ଭୁବନ ବ୍ଲକ ଧଳପଡା ପଂଚାୟତ ରେ ପାଣି ପଂଚାୟତ ପାଳିତ : ରେଙ୍ଗାଳି ବାମ କେନାଲ, ଡୁବୁରି, ଯାଜପୁର ଆନୁକୂଲ୍ୟରେ ଓ ଜଳ ସଂପଦ ବିଭାଗ

୨ଫେବୃଆରୀ ୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନ :– ରେଙ୍ଗାଳି ବାମ କେନାଲ , ଡୁବୁରି , ଯାଜପୁର ଆନୁକୂଲ୍ୟରେ ଓ ଜଳ ସଂପଦ ବିଭାଗ ସହଯୋଗରେ ଭୁବନ ବ୍ଲକ ଧଳପଡା ପଂଚାୟତର ଅନଳ ଗ୍ରାମରେ ପାଣି ପଂଚାୟତ ପକ୍ଷ ପାଳିତ ହୋଇଯାଇଛି । ବିଭାଜନ ନମ୍ବର -୨ ଡୁବୁରି ଅଧିକ୍ଷଣ ଯନ୍ତ୍ରୀ ଇଂ କବି ପ୍ରସାଦ ନାଥ ଙ୍କ ଅଧ୍ୟକ୍ଷତାରେ ଅନୁଷ୍ଟିତ ସମାବେଶରେ ଭୁବନ ବ୍ଲକ ଅଧ୍ୟକ୍ଷା ଶ୍ରୀମତୀ ସିପ୍ରା ବରାଳ ମୂଖ୍ୟ ଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମକୁ ଉଦଘାଟନ କରିଥିଲେ ।ମୁଖ୍ୟବକ୍ତା ଭାବେ ଜାଇକା ପ୍ରକଳ୍ପ -୨ ଯାଜପୁରରୋଡ ର ଅତିରିକ୍ତ ମୁଖୟଯନ୍ତ୍ରୀ ଇଂ ସଂଜୀବ କୁମାର ନାୟକ ଏବଂ ସମ୍ମାନୀତ ଅତିଥି ଭାବେ ନିର୍ମାଣ ବିଶେଷଜ୍ଞ ଇଂ ଧନେଶ୍ୱର ସାହୁ ,କୃଷି ବିଭାଗ ବିଶେଷଜ୍ଞ ଇଂ ପ୍ରଭାତ ରଂଜନ ଦାସ, କୃଷି ବିଭାଗ ଉପନିର୍ଦ୍ଦେଶକ ଇଂ ବଂଶୀଧର ସ୍ୱାଇଁ , ଜିଲ୍ଲା ପରିଷଦ ସଭ୍ୟ ରମେଶ ଚନ୍ଦ୍ର ସାହୁ ଓ ପୂର୍ବତନ ବ୍ଲକ ଅଧ୍ୟକ୍ଷ ଧର୍ମାନନ୍ଦ ବରାଳ ପ୍ରମୁଖ ଯୋଗଦେଇ କୃଷି ଓ କୃଷକ ଙ୍କ ଉନ୍ନତି ପାଇଁ ରାଜ୍ୟ ସରକାରଙ୍କ ବିଭିନ୍ନ ଯୋଜନା ସଂପର୍କରେ ଆଲୋକପାତ କରିଥିଲେ । ଏହି ସମାବେଶରେ ୧୬ଟି ପଂଚାୟତର ପାଣି ପଂଚାୟତ କର୍ମକର୍ତା ଓ ଶତାଧିକ କୃଷକ ଯୋଗଦେଇଥିଲେ ।