ଭୁବନେଶ୍ୱରରେ ଆରମ୍ଭ ହେଲା ବିଦ୍ୟାଳୟରରୁ ଚେସ୍ କାର୍ଯ୍ୟକ୍ରମ

୧୫ ଡିସେମ୍ବର ଗୁରୁବାର ( ଓଡ଼ିଶା ତାଜା ନ୍ୟୁଜ ) ଭୁବନେଶ୍ୱର :- କ୍ରୀଡ଼ା ଓ ଯୁବସେବା ବିଭାଗ, ବିଦ୍ୟାଳୟ ଓ ଗଣଶିକ୍ଷା ବିଭାଗ ଏବଂ ଅଲ ଓଡିଶା ଚେସ ଆସୋସିଏସନର ମିଳିତ ଆନୁକୂଲ୍ୟରେ ବିଦ୍ୟାଳୟରୁ ଚେସ୍ କାର୍ଯ୍ୟକ୍ରମ ଆଜିଠୁ ଆରମ୍ଭ ହୋଇଛି I ଡିସେମ୍ବର 15-16 ଦୁଇ ଦିନ ଧରି ଏହି ବିଦ୍ୟାଳୟରରୁ ଚେସ୍ କାର୍ଯ୍ୟକ୍ରମରେ ରାଜଧାନୀ ଭୁବନେଶ୍ୱର ଅନ୍ତର୍ଗତ ବିଭିନ୍ନ ବିଦ୍ୟାଳୟରେ ଚେସ୍ ପ୍ରତିଯୋଗିତା ଅନୁଷ୍ଠିତ ହେଉଛି I ଏହି ସ୍କୁଲ ସ୍ତରୀୟ ପ୍ରତିଯୋଗିତାରୁ କୃତୀ ପ୍ରତିଯୋଗୀ ଚୟନ କରାଯାଇ ଆଗାମୀ ଦିନରେ ଭୁବନେଶ୍ୱର ଓପନ ଚେସ୍ ଚମ୍ପିୟାନସିପ ଅନୁଷ୍ଠିତ ହେବ Iଏଠାରେ ସୂଚନା ଯୋଗ୍ୟଯେ ରାଜ୍ୟ ସରକାର ବିଭିନ୍ନ କ୍ରୀଡ଼ାକୁ ପ୍ରୋତ୍ସାହନ ଦେଇ ଆସୁଛନ୍ତି I ବର୍ତ୍ତମାନ ହକି, ଫୁଟବଲ, କ୍ରିକେଟ, ବ୍ୟାଡ଼ମିଣ୍ଟନ, ସ୍ୱଇମିଙ୍ଗ ପରି ବୌଦ୍ଧିକ ଖେଳ ଚେସ୍ ପ୍ରତି ପିଲାଙ୍କ ଆଗ୍ରହ ବଢିଛି I ଏହି ପରିପ୍ରେକ୍ଷୀରେ ଚେସ୍ ଖେଳକୁ ଅଧିକ ପରିବ୍ୟାପ୍ତ କରିବା ଉଦେଶ୍ୟରେ ବିଦ୍ୟାଳୟ ସ୍ତରରୁ ଏହି ଚେସ୍ କାର୍ଯ୍ୟକ୍ରମ ଆରମ୍ଭ ହୋଇଛି I ଏହି  ପ୍ରତିଯୋଗିତା ଉପଲକ୍ଷେ ଗତ 10 ତାରିଖରେ କଳିଙ୍ଗ ଷ୍ଟାଡିୟମ ପରିସରରେ ବିଦ୍ୟାଳୟ ଶିକ୍ଷକ ମାନଙ୍କୁ ନେଇ ଚେସ୍ ଖେଳ ସମ୍ପର୍କିତ ଏକ କର୍ମଶାଳା ଅନୁଷ୍ଠିତ ହୋଇଥିଲା Iଏହି ଚେସ୍ କାର୍ଯ୍ୟକ୍ରମକୁ ନେଇ ରାଜଧାନୀର ଛାତ୍ରଛାତ୍ରୀଙ୍କୁ ମଧ୍ୟରେ ବେଶ ଉତ୍ସାହ ପରିଲକ୍ଷିତ ହୋଇଛି I ଆଗାମୀ ଦିନରେ ଏହି ବିଦ୍ୟାଳୟରୁ ଚେସ୍ କାର୍ଯ୍ୟକ୍ରମ ସାରା ରାଜ୍ୟକୁ ପ୍ରସାରିତ କରାଯିବ I ଆଜି ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ଓସେପାର ରାଜ୍ୟ ପ୍ରକଳ୍ପ ନିର୍ଦେଶକ ଅନୁପମ ସାହା, କ୍ରୀଡ଼ା ଓ ଯୁବସେବା ବିଭାଗର ଯୁଗ୍ମ ଶାସନ ସଚିବ ଶୁଭାଂଶୁ ମିଶ୍ର, ଯୁଗ୍ମ ନିର୍ଦେଶକ, ଓସେପା ସରୋଜ ବେହେରାଙ୍କ ସମେତ ଅନ୍ୟ ବରିଷ୍ଠ ଅଧିକାରୀ ଏବଂ ଏଓସିଏ କର୍ମକର୍ତ୍ତା ମାନେ ବିଭିନ୍ନ ସ୍କୁଲ ପରିଦର୍ଶନରେ ଯାଇ ପିଲାମାନଙ୍କୁ ଉତ୍ସାହିତ କରିଥିଲେ I