ଓଡିଶା ତାଜା ନ୍ୟୁଜ୍ (୭ ଜୁନ ଶୁକ୍ରବାର) ଭୁବନେଶ୍ୱର :- ଗତ କିଛି ଦିନ ପରେ ଓଡ଼ିଶା ସରକାରଙ୍କ କୋଭିଡ୍ ମୁକାବିଲା କମିଟିର ମୁଖ୍ୟ ମୁଖପାତ୍ର ସୁବ୍ରତ ବାଗଚୀ ଆଜି ପୁଣି ମତ ଦେଇଛନ୍ତି । ସୁବ୍ରତ ବାଗଚୀ ଆଜି ତାଙ୍କ ସମ୍ବୋଧନରେ କରୋନା ସମ୍ପର୍କ ସଚେତନତା ବାଣ୍ଟିଛନ୍ତି । କରୋନା ର ଏଇ ଲମ୍ବା ଲଢ଼େଇରେ ଜୁନ୍ ମାସ ନିର୍ଣ୍ଣାୟକ ହେବ ବୋଲି ମୁଖ୍ୟମନ୍ତ୍ରୀଙ୍କ ବକ୍ତବ୍ୟକୁ ନିଜ ଶୈଳୀରେ ଉପସ୍ଥାପିତ କରିଛନ୍ତି ବଗଚୀ । ବାଗଚୀ କହିଛନ୍ତି ଯେ, ଜୁନ୍ ମାସ ହେଉଛି କରୋନାର ଚତୁର୍ଥ ପର୍ଯ୍ୟାୟ ସମୟ । ଆମେ ଜୀବନ, ଜୀବିକା ଦ୍ୱନ୍ଦ ଭିତରେ ରହିଥିବା ବେଳେ ବାସ୍ତବତାକୁ ଗ୍ରହଣ କରିବାକୁ ପଡ଼ିବ । କରୋନାକୁ ନ ଜଗିଲେ ଜଙ୍ଗଲର ମଣିଷଖିଆ ବାଘ ପରି ଆମ ଆଡକୁ ମାଡ଼ି ଆସିବ । ଆମେ ନିଜକୁ, ପରିବାରକୁ, ସମାଜକୁ ଆସନ୍ନ ବିପଦରୁ ରକ୍ଷା କରିବାକୁ ପଡ଼ିବ । ଜୁନ୍ ମଝିରୁ ଜୁଲାଇ ମଝି ପର୍ଯ୍ୟନ୍ତ କରୋନା ସଂକ୍ରମଣ ବିସ୍ଫୋରଣ ଆକାର ଗ୍ରହଣ କରିବ ବୋଲି ବିଶେଷଜ୍ଞମାନେ ଆଶଙ୍କା କରିଥିବାରୁ ଆମକୁ ଯଥେଷ୍ଟ ସତର୍କ ରହିବାକୁ ପଡ଼ିବ ।
ଲକ୍ ଡାଉନ୍ କୋହଳକୁ କରୋନା ସରିଗଲା ବୋଲି ଭାବିଲେ ଭୟଙ୍କର ପରିସ୍ଥିତି ହେବ । ଜୁନ୍ ଘାଟି ପାରି ହେଲେ ଯାଇ ଆମ ଉପରୁ ବିପଦ ଟଳିବ । ମହାପ୍ରଭୁ ତିନି ମାସ ଧରି ଭକ୍ତଙ୍କଠାରୁ ଦୂରରେ ରହି କଷ୍ଟ ସହୁଛନ୍ତି । ନିଜେ ମହାପ୍ରଭୁ ବେଢ଼ି ପିନ୍ଧୁଛନ୍ତି, ଆସନ୍ତୁ ଆମେ ବେଢ଼ି ପିନ୍ଧିବା ଏବଂ ସୁସ୍ଥରେ ରହିବା ବୋଲି କହିଛନ୍ତି ବାଗଚୀ । ବାଗଚୀ ଆରମ୍ଭରୁ ଶ୍ରୀଜୀଉଙ୍କ ସ୍ନାନଯାତ୍ରାର ସଫଳତା ଉପରେ କହିଥିଲେ । କୋଭିଡ୍ ନିୟମ ଭିତରେ ସ୍ନାନଯାତ୍ରା ଅତ୍ୟନ୍ତ ସମନ୍ୱିତ, ଶୃଙ୍ଖଳା ଓ ସୁରୁଖୁରୁରେ ଶେଷ ହେଲା । ସେଥିପାଇଁ ସମସ୍ତ ସେବାୟତ, ଶ୍ରୀମନ୍ଦିର ସେବକ ଏବଂ ପ୍ରଶାସନ ଧନ୍ୟବାଦର ପାତ୍ର ବୋଲି ମତ ରଖିଛନ୍ତି । ମୁଖ୍ୟମନ୍ତ୍ରୀ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ସେହିଭଳି କୋଭିଡ୍ ଯୁଦ୍ଧରେ ସମସ୍ତଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି ଗଜପତି ମହାରାଜା । ବୟସ ଦୃଷ୍ଟିରୁ କୋଭିଡ୍ ନିୟମ ମାନି ଛେରା ପହଁରାରୁ ନିବୃତ ରହି ଶ୍ରୀନଅରରେ ରହିଥିବାରୁ ମୁଖ୍ୟମନ୍ତ୍ରୀ ତାଙ୍କୁ ବି ଧନ୍ୟବାଦ ଜ୍ଞାପନ କରିଛନ୍ତି ।
ଯୁଦ୍ଧ ପୂର୍ବରୁ ପ୍ରଶାସନିକ ଅଧିକାରୀଙ୍କୁ ଦାୟିତ୍ୱ ଦିଆଯାଇ ପ୍ରସ୍ତୁତି ଜୋରଦାର କରାଯାଇଥିଲା । କୋଭିଡ୍ ମ୍ୟାନେଜମେଣ୍ଟ ଦାୟିତ୍ୱରେ ଥିବା ପ୍ରଶାସନିକ ଅଧିକାରୀଙ୍କ ଅଦଳବଦଳକୁ ନେଇ ହେଉଥିବା ଚର୍ଚ୍ଚା ଉପରେ ସ୍ପଷ୍ଟୀକରଣ ଦେଇଥିଲେ ସୁବ୍ରତ ବାଗଚୀ । ଏବେ ପ୍ରଶାସନର ସୁବିଧା ପାଇଁ ମୂଳ ବିଭାଗର ଦାୟିତ୍ୱ ବୁଝିବାକୁ ପ୍ରଶାସନିକ ଅଧିକାରୀ ଙ୍କୁ ଦିଆଯାଇଛି । ସେମାନଙ୍କ କ୍ଲାନ୍ତ ଦୂର କରି ନୂଆ ଯୋଦ୍ଧାମାନଙ୍କୁ ଦାୟିତ୍ୱ ଦେବାର ବେଳ ଆସିଛି । ତେଣୁ ଏହି ଅଦବଳବଦଳକୁ ନେଇ ସୃଷ୍ଟି କରାଯାଉଥିବା ଗୁଜବ ଉପରେ ବିଶ୍ୱାସ କରନ୍ତୁ ନାହିଁ । ଏହା ହେଲେ କରୋନା ଯୁଦ୍ଧର ସମ୍ମୁଖ ଭାଗରେ ଲଢୁଥିବା ଏହି ଯୋଦ୍ଧାମାନେ ହତୋତ୍ସାହିତ ବୋଲି ବାଗଚୀ କହିଛନ୍ତି ।
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
