ଏଇତ ଜୀବନ ସାମାଜିକ ଗଣମାଧ୍ୟମ ଓ ଫାଉଣ୍ଡେସନ ପକ୍ଷରୁ “ବିପଦର ବନ୍ଧୁ ସମ୍ମାନ ୨୦୨୩”

୧୩ ଜାନୁଆରୀ ଶୁକ୍ରବାର୨୦୨୩ ( ଓଡ଼ିଶା ତାଜାନ୍ୟୁଜ ) କଟକ :- କର୍ମବୀର ଗୌରୀଶଙ୍କର ଟାଉନହଲ କଟକ ଠାରେ ଏଇତ ଜୀବନ ସାମାଜିକ ଗଣମାଧ୍ୟମ ଓ ଫାଉଣ୍ଡେସନ ପକ୍ଷରୁ “ବିପଦର ବନ୍ଧୁ ସମ୍ମାନ ୨୦୨୩” କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ସମାଜରେ ବିଭିନ୍ନ କ୍ଷେତ୍ରରେ ଉଲ୍ଲେଖନିୟ ସେବା ପ୍ରଦାନ କରିଥିବା ବ୍ୟକ୍ତିବିଶେଷ ଅନୁଷ୍ଠାନମାନଙ୍କୁ ଉତ୍ସାହିତ କରାଯିବା ଉଦ୍ୟଶରେ ବିପଦର ବନ୍ଧୁ, ସର୍ପର ସାଥୀ, ସମାଜ ରକ୍ଷକ, ଅସହାୟର ବନ୍ଧୁ, ପଶୁ ପ୍ରେମୀ ଶବର ସାଥି, ପରିବେଶ ପ୍ରେମୀ, ରକ୍ତବିର ପ୍ରମୁଖ ସମ୍ମାନରେ ସମ୍ମାନୀତ କରାଯାଇଥିଲା । ଉକ୍ତ ସଭାକୁ ଉତ୍କଳ ସର୍ଵଦୟ ସଂଘର ରାଜ୍ୟ କୋଷାଧ୍ୟକ୍ଷ ବିଶ୍ୱଜିତ ସୁର୍ଯ୍ୟବଂଶୀ ଙ୍କ ଅଧ୍ୟକ୍ଷତାରେ ବରିଷ୍ଠ ସାମ୍ବାଦିକ ଶ୍ରୀଯୁକ୍ତ ସତ୍ୟ ରାଏ ଉଦଘାଟନ କରିବା ସହିତ ମୁଖ୍ୟ ଅତିଥିରୂପେ ସ୍ଥାୟୀ ଲୋକ ଅଦାଲତ, କଟକର ସଦସ୍ୟ ଶ୍ରୀଯୁକ୍ତ ପ୍ରଦୀପ କୁମାର ପଟ୍ଟନାୟକ ଯୋଗ ଦେଇ ସମାଜସେବା କ୍ଷତ୍ର ବିଭିନ୍ନ ଦିଗ ଓ ତାର ପରିବ୍ୟାପ୍ତତା ବିଷୟରେ ଅବଗତ କରିଥିଲେ l ବିଶିଷ୍ଟ ଗାନ୍ଧିବାଦୀ ଡକ୍ଟର ବିଶ୍ୱଜିତ ମୁଖ୍ୟ ବକ୍ତାରୂପେ ସେବା ସହିତ ସମାଜ ପ୍ରତି ଥିବା ଦାୟିତ୍ୱ ଓ ଅଧିକାର କୁ ସୁପରିଚାଳିତ କରିବା ପାଇଁ ଅନୁରୋଧ କରିଥିଲେ l ସର୍ବୋଦୟ ସଂଘର ସମ୍ପାଦକ ଶ୍ରୀଯୁକ୍ତ ଆର୍ଯ୍ୟଭଟ୍ଟ ମହାନ୍ତି ଓ ମିଳିତ ଜାତିସଂଘର ସଭ୍ୟ ଡକ୍ଟର ଦିଉପୟାନ ପଟ୍ଟନାୟକ ସମ୍ମାନିତ ଅତିଥି ରୁପେ ଯୋଗ ଦେଇଥିଲେ । ଦିବ୍ୟାଙ୍ଗ ସମାଜ ସେବୀ ମାନଙ୍କୁ ସମ୍ମାନ ଓ ଅସହାୟ ମୃତଦେହକୁ ସତ୍ତକାର କରୁଥିବା ଓଡିଶାର ପ୍ରଥମ ଦୁଇ ଜଣ ମହିଳାଙ୍କୁ ସମ୍ମାନ ଏହି କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ।ଦିତୀୟ ଅଧିବେଶନର ଅତିଥି ରୂପେ ସଞ୍ଜିତ ସାମଲ, ସସ୍ମିତା ଦାସ, ଜିତେନ୍ଦ୍ର ସାହୁ,ନମିତା ସାହୁ, ସଞ୍ଜୀବ ଚିନାରା, ଅଭୟ ବାରିକ୍, କ୍ଷୀରୋଦ କୁମାର ସାହୁ ପ୍ରମୁଖ ଯୋଗ ଦେଇ ମାନପତ୍ର ବିତରଣ କରିଥିଲେ । ମାନସ ପଟନାୟକ ସ୍ଵାଗତ ଭାଷଣ ଦେଇଥିବା ବେଳେ ଏଇତ ଜୀବନର ସଭାପତି ପ୍ରିୟବ୍ରତ ପଟ୍ଟନାୟକ ଉକ୍ତ କାର୍ଯ୍ୟକ୍ରମ କୁ ପରିଚାଳନା କରିବା ସହିତ ଧନ୍ୟବାଦ୍ ଅର୍ପଣ କରିଥିଲେ ।