୧୮ ମାର୍ଚ୍ଚ,୨୦୨୪ (ଓଡିଶା ତାଜ଼ା ନ୍ୟୁଜ) ବେଗୁନିଆ/ସିକୋ :-> ବେଗୁନିଆ ବ୍ଲକ ଛତ୍ରପଡ଼ା ଗ୍ରାମରେ ବିରାଜିତ ଶ୍ରୀ ଶ୍ରୀ ତ୍ରିନାଥ ଦେବ ମନ୍ଦିର ପ୍ରାଙ୍ଗଣରେ ଅଷ୍ଟପ୍ରହରୀ ନାମ ଯଜ୍ଞ ମହାସମାରୋହରେ ଅନୁଷ୍ଠିତ ହୋଇଯାଇଛି। ପାରମ୍ପରିକ ରୀତିନୀତି ଅନୁଯାୟୀ ଯମୁନା ବାରଣଦି କାର୍ଯ୍ୟ ସମାପନ କରାଯାଇ ରବିବାର ସକାଳେ ନାମ ମହାଯଜ୍ଞ ଆରମ୍ଭ କରାଯାଇଥିଲା ।
ଏଥିରେ ଗୋପାଳପୁର , ସଅଁପୁର, ସାନକିଲୋ, ଶଗଡଭଗା, ଡୋଭା, ଛତ୍ରପଡ଼ା ଆଦି ଗ୍ରାମର ସଂକୀର୍ତ୍ତନ ଦଳ ଯୋଗ ଦେଇଥିଲେ। ଯଜ୍ଞ ମଣ୍ଡପକୁ ବିଭିନ୍ନ ରଙ୍ଗୀନ ଆଲୋକ ମାଳାରେ ସୁସଜ୍ଜିତ କରାଯାଇଥିଲା । ନାମ ସଂକୀର୍ତ୍ତନ, ହରିବୋଲ, ହୁଳହୁଳି ଶବ୍ଦରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା ।
ସନ୍ଧ୍ୟାରେ ଆଖପାଖ ଅଞ୍ଚଳରୁ ହଜାର ହଜାର ଶ୍ରଦ୍ଧାଳୁଙ୍କ ର ଭିଡ ଦେଖିବାକୁ ମିଳିଥିଲା। ସୋମବାର ସକାଳେ ନାମ ଯଜ୍ଞ ଉଦଯାପନ କରାଯାଇ ନଗର କୀର୍ତ୍ତନ ଦହି ଖେଳ ଆଦି କରାଯାଇଥିଲା। ଛତ୍ରପଡା କଳିଙ୍ଗ କ୍ଲବ ର ସମସ୍ତ ସଭ୍ୟ ମାନେ ଏହି କାର୍ଯ୍ୟକ୍ରମ ପରିଚାଳନା କରିଥିଲେ।
