ରାଜ ସୁନାଖଳା ସେବା ସମବାୟ ସମିତି ର ଧାନ ମଣ୍ଡିରେ କଟନୀ ଛଟନୀ କୁ ବିରୋଧ କରି ଆସନ୍ତା କାଲି ରାସ୍ତାକୁ ଯିବେ ଚାଷୀ

୧୧ ଜାନୁଆରୀ ବୁଧବାର,୨୦୨୩ ( ଓଡ଼ିଶା ତାଜାନ୍ୟୁଜ ) ରାଜସୁନାଖଳା  :- ରାଜସୁନାଖଳା ସମବାୟ ସମିତି ଅଧିନସ୍ଥ ନରେନ୍ଦ୍ରପୁର ଓ ରାଜସୁନାଖଳା ଗ୍ରାମ ପଞ୍ଚାୟତ ର ଚାଷୀ ମାନେ ସମ୍ମିଳିତ ହୋଇ ଧାନମଣ୍ଡି ଖୋଲି ସରକାର ଧାନ କିଣିବା ଦାବୀରେ ରାଜ ସୁନାଖଳା ସମବାୟ ସମିତି ସମ୍ମୁଖରେ ଗତ ୯ତାରିଖ ରୁ ତିନି ଦିନ ହେଲା ଚାଷୀଙ୍କ ଗଣଧାରଣା ଦେଇଥିଲେ ଏବଂ କିଛି ଚାଷୀ ମଧ୍ୟ ଧାନ ଆଣି ମଣ୍ଡିରେ ବିକ୍ରି ପାଇଁ ଥୋଇଥିଲେ ମଧ୍ୟ ଏଯାବତ ପ୍ରଶାସନ କୌଣସି ପଦକ୍ଷେପ ନେଲେ ନାହିଁ । ଏଭଳି ପ୍ରଶାସନିକ ଅବହେଳା ପାଇଁ ଚାଷୀ ମାନେ ଉତ୍ୟକ୍ତ ହୋଇ ସମବାୟ ସମିତି କାର‌୍ୟ୍ୟାଳୟ କୁ ଦିନ ତମାମ ଘେରି ରହିଥିଲେ ।ଏ ସମ୍ପର୍କରେ ଖବର ପାଇ ମଧ୍ୟ ସ୍ଥାନୀୟ ତହସିଲ ଦାର, ରଣପୁର ଯୋଗାଣ ଅଧିକାରୀ ଓ ସମବାୟ ସମିତି ଆନ୍ଦୋଳନ କାରୀ ଙ୍କ ନିକଟରେ ଆଜି ପହଁଚିଲେ ନାହିଁ କି କୌଣସି ନିଷ୍ପତି କଲେ ନାହିଁ । ଓଲଟି ସେବା ସମବାୟ ସମିତିର ଜିଲ୍ଲା ଅଧିକାରୀ ମିଲରକୁ ଆଣି ପ୍ରତ୍ୟେକ୍ଷରେ ୫କେଜି ରୁ ଉର୍ଦ୍ଧ୍ଵ ଧାନ କ୍ୱିଣ୍ଟାଲ ପିଛା କାଟିବାକୁ କହିବାରେ ଚାଷୀ ମାନେ କ୍ଷୁବ୍ଧ ହୋଇ ଧାରଣା ରେ ସନ୍ଧ୍ୟା ପର‌୍ୟ୍ୟନ୍ତ ବସି ରହିଥିଲେ । ଧାନର ଗୁଣ ନିର୍ଧାରଣ କଲେ ମଧ୍ୟ ଚାଷୀମାନେ କଟନୀ ଛଟନି କୁ ଦୃଢ଼ ବିରୋଧ କରିବା,ମଣ୍ଡି ଅଞ୍ଚଳରେ ଦଲାଲି ପ୍ରକ୍ରିୟା ବନ୍ଦ କରିବାକୁ ଧ୍ରୁଢ଼ ଦାବୀ କରିଥିଲେ ମାତ୍ର କୌଣସି ନିଷ୍ପତି ହୋଇ ପାରିଲା ନାହିଁ ।ତେଣୁ ଚାଷୀ ଙ୍କ ଦାବୀ ପ୍ରତି ସ୍ଥାନୀୟ ପ୍ରଶାସନ ଅତ୍ୟନ୍ତ ଅବହେଳା ଓ ଏଭଳି ବେଖାତିରି ପ୍ରତିବାଦ ରେ ଆସନ୍ତା କାଲି ତା-୧୨-୧-୨୦୨୩ରିଖ ୧୦ଟା ସମୟରେ ରାଜସୁନାଖଳା ୫୭ ନମ୍ବର ଜାତୀୟ ରାଜ ପଥକୁ ଅବରୋଧ କରିବେ ବୋଲି ଚାଷୀ ଆନ୍ଦୋଳନ ତରଫରୁ ଚରମ ଚେତାବନୀ ଦେଇଛନ୍ତି । ଏଥିପାଇଁ ସ୍ଥାନୀୟ ପ୍ରଶାସନ ଦାୟୀ ରହିବେ ବୋଲି ସ୍ଥାନୀୟ ପୋଲିସି,ତହସିଲ ଦାର,ଓ ସମବାୟ ସମିତିକୁ ଲେଖି ଜଣାଇଛନ୍ତି । ଏହି ଆନ୍ଦୋଳନ କୁ ସମସ୍ତ ଚାଷୀ ସଫଳ କରିବାକୁ ନିବେଦନ କରିଛନ୍ତି ।ଏହି ଆନ୍ଦୋଳନରେ ସି ପି ଆଇ (ଏମ) ତଥା ରଣପୁର ଚାଷୀ ଆନ୍ଦୋଳନର ନେତା ସୁରେଶ ସ୍ବାଇଁ,ସବ୍ୟସାଚୀ ସେନାପତି,ଦୁଃଶାସନ ଜେନା,ନିରଞ୍ଜନ ସ୍ଵାଇଁ, ମହନ୍ତ ଗୋପାଳ ଚରଣ ଦାସ,ଶ୍ୟାମସୁନ୍ଦର ସାମନ୍ତରାୟ,ସୁରଥ ପ୍ରଧାନ,ନିରଞ୍ଜନ ମହାପାତ୍ର,ବିଜୁଳି ମହାନ୍ତି,ଶତ୍ରୁଘନ ରାଉତ,,ରାଜକିଶୋର ପଟ୍ଟନାୟକ,କାହ୍ନୁ ଡାଳୁଆ,ଵଂସିଧର ନାୟକ,ସଞ୍ଜୟ ଦୋରା ପ୍ରମ୍ମୁଖ ନେତୃତ୍ୱ ନେଇଥିଲେ। ସୁରେଶ ସ୍ଵାଇଁ, ଚାଷୀ ଆନ୍ଦୋଳର ଆବାହକ ।