୨୧ ଅଗଷ୍ଟ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଗଜପତି :-> ଗଜପତି ଜିଲ୍ଲା ର ବିଭିନ୍ନ ସ୍ଥାନରେ ଭାରତ ବନ୍ଦ ଶାନ୍ତି ପୂର୍ଣ୍ଣ ଭାବେ ସଫଳ ହୋଇଛି । କେନ୍ଦ୍ର ସରକାରଙ୍କ ପ୍ରରୋଚନାରେ ଅନୁସୂଚିତ ଜାତି ଓ ଅନୁସୂଚିତ ଜନଜାତି ଙ୍କ ବିଭିନ୍ନ ସରକାରୀ ନିଯୁକ୍ତି ଓ ଶିକ୍ଷାନୁଷ୍ଠାନ ମାନଙ୍କରେ ସଂରକ୍ଷଣ ବନ୍ଦ ଷଡ଼ଯନ୍ତ୍ର ବିରୁଦ୍ଧରେ ଗଜପତି ଜିଲ୍ଲା ର ବିଭିନ୍ନ ଆଦିବାସୀ ତଥା ଦଳିତ ସଂଗଠନ ପକ୍ଷରୁ ଏହି ଭାରତ ବନ୍ଦ ଡାକରା ରେ ବିଭିନ୍ନ ନେତା ମାନେ ଯୋଗ ଦେଇଥିଲେ ।
ଗଜପତି ଜିଲ୍ଲା ଆଦିବାସୀ ମହାସଂଘ ସଭାପତି ଖ ଜୁରୀପଦା ପଞ୍ଚାୟତର ସରପଞ୍ଚ ଶ୍ରୀ ସଣ୍ଡୁ ମଣ୍ଡଳ , ସୁରେନ୍ଦ୍ର ମଣ୍ଡଳ, ମିନ ମଣ୍ଡଳ , ଜାକୁବ ରାଇକା,ଜନାସ୍ ଗମାଙ୍ଗ ,ଇନୋସ ରଇତ, ପ୍ରମୁଖ ବିଭିନ୍ନ ସ୍ଥାନରେ ଲୋକଙ୍କୁ ବୁଝାଇ ଶାନ୍ତି ପୂର୍ଣ୍ଣ ଭାବେ ଭାରତ ବନ୍ଦ ଡାକରା କୁ ସଫଳ କରିବା ପାଇଁ ସହଯୋଗ କରି ଥିଲେ।
ପ୍ରାୟ ସମସ୍ତ ଅଞ୍ଚଳରେ ଅତ୍ୟାବଶ୍ୟକୀୟ ବ୍ୟବସାୟ ପ୍ରତିଷ୍ଠାନ,ଔଷଧ ଦୋକାନ କୁ ଛାଡ଼ି ସମସ୍ତ ଦୋକାନ ଦୋକାନୀ ଭାଇ ମାନେ ସ୍ଵତଃ ପ୍ରବୃତ୍ତ ଭାବରେ ବନ୍ଦ କରି ଭାରତ ବନ୍ଦ କୁ ସହଯୋଗ କରିଥିଲେ। ଆମ୍ବୁଲାନ୍ସ କୁ ଛାଡ଼ି ଆଉ ଅନ୍ୟ କୌଣସି ଗାଡ଼ି ମଟର ଚଳାଚଳ ମଧ୍ୟ ବନ୍ଦ ଥିବା ଦେଖାଯାଇଥିଲା।ଏବଂ ଯାତାୟତ କୁରୁଥିବା ଯାତ୍ରୀ ମାନେ ବହୁତ ଅସୁବିଧା ର ସମ୍ମୁଖୀନ ହୋଇଥିଲେ। ଏବଂ ଶାନ୍ତି ଶୃଙ୍ଖଳା ରେ ରାଲି ସମ୍ପୂର୍ଣ ହୋଇଥଲା।
