ଠିକାଦାର ଓ ଯନ୍ତ୍ରୀ ଙ୍କର ମଧୁ ଚନ୍ଦ୍ରିକାରେ ନିର୍ମାଣ ହେଉଛି ଗ୍ରାମ୍ୟ ଉନ୍ନୟନ ବିଭାଗର ସଡ଼କ କାର୍ଯ୍ୟ

ତାଳିପକା ପିଚୁ ରାସ୍ତା କାର୍ଯ୍ୟ କୁ ଗ୍ରାମବାସୀ ଙ୍କ ବିରୋଧ । ଯନ୍ତ୍ରୀ ଙ୍କ ଅନୁପସ୍ଥିତରେ ଚାଲିଛି ନିମ୍ନ ମାନର ରାସ୍ତା ନିର୍ମାଣ କାର୍ଯ୍ୟ..

୧୦ ଫେବୃଆରୀ, ଶୁକ୍ରବାର,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନେଶ୍ୱର :- ରାଜ୍ୟ ଓ କେନ୍ଦ୍ର ସରକାର ଗ୍ରାମାଞ୍ଚଳରେ ଗମନାଗମନ ସୁବିଧା ସହ ଗାଁ କୁ ଗାଁ ଯୋଡିବା ଲକ୍ଷ୍ୟ ରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନା ମାଧ୍ୟମରେ କାର୍ଯ୍ୟ ଆରମ୍ଭ କରିଛନ୍ତି | ହେଲେ ଏହାର ଦାୟିତ୍ୱ ଗ୍ରାମ ଉନ୍ନୟନ (R D) ବିଭାଗ ହାତରେ ଥିବା ବେଳେ ବିଭାଗୀୟ ଯନ୍ତ୍ରୀ ଙ୍କ ଅନୁପସ୍ଥିତ ରେ ତାଳିପକା ପିଚୁ କାର୍ଯ୍ୟ କୁ ଗ୍ରାମବାସୀ ବିରୋଧ କରିଛନ୍ତି । ତେବେ ଠିକାଦାର ଶୁଣୁ ନଥିବା ଅଭିଯୋଗ କରିଛନ୍ତି ଗ୍ରାମବାସୀ । ଏଭଳି ଅଭିଯୋଗ ଆସିଛି ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ଦୁରୁଦୁରା ପଂଚାୟତର ଡିମ୍ବିରିଝରୀ ଠାରୁ ବନମାଳୀ ପୁରୁ ପାଞ୍ଚ କିଲୋମିଟର ରାସ୍ତା ପାଇଁ କୋଟି କୋଟି ଟଙ୍କା ଖର୍ଚ୍ଚ ହେଉଛି ଏବେ ଜଙ୍ଗଲିଆ ରାସ୍ତା ର ସୁଯୋଗ ନେଇ ବିନା ଯନ୍ତ୍ରୀ ରେ ଲେବୁଲ ନ କରି ଛିଞ୍ଚି ଦେଉଛନ୍ତି ପିଚୁ ଗ୍ରାମସଭାପତି ,କାଳଧୀ ନାୟକ, ହରିବନ୍ଧୁ ଷଡ଼ଙ୍ଗୀ ଯୁଧୀଷ୍ଟିର ନାୟକ, ପବିତ୍ର ପ୍ରଧାନ, ପ୍ରମୁଖ ଅଭିଯୋଗ କଲେ ମଧ୍ୟ ଠିକାଦାର କିମ୍ବା ବିଭାଗୀୟ ଯନ୍ତ୍ରୀ ଶୁଣୁନାହାନ୍ତି । ଖାଲି ଏତିକି ନୁହେଁ କୋଟି କୋଟି ଟଙ୍କାର ଘୋଟାଲା କରି କାମ ରେ ଖିଲାପ କରୁଥିବା ବେଳେ ଅତି ନିମ୍ନ ମାନର କାର୍ଯ୍ୟ ପାଇଁ ଗ୍ରାମବାସୀ ଅସନ୍ତୋଷ ପ୍ରକାଶ କରିଛନ୍ତି । ଏହି ରାସ୍ତା ରେ ମାଳିସର ଠାରୁ ଭାଟସାହି ପ୍ରାୟ (୧୦) ରୁ ଉର୍ଦ୍ଧ୍ବ ଗାଁ ଲୋକେ ବସ ବାସ କରୁଥିବା ବେଳେ ପ୍ରତ୍ୟେକ ଦିନ ହଜାର ହଜାର ଲୋକ ଏହି ରାସ୍ତା ଉପରେ ନିର୍ଭର କରିଥାନ୍ତି । ତେବେ ଏଠି ସାଧାରଣ ଜନତା ଙ୍କ ପାଇଁ ରାସ୍ତା ଟି ନିର୍ମାଣ ହେଉଥିଲେ ମଧ୍ୟ ସାଧାରଣ ଜନତା ଙ୍କ ଅଭିଯୋଗ କୁ କର୍ଣ୍ଣପାତ ନ କରିବା କଣ ହେଇପାରେ ? ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେବା ପାଇଁ ଗ୍ରାମବାସୀ ଦାବି କରିଛନ୍ତି ।