୨୩ ଜାନୁଆରୀ ସୋମବାର ,୨୦୨୩ (ଓଡ଼ିଶା ତାଜାନ୍ୟୁଜ ) ଆର. ଉଦୟଗିରି :- ଗଞ୍ଜେଇ ବୋଝେଇ କାର୍ କୁ ଗୋଡାଇ ଗୋଡାଇ ଦୁର୍ଘଟଣାର ଶିକାର ହେଲା ପୋଲିସ୍ ଗାଡି । ଚକ୍ମା ଦେଖାଇ ଫେରାର୍ ହେବାରେ ସକ୍ଷମ ହୋଇଛି ଗଞ୍ଜେଇ ଗାଡି । ତେବେ ଦୁର୍ଘଟଣାରେ ଜଣେ ଏସ୍ ଆଇ ଗୁରୁତର । ଏଭଳି ଘଟଣା ଗଜପତି ଜିଲ୍ଲା ମୋହନା ଥାନା କିର୍ତୀଂ ଗାଁ ନିକଟରେ । ଘଟଣା ପ୍ରକାରେ ଏକ ଗଞ୍ଜେଇ ବୋଝେଇ କାରକୁ ମୋହନା ଥାନାର ୧୧୨ ପୋଲିସ ଗାଡି ଗୋଡାଉଥିବା ବେଳେ ଗଂଜେଇ ବୋଝେଇ କାର୍ ଟି ଅତିପ୍ରବଳ ବେଗରେ ଯାଉଥିଲା । 
ଫଳରେ ରାସ୍ତାରେ ପ୍ରବଳ ମାତ୍ରରେ ଧୂଳି ଉଡିବାରୁ ପୋଲିସ ଗାଡିକୁ ଆଉ ରାସ୍ତା ଦେଖାଯାଉନଥିଲା । ଯାହା ଫଳରେ ପୋଲିସ ଗାଡିର ଡ୍ରାଇଭର ବ୍ରେକ ମାରିବାକୁ ବାଧ୍ୟ ହୋଇଥିଲେ । ତେଣୁ ଗାଡିଟି ସେହି ସ୍ଥାନରେ ହିଁ ଓଲଟି ପଡିଥିଲା । ଏହି ଘଟଣାରେ ମୋହନା ଥାନା ଏସ ଆଇ ଏଲ ଭି ପ୍ରସାଦଙ୍କୁ ବାନ୍ଧରେ ଆଘାତ ଲାଗିଛି ।
ଏଲ ଭି ଙ୍କୁ ମୋହନା ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯିବା ପରେ ଅଧିକ ଚିକିତ୍ସା ପାଇଁ ବ୍ରହ୍ମପୁର ପଠାଯାଇଛି । ତେବେ ଗଂଜେଇ ବୋଝେଇ କାରଟି ଘଟଣାସ୍ଥଳରୁ ଫେରାର୍ ହୋଇଯାଇଥିବା ଜଣାପଡିଛି ।
