୪୨ ମୌଜା ବିକାଶ ପରିଷଦର ରୌପ୍ୟ ଜୟନ୍ତୀ ପ୍ରସ୍ତୁତି ବୈଠକ

କଟକ (ଓଡ଼ିଶା ତାଜା ନ୍ୟୂଜ୍) (ନିପ୍ର ) :- ଅଗ୍ରଣୀ ସାମାଜିକ ସଙ୍ଗଠନ ୪୨ ମୌଜା ବିକାଶ ପରିଷଦ ଚଳିତ ବର୍ଷ ତା’ର ରୌପ୍ୟ ଜୟନ୍ତୀ ସମାରୋହ ପାଳନ କରିବା ଅବସରରେ କଳପଡା ସ୍ଥିତ ସରସ୍ୱତୀ ଶିଶୁ ମନ୍ଦିର ପ୍ରାଙ୍ଗଣରେ ସଭାପତି ଆଡ଼ଭୋକେଟ ସାହିତ୍ୟିକ କେଶବ ଚନ୍ଦ୍ର କରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ସାଧାରଣ ସଭାରେ ପରିଷଦର ସଭ୍ୟମାନେ ଯୋଗ ଦେଇ ନିଜର ସୁଚିନ୍ତିତ ମତାମତ ପ୍ରକାଶ କରିଥିଲେ । ସମ୍ପାଦକ ନାଟ୍ୟକାର ସନ୍ତୋଷ କୁମାର ପତି ପୂର୍ବ ସଭାର ବିବରଣୀ ପାଠ କରିବା ପରେ ରୌପ୍ୟ ଜୟନ୍ତୀ ପାଇଁ ଗଠିତ ବିଭିନ୍ନ କମିଟିର କାଯ୍ୟ ସମୀକ୍ଷା କରାଯାଇଥିଲା ।

ବିଭିନ୍ନ ପଞ୍ଚାୟତରୁ ନାଗରିକ ସମ୍ମାନ ନିମନ୍ତେ ବ୍ୟକ୍ତି ବିଶେଷ ଚୟନ ପାଇଁ ପଞ୍ଚାୟତ ସ୍ତରୀୟ କମିଟି ଗଠନ କରାଯାଇଥିଲା। ବୈଠକରେ ପରିଷଦର ମୁଖପତ୍ର “ପଲିଶ୍ରୀ” ର ଏକ ସ୍ୱତନ୍ତ୍ର ସଂଖ୍ୟା ବହୁ ବରିଷ୍ଠ ଲେଖକ ଲେଖିକାଙ୍କ ୫୦ରୁ ଉର୍ଦ୍ଧ ଲେଖା ହସ୍ତଗତ ହୋଇଅଛି ବୋଲି ପଲ୍ଲିଶ୍ରୀ କମିଟିର ଅଧ୍ୟକ୍ଷ ପ୍ରମୋଦ ମହାପାତ୍ର ସଭାରେ ପ୍ରକାଶ କରିଥିଲେ। ତେବେ ଧାର୍ଯ୍ୟ ସମୟ ମଧ୍ୟରେ ସମସ୍ତ ଲେଖା ସମ୍ପାଦକ ମଣ୍ଡଳୀ ନିକଟରେ ପହଞ୍ଚାଇବାକୁ ସାଧାରଣରେ ଅନୁରୋଧ କରିଥିଲେ।

ପ୍ରତିଭା ସମ୍ବର୍ଦ୍ଧନା ନିମନ୍ତେ ଚୟନ ପ୍ରକ୍ରିୟା ଆରମ୍ଭ କରିବା ପାଇଁ ସଭାରେ ସ୍ଥିର କରାଯାଇଥିଲା। ସମସ୍ତ ସବ କମିଟିର କାମକୁ ତ୍ୱରାନ୍ୱିତ କରିବା ପାଇଁ ରଜତ ଜୟନ୍ତୀ କମିଟିର ବରିଷ୍ଠ ସଦସ୍ୟ ମାନଙ୍କୁ ଦାୟିତ୍ୱ ପ୍ରଦାନ କରାଯାଇଥିଲା। ସତ୍ୟନାରାୟଣ ମହାନ୍ତି ଓ ସୁଧାକର ଦେବତାଙ୍କୁ ପରିଷଦର ନୂତନ ସଭ୍ୟ ଭାବେ ଗ୍ରହଣ କରାଗଲା। ଅନ୍ୟମାନଙ୍କ ମଧ୍ୟରେ ଉପସଭାପତି ଗୌତମ ଚରଣ ପରିଡା, ଅଧ୍ୟାପକ ଗଣେଶ୍ୱର ଦାଶ, ସ୍ୱାଧୀନ ଶେଖର ଷଡ଼ଙ୍ଗୀ, ଧୀରେନ୍ଦ୍ର ବେହେରା, ପ୍ରମୋଦ ମହାପାତ୍ର, ବରିଷ୍ଠ ସାମ୍ୱାଦିକ ବୁଲେଇ ବେହେରା, କୃଷ୍ଣ ଚନ୍ଦ୍ର ଦାଶ,

ସୁଜନ କୁମାର ରାଉତ, ଭଜକୃଷ୍ଣ ଲେଙ୍କା, ସୁରେଶ ଚନ୍ଦ୍ର ଦେବତା, ନିକୁଞ୍ଜ କୁମାର ସ୍ୱାଇଁ, ସଞ୍ଜୟ ବେହେରା, ଅଶୋକ ମହାନ୍ତି, ଦୀପ୍ତି ରଞ୍ଜନ ଶତପଥୀ, ଡ଼ଃ ଶୁଭାଶିଷ ଶତପଥି, ଶୁକଦେବ ମହାରଣା, ସୁବାସ ଦାସ, ତ୍ରିଲୋଚନ ସ୍ୱାଇଁ, ସ୍ମୁତି ରଞ୍ଜନ ପତି, ସ୍ୱାର୍ଥମୁକ୍ତି ସେଠି, ସୁବାସ ଚନ୍ଦ୍ର ସାହୁ, ସନ୍ତୋଷ ସାହୁ, ଜ୍ୟୋତି ରଞ୍ଜନ ଭୋଳ, ଶରତ କୁମାର ଦାସ, ସତ୍ୟବ୍ରତ କର, ଚନ୍ଦନ କୁମାର ପ୍ରଧାନ, ନାରାୟଣ ଭୋଇ, ସଂଗ୍ରାମ ପତି, ରବିନ୍ଦ୍ର ଦେବତା, ଅକ୍ଷୟ ମୁଦୁଲି, ସୁଶ୍ରୀ ସ୍ମୁତି ମହାନ୍ତି, ପ୍ରସନ୍ନ କୁମାର ଦଳାଇ ପ୍ରମୁଖ ଉପସ୍ଥିତ ଥିଲେ। ଉପସଭାପତି ଗୌତମ ଚରଣ ପରିଡା ଧନ୍ୟବାଦ ପ୍ରଦାନ କରିଥିଲେ।