୨୬ ଡିସେମ୍ବର ସୋମବାର ( ଓଡ଼ିଶା ତାଜା ନ୍ୟୁଜ ) ଚାନ୍ଦପୁର :- ଚାନ୍ଦପୁର ବସନ୍ତମଞ୍ଜରୀ ସାଧାରଣ ଚିକିତ୍ସାଳୟ ରାଜ୍ୟ ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଜ୍ଞପ୍ତି ୨୯ ୬ ୧୧, ୨୨. ୧୨.୨୦୨୨ ମୁତାବିକ ଟ୍ରମା କେୟାର ଲେବଲ o୩ ଘୋଷିତ ହୋଇଛି I ଫଳତଃ ଅଂଚଳରେ ଖୁସିର ଲହରି ଖେଳି ଯାଇଛି I ପ୍ରଶାସନିକ ଚକ୍ରାନ୍ତରେ ଏକଦା ରାଜ୍ୟର ସର୍ବବୃହତ ବସନ୍ତ ମଞ୍ଜରୀ ଯକ୍ଷ୍ମା ସ୍ୱାସ୍ଥ୍ୟ ନିବାସ ଘରୋଇ କରଣ ହେବାକୁ ଯାଉଥିଲା I ସାଧାରଣ ଜନତାଙ୍କ ଦୃଢ଼ ବିରୋଧ ଯୋଗେ ମାନ୍ୟବର ମୁଖ୍ୟମନ୍ତ୍ରୀ ଏହାକୁ ସାଧାରଣ ଚିକିତ୍ସାଳୟ ଘୋଷଣା କରିଥିଲେ I ଭବିଷ୍ୟତରେ ଏହାକୁ ମେଡ଼ିକାଲ କଲେଜ ପାଇଁ ଜନସାଧାରଣ ଦାବୀ ରଖିଛନ୍ତି I ଜାତୀୟ ରାଜପଥ ୧୬ ପାର୍ଶ୍ଵରେ ଥିବା ଏହି ହାସପାତାଳ ର ଟ୍ରମା କେୟାର ସେବା ସରକାରଙ୍କ ସମୟୋଚିତ ନିଷ୍ପରିତି ଅଟେ I 
ସଂପ୍ରତି ପ୍ରାୟ ଏକହଜାର ରୁ ଉର୍ଦ୍ଧ୍ଵ ବହିରାଗତ ରୋଗୀ ଚିକିତ୍ସା ଭରସାରେ ଏଠାକୁ ଆସିଥlନ୍ତି I ବର୍ତ୍ତମାନ ଦୁର୍ଘଟଣା ଜନିତ ତତ୍କାଳ ସେବା ଉପଲବ୍ଧ ହୋଇ ପାରିବ ଓ ୨୪ ଘଣ୍ଟିଆ ଜରୁରୀ ଚିକିତ୍ସା କାର୍ଯ୍ୟକ୍ଷମ ହେବ I ଏହା ଅଂଚଳ ବାସୀଙ୍କ ଦୀର୍ଘଦିନ ଦାବୀର ସାକାର ରୂପ I ୨୦୧୪-୧୯ ରେ ରଣପୁରର ପୂର୍ବତନ ବିଧାୟକ ରବି ନାରାୟଣ ମହାପାତ୍ର ଙ୍କ ସତ ପ୍ରଚେଷ୍ଟା ରେ ଚାନ୍ଦପୁର ବସନ୍ତ ମଞ୍ଜରୀ ସ୍ୱାସ୍ଥ୍ୟ କେନ୍ଦ୍ର କୁ ଟ୍ରମା କେୟାର କରିବାର ସ୍ବପ୍ନ ୨୦୧୭ ମସିହାରେ ଦେଖିଥିଲେ । 
ଏବଂ ଦିନରାତି ଟ୍ରମା କେୟାର ହେବାର ସ୍ବପ୍ନ ଦେଖିଥିବା ରବିଙ୍କର ସ୍ବପ୍ନ ଆଜି (୨୦୨୨)ରେ ସାକାର ହୋଇଛି । ରାଜ୍ୟ ସରକାର ଏହାକୁ ଟ୍ରମା କେୟାର ଘୋଷଣା କରିବା ପରେ ଚାନ୍ଦପୁର ଅଞ୍ଚଳ ବାସୀ ଓ ବୁଦ୍ଧିଜୀବୀ ମହଲରେ ରବି ଙ୍କ ର ଭୂରୀ ଭୁରୀ ପ୍ରଂଶସା କରାଯାଉଥିବା ଦେଖିବାକୁ ମିଳିଛି । ଟ୍ରମା କେୟାର ହେବା ପରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କୁ ଆଞ୍ଚଳିକ ବରିଷ୍ଠ ନାଗରିକ ମଞ୍ଚ ସଭାପତି ଧନେଶ୍ଵର ଅଗ୍ରୱାଲ, ପୂର୍ବତନ ସରପଞ୍ଚ ଅଶୋକ ସାହୁ, ଅରୁଣ ସୁବୁଦ୍ଧି, ସାମାଜିକ କର୍ମୀ ମନୋଜ ଦାସ ପ୍ରମୁଖ ଧନ୍ୟବାଦ ଓ କୃତଜ୍ଞତା ଜଣାଇ ଛନ୍ତି I 
