ଓଡିଶା ତାଜା ନ୍ୟୁଜ୍ (୦୫ ଜୁନ୍ ଶୁକ୍ରବାର ) ଚନ୍ଦାହାଣ୍ଡି :- ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକରେ ମହାପ୍ରଭୁ ଶ୍ରୀଜଗନ୍ନାଥଙ୍କ ସ୍ନାନ ଉତ୍ସବ ଅନୁଷ୍ଠିତ ହୋଇଯାଇଛି । ଜ୍ୟେଷ୍ଠ ମାସ ପୂର୍ଣ୍ଣିମି ତିଥିରେ ମହାପ୍ରଭୁଙ୍କ ବିଶ୍ୱପ୍ରସିଦ୍ଧ ଦେବସ୍ନାନ ପୂର୍ଣ୍ଣିମା ଅନୁଷ୍ଠିତ ହୋଇଥାଏ । ସାରା ବିଶ୍ୱରେ କରୋନା ମହାମାରୀ ମହାବିପତି ଦେଖାଦେଇଥିବାରୁ ସରକାରଙ୍କ ନିୟମ ମୁତାବକ ସୀମିତ ସେବାୟତ ଦ୍ବାରା ମହାପ୍ରଭୁଙ୍କ ସ୍ନାନପୁର୍ଣିମା ସମ୍ପନ୍ନ ହୋଇଥିଲା । ସେବାୟତ ମାନେ ସାମାଜିକ ଦୂରତ୍ୱ ରକ୍ଷା କରିବା ସହ ମହାପ୍ରଭୁଙ୍କ ସମସ୍ତ ନୀତିକାନ୍ତି ସମ୍ପନ୍ନ କରିଥିଲେ । ଏହି ଅବସରରେ ଚତୁର୍ଦ୍ଧା ମୂର୍ତ୍ତିଙ୍କୁ ସୁଗନ୍ଧିତ ଜଳରେ ସ୍ନାନ କରଯାଇ ପାରମ୍ପରିକ ରୀତିନୀତିରେ ପୂଜାର୍ଚ୍ଚନା କରାଯାଇଥିଲା ।
ଶ୍ରୀଜୀଉମାନଙ୍କୁ ଅଁଳା, ତୁଳସୀପତ୍ରରେ ସୁସଜ୍ଜିତ କରାଯାଇ ଗଜାନନ ବେଶ କରାଯାଇଥିଲା । ସକାଳେ ଯଥାରୀତି ଅନୁଯାୟୀ ପୂଜାର୍ଚ୍ଚନା କରାଯାଇ ଧାଡି ପହଣ୍ଡିରେ ସ୍ନାନବେଦୀକୁ ଅଣାଯାଇଥିଲା । ସ୍ନାନ ମଣ୍ଡପରେ ମହାପ୍ରଭୁ ଶ୍ରୀ ଜଗନ୍ନାଥ, ବଳଭଦ୍ର,ଦେବୀ ସୁଭଦ୍ରା ଓ ସୁଦର୍ଶନଙ୍କୁ ପହଣ୍ଡି ବିଜେ କରାଯାଇ ୧୦୮ ଗରା ସୁଗନ୍ଧିତ ଜଳ କଳସରେ ସ୍ନାନ କରାଯାଇଥିଲା । ସନ୍ଧ୍ୟା ଧୂପ ପରେ ବାହୁଡା଼ ପହଣ୍ଡି ନୀତି ଆରମ୍ଭ ହେବ । ଚନ୍ଦାହାଣ୍ଡି ବ୍ଲକର ଚନ୍ଦାହାଣ୍ଡି ଠାରେ ମୁଖ୍ୟ ସେବକ ଭାଗିରଥି ରଥ,ପ୍ରଦୀପ ଅଗସ୍ତି,ପ୍ରକାଶ ମହାପାତ୍ର,ଡମ୍ବରୁ ରଥ,ନୀଳକଣ୍ଠ ଦାସ,ରୀଙ୍କୁ ମହାପାତ୍ର,ରବୀନ୍ଦ୍ର ଦାସ,ଦେନାଥ ପାଢି,ଚୈତୁରାମ ଦଣ୍ଡସେନା,
ବନ କୁମାର ଚୌହାନ ଯୋଗଦେଇଥିଲେ, ଜମାଦାରପଡା ଠାରେ ରମେଶ ଚୌହାନ,ରାମଜୋଶ ମିଶ୍ର ଓ ଜଗନ୍ନାଥ ସେବା ସମିତିର କର୍ମକର୍ତ୍ତା ଯୋଗ ଦେଇଥିଲେ । ଦଣ୍ଡାମୁଣ୍ଡା ଠାରେ ଦାସ,ବିଧାୟକ ପ୍ରକାଶ ଚନ୍ଦ୍ର ମାଝୀ,ନରେନ୍ଦ୍ର ମାଝୀ ବୃନ୍ଦାବନ ମାଝୀ, କାର୍ତ୍ତିକ ବାଘ,ଗୌରହରି ନାୟକ,ବଳରାମ ପଟ୍ଟନାୟକ, ସୀମାଞ୍ଚଳ ଗଣ୍ଡା ପ୍ରମୁଖ ଉପସ୍ଥିତ ଥିଲେ । ହଳଦୀ ଠାରେ କିଶୋର ଖମାରି, ଦୂତିବାନ ଖମାରି,ଡମ୍ବରୁ ଖମାରି,ଶୁରେଶ ଖମାରି ପ୍ରମୂଖ ଉପସ୍ଥିତ ଥିଲେ । ସେହିଭଳି ଗମ୍ଭାରୀଗୁଡା,ବୋରିଗୁଡା, ଫଟକି, କରାଡ଼ଙ୍ଗରି ଇତ୍ୟାଦି ସ୍ଥାନରେ ଦେବସ୍ନାନ ପୂର୍ଣ୍ଣିମା ଅନୁଷ୍ଠିତ ହୋଇଥିଲା । (ରିପୋର୍ଟ – ଯୁବରାଜ ଜଗତ/ବଳରାମ ପଟ୍ଟନାୟକ)
odishatazanews.com, whatsApp – 9938341180,ph.7008991872, facebook – odishatazanews, ଲାଇକ୍ ଓ ସେୟାର କରନ୍ତୁ – Mail – odishatazanews1@gmail.com
