୨୪ ଅଗଷ୍ଟ ୨୦୨୩ (ଓଡ଼ିଶା ତାଜା ନ୍ୟୁଜ ) ହିଞ୍ଜିଳିକାଟୁ :-> ହିଞ୍ଜିଳିକାଟୁ ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟ ପକ୍ଷରୁ ମକରଝୋଳ କ୍ଲଷ୍ଟରର ନୂତନ ସିଆରସିସି ଭାବେ ପ୍ରସନ୍ନ କୁମାର ସେଠୀଙ୍କୁ ନିଯୁକ୍ତି ମିଳିଛି ।ଏହି ପରିପ୍ରେକ୍ଷୀରେ ମକରଝୋଳ କ୍ଲଷ୍ଟର ପରିସରଭୁକ୍ତ ୬ଟି ବିଦ୍ୟାଳୟର ପ୍ରଧାନ ଶିକ୍ଷକ ଓ ଶିକ୍ଷୟିତ୍ରୀ ନୂତନ ସିଆରସିସି ପ୍ରସନ୍ନ ସେଠୀଙ୍କୁ ଉଛ୍ୱସିତ ସମ୍ବର୍ଦ୍ଧନା ଜଣାଇଥିଲେ।ନବନିଯୁକ୍ତ ସିଆରସିସି ଶ୍ରୀ ସେଠୀଙ୍କୁ ପୁଷ୍ପଗୁଚ୍ଛ ପ୍ରଦାନ କରି ଶୁଭେଚ୍ଛା ଓ ଅଭିନନ୍ଦନ ଜଣାଇ ଅତ୍ୟନ୍ତ ଖୁସି ପ୍ରକଟ କରିଥିଲେ।ସମ୍ବର୍ଦ୍ଧନା ପ୍ରଦାନ ବେଳେ ଗୋପୀନାଥପୁର ଉଚ୍ଚ ପ୍ରାଥମିକ ପ୍ରଧାନ ଶିକ୍ଷକ ଉଲ୍ଲାସ ଚନ୍ଦ୍ର ବେହେରା,ପଲ୍ଲୀ ପଦ୍ମନାଭପୁର ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଗୋଲାପ ମହାନ୍ତି,ମକରଝୋଳ ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଭଗବାନ ସେଠୀ,ସମରଝୋଳ ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଅଜୟ କୁମାର ବେବର୍ତ୍ତା,
ରଙ୍ଗୁଣୀପଲ୍ଲୀ ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ସଂଗୀତା ମିଶ୍ର ଓ ବଡଖଣ୍ଡି ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ଜଗନ୍ନାଥ ଗୌଡ଼ ପ୍ରମୁଖ ଉପସ୍ଥିତ ଥିଲେ।ସିଆରସିସି ଭାବେ କାର୍ଯ୍ୟଭାର ଗ୍ରହଣ କଲାପରେ ଶିକ୍ଷାର୍ଥୀ,ଶିକ୍ଷକ, ଶିକ୍ଷୟିତ୍ରୀ,ବିଦ୍ୟାଳୟ ପରିଚାଳନା କମିଟି ସଦସ୍ୟ ଏବଂ ଅଭିଭାବକଙ୍କ ସହ ଉତ୍ତମ ସମ୍ପର୍କ,ସମନ୍ୱୟ ଓ ସହଯୋଗ ବଜାୟ ରଖି ନିଜ ଦାୟିତ୍ୱ ଓ କର୍ତ୍ତବ୍ୟବୋଧ ସୁଚାରୁରୂପେ ସମ୍ପାଦନା କରିବା ସହ ସମ୍ପୃକ୍ତ ବିଦ୍ୟାଳୟ ଗୁଡିକରେ ଶିକ୍ଷାର ଗୁଣାତ୍ମକ ମାନବୃଦ୍ଧି,ଉତ୍ତମ ଶୈକ୍ଷିକ ପରିବେଶ ସହ ବିଭିନ୍ନ ଅଭାବ,ଅସୁବିଧା ପ୍ରତି ଧ୍ୟାନ ଦେଇ ଆବଶ୍ୟକତା ପୂରଣ ଦିଗରେ ବିଭିନ୍ନ ପ୍ରଶାସନିକ ଅଧିକାରୀଙ୍କ ଦିଗଦର୍ଶନ ଅନୁସାରେ କାର୍ଯ୍ୟ ସମ୍ପାଦନା ପ୍ରୟାସ ଜାରି ରଖିବେ ବୋଲି ସେ ପ୍ରତିକ୍ରିୟାରେ ପ୍ରକାଶ କରିଛନ୍ତି।
