ଓଡିଶା ତାଜା ନ୍ୟୁଜ୍ (୦୬ ଜୁନ୍ ଶନିବାର) ଚନ୍ଦାହାଣ୍ଡି ବ୍ଲକ :- ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଗମ୍ଭାରୀଗୁଡା ଗ୍ରାମପଞ୍ଚାୟତ ଅନ୍ତର୍ଗତ ମୋତିଗାଁର ଝଜ କୁମାର ନେଙ୍ଗି ଏବଂ ଲୁଦ୍ରିକା ଟୋଲଠିଆ ନିଜ ଗାଁର କିଛି ଲୋକଙ୍କ ସହ ମିଶି ଆଜକୁ ପ୍ରାୟ ଦୁଇ ବର୍ଷ ପୂର୍ବେ ଆନ୍ଦ୍ରପ୍ରଦେଶର ଏକ ଇଟା ଭାଟିରେ କାମକରୁଥିଲେ । ଦୁହେଁ ଗୋଟିଏ ଗ୍ରାମର ହୋଇଥିବାରୁ ସେମାନଙ୍କ ଦେଖାସାକ୍ଷାତରେ ଦୁହିଁଙ୍କ ଭିତରେ ପ୍ରେମ ସମ୍ପର୍କ ଗଡିଉଠିଥିଲା । ପରିଶେଷରେ ଦୁହେଁ ଏକାଟି ରହି ସ୍ୱାମି ସ୍ତ୍ରୀ ସମ୍ପର୍କରେ ଜୀବନ ବିତାଇବାକୁ ନିସ୍ପତି ନେଇଥିଲେ । କରୋନା ମହାମାରି ଯୋଗୁଁ ସାରା ଦେଶରେ ସରକାର ଲଗ ଡାଉନ ଘୋଷଣା କଲେ ଯାହା ଦ୍ୱାରା କାମଧନ୍ଦା ବନ୍ଦ ହୋଇଗଲା ।
ସମସ୍ତେ ନିଜ ଗାଁକୁ ଫେରିଆସିବା ପାଇଁ ରାଜ୍ୟ ସରକାରଙ୍କ ସହାୟତା ଲଡିଲେ ।ରାଜ୍ୟ ସରକାରଙ୍କ ସହଯୋଗ ରେ ସମସ୍ତଙ୍କୁ ପଞ୍ଜିକୃତ କରି ଅସ୍ଥାୟୀ ଚିକିତ୍ସାଳୟରେ ସରକାରଙ୍କ ନିୟମ ଅନୁଯାୟୀ ସଂଘରୋଧ ଭାବେ ରଖାଯାଇ ନିଜ ନିଜ ଘରକୁ ପଠେଇବାର ବ୍ୟବସ୍ଥା କରାଗଲା । ଏହି କ୍ରମରେ ମୋତିଗାଁ ର ପ୍ରେମି ଯୁଗଳ ଘରକୁ ଫେରିବା ପରେ ଚନ୍ଦାହାଣ୍ଡି ବ୍ଲକ ଧୋଡିପାଣି ଅସ୍ଥାୟୀ ଚିକିତ୍ସାଳୟରେ ମେ ୧୪ ତାରିଖ ଠାରୁ ରଖାଯାଇ ଅବଧି ସରିବାପରେ ନିଜ ଗାଁକୁ ପଠେଇ ଦିଆ ଯାଇଥିଲା । ତାଙ୍କ ପରିବାର ବର୍ଗଙ୍କ ଦ୍ୱାରା ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା ।
ପ୍ରେମ ବିବାହ କରି ଘରକୁ ଫେରିଥିବା ଏହି ପ୍ରେମୀ ଯୁଗଳକୁ ଘରେ ପୁରାଇ ଦେଇ ନ ଥିଲେ ପରିବାର ଲୋକ ପରିଶେଷରେ ଗଛମୂଳେ ରାତ୍ରିଯାପନ କରିବାକୁ ପଡିଥିଲା । ଏହି ଖବର ପାଇ ମା ଗୃହ ର ସ୍ବାସ୍ଥ୍ୟ କର୍ମୀ ସେଠାରେ ପହଞ୍ଚି ସେମାନଙ୍କୁ ଉଦ୍ଧାର କରିଥିଲେ ଓ ଗଣ ମାଧ୍ୟମ ଓ ସମାଜ ସେବୀ ଙ୍କୁ ଜଣାଇଥିଲା । ପ୍ରଥମେ ସେମାନଙ୍କୁ ଚନ୍ଦାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇ ଡାକ୍ତର ସଂଗ୍ରାମ କେଶରୀ ସାହୁଙ୍କ ଦ୍ୱାରା ସ୍ବାସ୍ଥ୍ୟ ପରୀକ୍ଷା କରାଯାଇଥିଲା । ପରକ୍ଷା ପରେ ପ୍ରେମିକା ଜଣକ ସାତ ମାସର ଗର୍ଭବତୀ ଥିବା ସହ ହେମୋଗ୍ଲୋବିନ କମ ଥିବାରୁ ଚିକିତ୍ସା ସହ ସଂଘରୋଧ ଭାବେ ମା ଗୃହରେ ରଖାଯାଇଛି ।
ମା ଗୃହର ସଂଯୋଜିକା ପାଣିଗ୍ରାହୀ ସେମାନଙ୍କ ସୁବ୍ୟବସ୍ଥା ପ୍ରତି ଧ୍ୟାନ ଦେବା ସହ ସେମାନଙ୍କ ସ୍ଥାୟୀ ସମାଧାନ ନିମନ୍ତେ ତାଙ୍କ ପରିବାର ସହ ଯୋଗାଯୋଗ କରି ବୁଝାଇଥିଲେ । ରାଗରୋଷରେ ଯାହା ଗାଳିଗୁଲଜ କରିଥିଲେ ମଧ୍ଯ ପରିଶେଷରେ ରାଗରୋଷ ଭୁଲି ଯାଇ ପରିବାର ବର୍ଗ ଉଭୟଙ୍କୁ ଘରେ ରହିବାକୁ ସହମତି ପ୍ରକାଶ କରିଛନ୍ତି ବୋଲି ସଂଯୋଜିକା ପାଣିଗ୍ରାହୀ ପ୍ରକାଶ କରିଛନ୍ତି । ସ୍ଥାନୀୟ ପୋଲିସ ପ୍ରଶାସନ ଓ ଗ୍ରାମବାସୀଙ୍କ ଉପସ୍ଥିତି ରେ ସେମାନଙ୍କୁ ତାଙ୍କ ପରିବାରକୁ ସମର୍ପଣ କରାଯିବ ଏବଂ ଗର୍ଭଧାରଣ ର ନଅ ମାସ ବେଳକୁ ପୁଣି ମା ଗୃହ ଅଣାଯିବ ବୋଲି ସଂଯୋଜିକା ପୁଷ୍ପାଞ୍ଜଳି ପାଣିଗ୍ରାହୀ ପ୍ରକାଶ କରିଛନ୍ତି । ତାଙ୍କର ଏପରି କାର୍ଯ୍ୟକୁ ଅଞ୍ଚଳବାସୀ ପ୍ରଶଂସା କରିଛନ୍ତି । ( ରିପୋର୍ଟ-ଯୁବରାଜ ଜଗତ,ଜିଲ୍ଲା ପ୍ରତିନିଧି,ନବରଙ୍ଗପୁର )
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
