<h3><span style="color: #ff0000;"><strong>ତୋଷାଳୀ ଜାତୀୟ ହସ୍ତଶିଳ୍ପ ମେଳାର ନବମ ସନ୍ଧ୍ୟା ମନମୋହିଲେ ମହାରାଷ୍ଟ୍ର, ପଞ୍ଜାମ ଓ ଝାଡ଼ଖଣ୍ଡର କଳାକାରମାନେ </strong></span></h3> <h4><span style="color: #ff0000;"><em><strong>୦୯ ଫେବୃଆରୀ ,ଗୁରୁବାର </strong><strong>୨୦୨୩ (ଓଡ଼ିଶା ତାଜାନ୍ୟୁଜ )</strong></em></span><strong><span style="color: #ff0000;">ଭୁବନେଶ୍ୱର :-</span> ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ଆନୁକୂଲ୍ୟରେ ଆୟୋଜିତ ସପ୍ତଦଶ ତୋଷାଳୀ ଜାତୀୟ ହସ୍ତଶିଳ୍ପ ମେଳାର ନବମ ସଂଧ୍ୟାରେ ମୁଖ୍ୟ ଅତିଥି ଭାବରେ ୱାଲïର୍ ସ୍କିଲ ସେଣ୍ଟର୍ର ମୁଖ୍ୟ ନିର୍ବାହୀ ଅଧିକାରୀ ଶ୍ରୀମତୀ ଅଳକା ମିଶ୍ର, ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗର ସ୍ୱତନ୍ତ୍ର ସଚିବ ଶ୍ରୀଯୁକ୍ତ ଶ୍ରୀକାନ୍ତ ପୃଷ୍ଟି ଏବଂ ହସ୍ତଶିଳ୍ପ ନିର୍ଦ୍ଦେର୍ଶକ ଶ୍ରୀଯୁକ୍ତ ଶ୍ୟାମଭକ୍ତ ମିଶ୍ର ଯୋଗଦେଇ ଶ୍ରୀ ଜଗନ୍ନାଥ ମହାପ୍ରଭୁଙ୍କ ପାଦପଦ୍ମରେ ପୁଷ୍ପଗୁଚ୍ଛ ଅର୍ପଣ କରି ପ୍ରଦୀପ ପ୍ରଜ୍ୱଳନ କରିବା ସହିତ ରୁଦ୍ରାକ୍ଷ ବୃକ୍ଷରେ ଜଳାର୍ପଣ କରି ସାଂସ୍କୃତିକ ସଂଧ୍ୟାର ଶୁଭାରମ୍ଭ କରିଥିଲେ । </strong><img class="alignnone wp-image-98758" src="https://odishatazanews.com/wp-content/uploads/2023/02/toshali2-300x225.jpg" alt="" width="775" height="581" /><strong>ଏହାପରେ ସ୍ୱତନ୍ତ୍ର ସଚିବ ଶ୍ରୀଯୁକ୍ତ ଶ୍ରୀକାନ୍ତ ପୃଷ୍ଟି ଏବଂ ହସ୍ତଶିଳ୍ପ ନିର୍ଦେଶକ ଶ୍ରୀଯୁକ୍ତ ଶ୍ୟାମଭକ୍ତ ମିଶ୍ର ବରେଣ୍ୟ ଅତିଥିଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ମାନିତ କରିଥିଲେ । ଆଜି ସଂଧ୍ୟାର ସାଂସ୍କୃତିକ କାର୍ଯ୍ୟକ୍ରମରେ ବିଭିନ୍ନ ରାଜ୍ୟର ନୃତ୍ୟଶିଳ୍ପୀମାନେ ନୃତ୍ୟ ପରିବେଷଣ କରିଥିଲେ । ମହାରାଷ୍ଟ୍ରର ଆମ୍ରପଲ୍ଲି ଗ୍ରୁପ ଲାବଣୀ ଓ ଗୋନଧଡ୍ ନୃତ୍ୟ ପରିବଷଣ କରିଥିବାବେଳେ ପଞ୍ଜାବର ରୁପେନ୍ଦର୍ ଡ୍ୟାନସ୍ ଗ୍ରୁପ ଓ ବିରାସତ୍ କଲଚର ସୋସାଇଟି, ଧନଉଲା ଭାଙ୍ଗରା ଡାନ୍ସରେ ଜନତାଙ୍କୁ ମନ୍ତ୍ରମୁ କରିଥିଲେ ।</strong><img class="alignnone wp-image-98757" src="https://odishatazanews.com/wp-content/uploads/2023/02/toshali1-300x198.jpg" alt="" width="645" height="426" /><strong>ଝାଡ଼ଖଣ୍ଡର ପୁରୁଲିଆ ଛଉ ଡାନ୍ସ ଏକାଡେମୀ ଅନନ୍ୟ ଓ ଚିତ୍ତାକର୍ଷକ ପୁରୁଲିଆ ଛଉ ନୃତ୍ୟରେ ଦର୍ଶକମାନଙ୍କର ଭରପୂର ମନୋରଞ୍ଜନ କରିଥିଲେ । ଆଜି ତୋଷାଳି ଜାତୀୟ ହସ୍ତଶିଳ୍ପ ମେଳାର ନବମ ସଂଧ୍ୟାରେ ପ୍ରବଳ ଜନସମାଗମ ହୋଇଥିଲା । ଦର୍ଶକମାନେ ହସ୍ତଶିଳ୍ପ ଏବଂ ହସ୍ତତନ୍ତର ବିଭିନ୍ନ ଷ୍ଟଲରେ ବୁଲି ବିଭିନ୍ନ ସାମଗ୍ରୀ କିଣିବା ସହ ସାଂସ୍କୃତିକ କାର୍ଯକ୍ରମର ମଜା ଉଠାଇଥିଲେ । ଏହି ମେଳା ପ୍ରତ୍ୟହ ଦିବା ୨.୩୦ ଘଟିକା ଠାରୁ ରାତ୍ର ୯.୩୦ ଘଟିକା ପର୍ଯ୍ୟନ୍ତ ଖୋଲା ରହୁଛି ଓ ଏହା ଫେବୃୟାରୀ ୧୨ ତାରିଖ ପର୍ଯ୍ୟନ୍ତ ଚାଲିବ ।</strong><img class="alignnone wp-image-89315" src="https://odishatazanews.com/wp-content/uploads/2022/11/ODISHA-TAZANEWS-PRESS-jatani.pptx5_.pptx22-Copy-300x69.jpg" alt="" width="639" height="147" /> <img class="alignnone wp-image-88991" src="https://odishatazanews.com/wp-content/uploads/2022/11/ranpur-55-300x111.jpg" alt="" width="632" height="234" /></h4>