୨୧ଫେବୃଆରୀ ,ମଙ୍ଗଳବାର (ଓଡ଼ିଶା ତାଜାନ୍ୟୁଜ ) କୋରାପୁଟ :- ବକ୍ସାଇଟ୍ ଖନନ ପାଇଁ ପରୀକ୍ଷା କୁ କରାଇ ଦେଲେ ନାହିଁ ଅଞ୍ଚଳ ବାସୀ । କୋରାପୁଟ ଜିଲ୍ଲାର ନାରାୟଣପାଟଣା ତହସିଲ ଅଧୀନସ୍ଥ ତଳଗୁମାଣ୍ଡି ପଞ୍ଚାୟତର କର୍ଣ୍ଣକଣ୍ଡା ପାହାଡ଼ରେ ଗଛିତ ଅଛି ବହୁ ପରିମାଣର ବକ୍ସାଇଟ୍ ଦ୍ରବ୍ଯ। ଖନନ କରି ଏହାକୁ ବିନିଯୋଗ କରିବା ପାଇଁ ସରକାର ପ୍ରୟାସ କରିଛନ୍ତି। ଯେଉଁଥିପାଇଁ ଖଣି ନିଗମ ପକ୍ଷରୁ ଏକ ସଂସ୍ଥା ଦ୍ଵାରା ପରୀକ୍ଷା ପାଇଁ ଏକ ଟିମ୍ ଯାଇଥିଲେ। ତେବେ ଏହାକୁ ବିରୋଧ କରିଛନ୍ତି ଏହାର ସଂଲଗ୍ନ ଗ୍ରାମ ବାସୀଙ୍କ ସହିତ ପ୍ରାୟ ୪ ଟି ପଞ୍ଚାୟତର ଆଦିବାସୀ ମାନେ। ସେମାନଙ୍କ ଅଭିଯୋଗ ହେଉଛି ଖଣି ଖନନ ହେଲେ ପରିବେଶ ନଷ୍ଟ ହେବା ସହିତ ଲୋକ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେବେ। ଏପରିକି ଜଙ୍ଗଲ ପାହାଡ଼ ଉପରେ ନିର୍ଭର କରି ବଞ୍ଚୁଥିବା ଆଦିମ ଅଧିବାସୀଙ୍କ ଜୀବିକା ପ୍ରଭାବିତ ହେବା ସହିତ ଜଳ ଧାରା ସୁଖିଯିବା କାରଣରୁ ଲୋକମାନଙ୍କ ଚାଷ ପ୍ରଭାବିତ ହେବ ।