ପୁରୀରେ ଭୂତଳ କେବୁଲ ବିଦ୍ୟୁତ ବ୍ଯବସ୍ଥାରେ ଅନିୟମିତତା ସଂପର୍କରେ ଆପ୍ ପକ୍ଷରୁ ଦାବିପତ୍ର

ପୁରୀ  (ଓଡ଼ିଶା ତାଜା ନ୍ୟୁଜ୍) :- ବିଶ୍ବସ୍ତରୀୟ ପୁରୀ ସହର । ଖୁବଶୀଘ୍ର ହେବ ମହାନଗର । ୨୦୧୫ ନବକଳେବର ସମୟରେ ପୁରୀ ବଡଦାଣ୍ଡରେ ଭୂତଳ କେବୁଲ ବିଦ୍ୟୁତ ବ୍ଯବସ୍ଥା ଆରମ୍ଭ ହୋଇଥିଲା । ବଡଦାଣ୍ଡ ସଂଲଗ୍ନ ସାହି ଗୁଡିକ ମଧ୍ଯ ଭୂତଳ ବିଦ୍ୟୁତ କେବୁଲ ସଂଯୋଗ ହେବା ପାଇଁ ଅର୍ଥ ବରାଦ ହୋଇସାରିଥିଲା । ଅନେକ ସ୍ଥାନରେ ଭୂତଳ କେବୁଲ ହୋଇଥିଲେ ମଧ୍ଯ ସାହି ଗୁଡିକରେ ଖୁଣ୍ଟ ଓ ବିଦ୍ୟୁତ ତାର ଝୁଲିବା ପର୍ଯ୍ୟଟକ ମାନେ ନାପସନ୍ଦ କରିଛନ୍ତି । ପୁରୀର ସୌନ୍ଦର୍ଯ୍ୟକରଣକୁ ଏହା କୁଠାରଘାତ କରୁଛି ।

ଯେଉଁ ସାହିରେ ଭୂତଳ କେବୁଲ କାମ ସରିଛି ସେଠାରେ ବିଦ୍ୟୁତ ସଂଯୋଗ ଦିଆଯାଇନାହିଁ । ଅଧିକାରୀଙ୍କ ଅବହେଳା ଯୋଗୁ ପୁରୀର ସୌନ୍ଦର୍ଯ୍ୟ ନଷ୍ଟ ହେଉଛି । ବଡଦାଣ୍ଡ ସଂଲଗ୍ନ ସବୁ ସାହିରୁ ବିଦ୍ୟୁତ ଖୁଣ୍ଟ ଓ ତାର ଅପସାରଣ କରି ଭୂତଳ ବିଦ୍ୟୁତ କେବୁଲ କାର୍ଯ୍ୟକ୍ଷମ କରିବା ପାଇଁ ପୁରୀ ଆମ ଆଦମୀ ପାର୍ଟି ପକ୍ଷରୁ ଟିପିସିଓଡିଏଲ ରମାକାନ୍ତ ସ୍ବାଇଁଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି । ଏହି ଦାବିପତ୍ର ଦେବା ସମୟରେ ଦେବ ପ୍ରଧାନ, ସରୋଜ ଜେନା, ବିଭୁ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ ।