ଓଡିଶା ତାଜା ନ୍ୟୁଜ୍ (୦୫ ଜୁନ୍ ଶୁକ୍ରବାର ) ପୁରୀ :- ଶ୍ରୀଜିଉଙ୍କ ପବିତ୍ର ସ୍ନାନଯାତ୍ରା ପ୍ରଥମ ଥର ପାଇଁ ବିନା ଭକ୍ତରେ ସମ୍ପନ୍ନ ହୋଇଛି ଓ ଶ୍ରୀମନ୍ଦିରରେ ଦାରୁବ୍ରହ୍ମ ରୂପୀ ବଡ଼ଠାକୁର ଶ୍ରୀ ବଳଭଦ୍ର, ଜଗତର ନାଥ ଶ୍ରୀ ଜଗନ୍ନାଥ ଓ ଦେବୀ ସୁଭଦ୍ରାଙ୍କ ମହାସ୍ନାନ ହୋଇଛି । ସେବାୟତ ମାନେ ଚତୁର୍ଦ୍ଧାମୂର୍ତ୍ତିଙ୍କୁ ରତ୍ନ ସିଂହାସନରୁ ଧାଡି ପହଣ୍ଡିରେ ସ୍ନାନ ମଣ୍ଡପକୁ ଆଣିଥିଲେ ।
ଭୋର ୪ଟା ୨୦ରେ ମଙ୍ଗଳ ଆରତୀ, ୪ଟା ୩୫ ରେ ମଇଲମ ଓ ତଡ଼ପଲାଗି ଏବଂ ଭୋର ୪ଟା ୫୦ ରେ ମହାପ୍ରଭୁଙ୍କ ଅଧର ପୋଛା ନୀତି ସମ୍ପନ୍ନ ହୋଇଥିଲା । ୫.୩୦ ରେ ଅବକାଶ, ୫.୪୦ରେ ରୋଷହୋମ ଓ ପୂର୍ବାହ୍ନରେ ଶ୍ରୀଜୀଉଙ୍କର ହାତୀ ବେଶ ହୋଇଥିଲା , ୫.୫୫ ରେ ବେଶ ଶେଷ ହୋଇଥିଲା । ଵିଧି ଅନୁଯାୟୀ ଶ୍ରୀଜିଉଙ୍କ ସ୍ନାନ ଯାତ୍ରା ହୋଇଛି ।
ଏଥର ବନ୍ଦ ରହିଥିଲା ସାହାଣ ମେଲା ଦର୍ଶନ ସ୍ନାନ ମଣ୍ଡପରେ ଦର୍ଶନ ଦେଇଛନ୍ତି ମହାପ୍ରଭୁ ଓ । ଶ୍ରୀଜୀଉଙ୍କର ଜନ୍ମ ଉତ୍ସବ ପାଳନ ସହ ଚତୁର୍ଦ୍ଧାମୂରତି ଗଜାନନ ବେଶ ଧାରଣ କରିଛନ୍ତି । ବାହୁଡ଼ା ପହଣ୍ଡି ସଂଧ୍ୟା ୫ଟାରୁ ରାତି ୮ଟା ମଧ୍ୟରେ ସମ୍ପନ୍ନ କରାଯିବ । ଶ୍ରୀମନ୍ଦିର ଓ ଏହାର ଆଖପାଖ ଅଂଚଳରେ ୧୪୪ଧାରା ଲାଗୁ ହୋଇଛି । ଭକ୍ତମାନେ ଏହାର ସିଧାପ୍ରସାରଣ କେବଳ ଦୂରଦର୍ଶନ ମାଧ୍ୟମରେ ଦେଖିପାରିଛନ୍ତି ।
କରୋନା କଟକଣା ପାଇଁ ପ୍ରଥମ ଥର ପାଇଁ ବିନା ଭକ୍ତରେ ହେଉଛି ସ୍ନାନଯାତ୍ରା । ସୀମିତ ସେବାୟତଙ୍କ ଦ୍ୱାରା ନୀତିକାନ୍ତି ଚାଲିଥିଲା । ମହାମାରୀ କରୋନା କଟକଣା ଯୋଗୁଁ ବିନା ଭକ୍ତରେ ଶ୍ରୀଜିଉଙ୍କ ସ୍ନାନ ପୂର୍ଣ୍ଣିମା ନୀତି ଅନୁଷ୍ଠିତ ହୋଇଯାଇଅଛି ।
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
