ଓଡିଶା ତାଜା ନ୍ୟୁଜ୍ (୭ ଜୁନ ଶୁକ୍ରବାର) ଚନ୍ଦାହାଣ୍ଡି :– ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅନ୍ତର୍ଗତ ମାଲଗାଁ ଓ ଅନକାବେଡା ଗ୍ରାମ ପଞ୍ଚାୟତ ଠାରେ ରାଜ୍ୟ ସରକାରଙ୍କ ତରଫରୁ ଗ୍ରାମାଞ୍ଚଳରେ ବସବାସ କରୁଥିବା ଅନୁସୂଚିତ ଜାତି, ଜନଜାତି,ପଛୁଆବର୍ଗ, ଅସହାୟ ମହିଳା, ଗରିବ ଜନସାଧାରଣ ସର୍ବପରି ଯେଉଁମାନଙ୍କ ବାର୍ଷିକ ଆୟ ଦୁଇ ଲକ୍ଷରୁ କମ ସେମାନଙ୍କୁ ମାଗଣା ଆଇନ ସେବା ଯୋଗାଇ ଦେବା ନିମନ୍ତେ ପ୍ରତ୍ୟେକ ଗ୍ରାମପଞ୍ଚାୟତ ସ୍ତରରେ ଆଇନ ସେବାକେନ୍ଦ୍ର ସ୍ଥାପନର ବ୍ୟବସ୍ଥା କରିଛନ୍ତି । ଏହା ଦ୍ୱାରା ଗ୍ରାମାଞ୍ଚଳରେ ବସବାସ କରୁଥିବା ଗରିବ ଜନସାଧାରଣ ଆଇନ ର ଆଶ୍ରୟ ନେବା ସହ ଠିକ ନ୍ୟାୟ ପାଇପାରିବେ ବୋଲି ଆଶା କରାଯାଏ ।
ଆଜିର ଏହି ଉଦଘାଟନ କାର୍ଯ୍ୟକ୍ରମରେ ଉପସ୍ଥିତ ନିର୍ବାଚିତ ଜନପ୍ରତିନିଧି,ସମାଜସେବୀ ଓ ଜନସାଧାରଣ ଙ୍କ ମଧ୍ୟରେ କରୋନା ମହାମାରୀ ମହାବିପତିକୁ ଦୃଷ୍ଟିରେ ରଖି ସରକାର ଙ୍କ ନିୟମାନୁଯାଇ ସାମାଜିକ ଦୂରତା ରକ୍ଷା କରି ଆଇନ ସହାୟତା କେନ୍ଦ୍ର ଉଦଘାଟିତ ହୋଇ ଯାଇଛି, ଆଇନ ସେବା ପ୍ରାଧିକରଣ ଏବଂ ଚନ୍ଦାହାଣ୍ଡି ତାଲୁକ ଆଇନ ସେବା ସମିତି ତରଫରୁ ମାଲଗାଁ ଠାରେ ଆଇନ ସେବା କେନ୍ଦ୍ରକୁ ସ୍ଥାନୀୟ ସରପଞ୍ଚ ଶ୍ରୀମତୀ ଉର୍ବଶୀ ନାୟକ ଉଦଘାଟନ କରି ଥିବା ବେଳେ ସମିତି ସଭ୍ୟା ଜ୍ୟୋସ୍ନାରାଣୀ ନାୟକ, ହର ନାୟକ, ଡମ୍ବରୁ ପାତ୍ର ବରିଷ୍ଠ ଆଇନଜୀବ ମନୋଜ କୁମାର ବାରିକ, ଜୟଦେବ ଖମାରି ପ୍ରମୂଖ ଯୋଗ ଦେଇ ଆଇନ ସେବା ବିଷୟ ରେ ଆଲୋକପାତ କରିବା ସହ କିଭଳି ଭାବ ରେ ସାଧାରଣ ଲୋକ ଆଇନ ସେବା ମାଗଣା ରେ ପାଇ ପାରିବେ ତାହା ଉପସ୍ଥିତ ଜନସାଧାରଣ ଙ୍କୁ ବୁଝାଇ ଥିଲେ ।
ଏହା କୁ ପାରା ଲିଗାଲ ସ୍ୱେଚ୍ଛାସେବୀ ଲବ ସୁନା, ଜୟଦେବ ବାଗ, ଦେବରାଜ ବାଘ, ଗଣେଶ୍ୱର ବାଘ କାର୍ଯ୍ୟକ୍ରମ କୁ ପରିଚାଳନା କରିଥିଲେ ! ସେହିପରି ଅନକାବେଡ଼ା ଗ୍ରାମ ପଞ୍ଚାୟତ ଠାରେ ଉଦଘାଟନ କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ଶ୍ରୀ ଭୋବ ପୂଜାରୀ ଯୋଗଦେଇ ଆଇନ ସହାୟତା କେନ୍ଦ୍ରକୁ ଉଦଘାଟନ କରି ଥିବା ବେଳେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସୂର୍ଯ୍ୟ ନାରାୟଣ ଭତ୍ରା, ଆଇନଜୀବି ହୁମେଶ୍ୱର ହଂସ ଯୋଗ ଦେଇ ଆଇନ ସେବା ବିଷୟରେ ଉପସ୍ଥିତ ଜନସାଧାରଣଙ୍କୁ ବୁଝାଇଥିଲେ । ଏହି କାର୍ଯ୍ୟକ୍ରମ କୁ ପାରା ଲିଗାଲ ସ୍ବେଛାସେବୀ ଦେନାଥ କେଉଟ, ନକୁଳ ମନହୀରା ପରିଚାଳନା କରି ଥିଲେ । ଏହି ଆଇନ ସହାୟତା କେନ୍ଦ୍ର ଗୁଡିକ ମାସର ପ୍ରତ୍ୟେକ ରବିବାର କାର୍ଯ୍ୟକ୍ଷମ ହେବ ବୋଲି ଜଣାପଡିଛି ! (ରିପୋର୍ଟ- ଯୁବରାଜ ଜଗତ)
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
