କଷ୍ଟ ଅର୍ଜିତ ଧନ ହଜେ ନାହିଁ ମାଙ୍କଡ ଫେରାଇଲା ମୋବାଇଲ ଓ ଟଙ୍କା

ପୁରୀ (ଓଡିଶା ତାଜାନ୍ୟୁଜ ) ନି. ପ୍ର :- କଷ୍ଟ ଅର୍ଜିତ ଧନ ହଜେ ନାହିଁ । ଶୁକ୍ରବାର ସକାଳ ଏକ ଅଲୌକିକ ଘଟଣା ଘଟିଯାଇଛି । ନିତିଦିନ କାର୍ଯ୍ୟ ପାଇଁ ପୁରୀର ବରିଷ୍ଠ ଖବରକାଗଜ ବିତରକ ତଥା ଖବରକାଗଜ ବିତରକ ସଂଘର ସମ୍ପାଦକ ଶାନ୍ତନୁ କୁମାର ସାହୁ ଝିପି ଝିପି ବର୍ଷାରେ ଚାରିନଳା ବିଶ୍ବନାଥ ବିହାରରୁ ଖବରକାଗଜ ବିତରଣ କରିବା ପାଇଁ ଟାଉନଥାନା ଛକରେ ପହଞ୍ଚିଥିଲେ । ବର୍ଷାରେ ଖବରକାଗଜ ଜରି ଘୋଢାଇ ରେନକୋର୍ଟ ପିନ୍ଧି ଦୋଳମଣ୍ଡପ ସାହିରେ ଖବରକାଗଜ ବାଣ୍ଟିବା ପରେ କାଳିକାଦେବୀ ସାହି ଗଛକାଳୀ ଲେନକୁ ଯାଇଥିଲେ ।

ସବୁଦିନ ପରି ବ୍ଯାଗରେ ଟଙ୍କା ଓ ମୋବାଇଲ ସାଇକେଲ ହ୍ୟାଣ୍ଡଲେ ରଖି ଫ୍ଲାଟ୍ ର ଲିପ୍ଟ ଯୋଗେ ୪ ମହଲା ଉପରକୁ ଯାଇ ଗ୍ରାହକଙ୍କୁ ଖବରକାଗଜ ଦେଇ ଫେରିବା ପରେ ଦେଖିଲେ ବ୍ଯାଗରୁ ମୋବାଇଲ ଓ ଟଙ୍କା ଥିବା ଜରି ନେଇଯାଇଛି । ପାଟି କରି ହୋହଲ୍ଲା କରିବାରୁ ମୋବାଇଲକୁ ତଳକୁ ପକାଇ ଦେଇଥିଲା । ମୋବାଇଲ ସୁରକ୍ଷିତ ରହିଥିଲା । ତରବର ହୋଇ ମୋବାଇଲ ଧରି ଶାନ୍ତନୁ ଘରକୁ ଫେରିଥିଲେ । ୫ ଘଣ୍ଟା ପରେ ବ୍ଯାଗ ଖୋଜିବାରେ ଟଙ୍କା ଜରି ନଥିଲା ।

ହଠାତ ପୁଅକୁ ଡାକି ମଟରସାଇକେଲ ଯୋଗେ ତରବରରେ ଗଛକାଳୀ ଫ୍ଲାଟ ନିକଟକୁ ଯାଇଥିଲେ । ଆପଟମେର୍ଣ୍ଟ ତଳ କାର ପାର୍କିଙ୍ଗ ସ୍ଥଳରେ ଖୋଜାଖୋଜି କରିବାରେ ୫ ଶହ ଟଙ୍କିଆ ୧୦ ଖଣ୍ଡ ମୋଟ ୫ ହଜାର ଟଙ୍କା ଅକ୍ଷତ ଅବସ୍ଥାରେ ଜରି ଭିତରେ ଗୁଡିଆ ହୋଇ ପଡିଥିବା ଦେଖିବାକୁ ପାଇଲେ । ଟଙ୍କା ପାଇବା ପରେ ନିକଟ ଦୋକାନରୁ କଦଳୀ କିଣି ମାଙ୍କଡ ମାନଙ୍କୁ ଦେଇଥିଲେ ।

ସେହିଠାରେ ଶାନ୍ତନୁ ହାତଟେକି ଜଗନ୍ନାଥଙ୍କୁ ମୁଣ୍ଡିଆ ମାରି କହିଲେ ପ୍ରଭୁ ମୋତେ ରକ୍ଷାକଲେ । କଷ୍ଟ ଅର୍ଜିତ ଧନ ପାଇଲି । ଖବରକାଗଜ ବିକ୍ରି ଅର୍ଥ ଏଜେଣ୍ଟକୁ ଦେବା ପାଇଁ ଆଣିଥିଲେ । ପରେ ସିଂହଦ୍ୱାର ସମ୍ମୁଖ ପତିତପାବନଙ୍କୁ ମୁଣ୍ଡିଆ ମାରି ଘରକୁ ଫେରିଲେ । ଅଲୌକିକ ଘଟଣା ଯୋଗୁ ଫ୍ଲାଟବାସୀ,ସିକ୍ଯୁରିଟ ଓ ହକର ଭାଇମାନେ ଆନନ୍ଦିତ ହୋଇଥିଲେ ।