୨୫ ଜାନୁଆରୀ ୨୦୨୪( ଓଡିଶା ତାଜା ନ୍ୟୁଜ) ଦଶପଲ୍ଲା :- ଦଶପଲ୍ଲା ବନାଅଂଚଳରେ ଦିନକୁ ଦିନ ବଢି ଚାଲିଛି ଶିକାରୀଙ୍କ ପାଦୁର୍ଭାବ । ଶିକାରୀଙ୍କ ଗୁଳିରେ ପ୍ରତି ଦିନ ବନ୍ୟଜନ୍ତୁ ଙ୍କ ମୃତ୍ୟୁ ହେଉଥିବା ବେଳେ ଏଇ କିଛିଦିନ ହେବ , ସମସ୍ତ ସୀମା ଲଂଘନ କରିଛନ୍ତି ଶିକାରୀ ମାନେ । ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ୍ ତାର ଲଗାଇ ଏକ ଦନ୍ତା ହାତୀକୁ ଶିକାର କରିଛନ୍ତି ଆନ୍ତଃରାଜ୍ୟ ହାତୀ ଶିକାରୀ ମାନେ । ଦଶପଲ୍ଲା ରେଞ୍ଜ ବାଇଶିପଲ୍ଲୀ ସଂପ୍ରସାରିତ ସଂରକ୍ଷିତ ଜଂଗଲ ର କୁଲୁରୁକୁମ୍ପା, ଗ୍ରାମପଞ୍ଚାୟତ ଅନ୍ତର୍ଗତ ଦୁର୍ଗାପ୍ରସାଦ, ପାମ୍ପରଡା ମଧ୍ୟସ୍ଥ ବିଲୁଆ ପଡା ଜଙ୍ଗଲ ରେ ଏକ ବିଶାଳକାୟ ଦନ୍ତା ହାତୀର ର ସନ୍ଦେହ ଜନକ ମୃତୁହୋଇଛି ।
ସ୍ଥାନୀୟ ବାସିନ୍ଦା କଂ କହିବା ଅନୁସାରେ ଉଚ୍ଚ ଶକ୍ତି ସଂପର୍ଣ୍ଣ ବିଦ୍ୟୁତ ତାର ବିଛାଇ ହାତୀଟିକୁ ମରାଯାଇଥିବା ଅନୁମାନ କରାଯାଉଛି । ଏକ ବିଶେଷ ସୂତ୍ରରୁ ଖବର ପାଇ ବନ ବିଭାଗ ଗଣିଆ ଅଞ୍ଚଳରେ ଚଢ଼ାଉ କରି ୨ ଟି ମୂଲ୍ୟବାନ ହାତୀ ଦାନ୍ତ ଜବତ କରିବା ସହିତ ୪ ଜଣ ଅନ୍ତଃ ରାଜ୍ୟ ହାତୀ ଶିକାରୀ କୁ ଗିରଫ କରିଛି । ତେବେ ସ୍ଥାନୀୟ ବାସିନ୍ଦା ଙ୍କ କହିବା ଅନୁସାରେ ଶିକାରୀ ମାନେ ବହୁତ୍ ଦିନ ଧରି ଏହି ଅଞ୍ଚଳରେ ଘୁରି ବୁଲୁଥିବା ସେମାନେ ଅନୁମାନ କରିଛନ୍ତି । ତେବେ ଏଠି କଥା ଉଠୁଛି ବନ ବିଭାଗର ସଠିକ୍ ପେଟ୍ରୋଲିଙ୍ଗ ନ ହେବା ଯୋଗୁଁ ଶିକାରୀଙ୍କ ପାଦୂର୍ଭାବ ଦିନକୁ ଦିନ ବଢି ଚାଲିଥିବା ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି ।
