗ ଇନଷ୍ଟିଚ୍ୟୁଟ୍ ପରିବାରର ଅଂଶ ହୋଇଥିବା ହଜାର ହଜାର ଲୋକ ମାନଙ୍କ ଯୋଗୁ ସମ୍ଭବ ହୋଇଛି । ଆଜି ଆମେ ୧୦୩ତମ ବର୍ଷରେ ପ୍ରବେଶ କରିଥିବା ବେଳେ ନିସ୍ପଦ ଧ୍ୟାନ ଆପ୍‌କୁ ଉନ୍ମୋଚନ କରିଛୁ ଏବଂ ଯୋଗ ଗୁରୁ ଯୋଗେନ୍ଦ୍ର ଜୀଙ୍‌କ ଲକ୍ଷ୍ୟକୁ ଆହୁରି ଶତାଧିକ ବର୍ଷ ପର୍ଯ୍ୟନ୍ତ ନେବାକୁ ଆମେ ପ୍ରତିବଦ୍ଧ ରହିଛୁ ।’’