୨୦୨୪ ସାଧାରଣ ଉପନିର୍ବାଚନ ପୂର୍ବରୁ ଏହାକୁ ସେମିଫାଇନାଲ ବୋଲି କେହି କେହି କହିଲେଣି
ପଦ୍ମପୁରର ବିଜ୍ଞ ଭୋଟର ଉପନିର୍ବାଚନକୁ ଏପରିସ୍ତରକୁ ଟାଣିନେଇଛନ୍ତି ଯେ ତହୁଁ ତହୁଁ ବଡ଼ ବଡ଼ ରାଜନେତାଙ୍କ ଅକଲ ଗୁଡୁମ ହେବାକୁ ବସିଲେଣି ।
୦୧ ଡିସେମ୍ବର ଗୁରୁବାର (ଓଡ଼ିଶା ତାଜା ନ୍ୟୁଜ ) ପଦ୍ମପୁର :- ବରଗଡ଼ ଜିଲ୍ଲା ଅନ୍ତର୍ଗତ ପଦ୍ମପୁର ଉପନିର୍ବାଚନକୁ ଅନ୍ୟ ଉପନିର୍ବାଚନ ସହ ତୁଳନା କରାଯାଇପାରିବ ନାହିଁ । ଧାମନଗରରେ ପରାଜୟ ପରେ ଏହି ଉପନିର୍ବାଚନକୁ ବିଜେଡି ନିଜ ସମ୍ମାନ ସହ ଯୋଡିଦେଇଛି ଓ ବିଜୟ ଧାରାକୁ ଫେରିବା ଲାଗି ଯେକୌଣସି ସ୍ତରକୁ ଯିବା ଲାଗି ପ୍ରସ୍ତୁତ । ବିଜେପି ମଧ୍ୟ ଅକଳରେ । ସଫଳତାକୁ ବଜାୟ ରଖି ନ ପାରିଲେ ଦଳ ସପକ୍ଷରେ ଯେଉଁ ବାତାବରଣ ସୃଷ୍ଟି ହୋଇଛି ତାହା ଭୁଶୁଡି ପଡ଼ିବାକୁ ମୁହୂର୍ତେ ବି ଲାଗିବନି ।
ଗୁରୁତ୍ୱପୂର୍ଣ୍ଣ ହେଲା ବରଗଡ଼ ଜିଲ୍ଲା ଏପରି ଏକ ଅଞ୍ଚଳ ଯେଉଁଠି ୨୦୧୯ ନିର୍ବାଚନରେ ଭୋଟର କିଛି ନୂଆ କଥା କରି ଦେଖାଇଥିଲେ ଓ ଭାରତବର୍ଷରେ ସମ୍ଭବତଃ ଏହା ଏକମାତ୍ର ଘଟଣା ଥିଲା । ସବୁ ବିଧାନସଭା ଆସନରେ ଶାସକ ବିଜେଡି ଜିତିଥିଲେ ହେଁ ବିଜେପି ଲୋକସଭା ଆସନ ହାତେଇ ନେଇଥିଲା । ସବୁଠାରୁ ଲୋକପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଜେ ବିଜେପୁରରେ ନିର୍ବାଚନ ଲଢ଼ି ବି ବିଜେପିର ବିଜୟକୁ ଅଟକାଇ ପାରିନଥିଲେ । ଆହୁରି ଉଲ୍ଲେଖଯୋଗ୍ୟ କଥା ହେଲା ଏହାର କିଛିମାସ ପରେ ବିଜେପୁର ଉପନିର୍ବାଚନରେ ରେକର୍ଡ ଭୋଟରେ ପୁଣି ଜିତିଲା ବିଜେଡି । ଏଣୁ ଏଠାକାର ଭୋଟର କେତେ ସଚେତନ ତାହା ଏଥିରୁ ଯେ କେହି ଅନୁମାନ ଲଗାଇ ପାରିବେ ।
ଉଭୟ ବିଜେଡି ଓ ବିଜେପି ପାଇଁ ଏଥର ଉପନିର୍ବାଚନ କର ବା ମର ପରିସ୍ଥିତି ସୃଷ୍ଟି କରିଛି । ୨୦୨୪ ସାଧାରଣ ଉପନିର୍ବାଚନ ପୂର୍ବରୁ ଏହାକୁ ସେମିଫାଇନାଲ ବୋଲି କେହି କେହି କହିଲେଣି । ପଦ୍ମପୁରର ବିଜ୍ଞ ଭୋଟର ଉପନିର୍ବାଚନକୁ ଏପରିସ୍ତରକୁ ଟାଣିନେଇଛନ୍ତି ଯେ ତହୁଁ ତହୁଁ ବଡ଼ ବଡ଼ ରାଜନେତାଙ୍କ ଅକଲ ଗୁଡୁମ ହେବାକୁ ବସିଲେଣି । ବିଜେଡି କି ବିଜେପି କେହି ବି ଜିତିଲେ କେହି ବିଏଠି ଖୁସି ହୋଇପାରିବେନି ନାହିଁ ।
ଭୋଟର ପୁଣି ଗୋଟିଏ ନୂଆ ଧାରାର ଶୁଭ ଖୁଣ୍ଟି ସ୍ଥାପନ କରିସାରିଲେଣି । ଏହିସହିତ ୨୦୨୪ ନିର୍ବାଚନ ପାଇଁ ପଦ୍ମପୁରରୁ ନୂଆ ସମୀକରଣର ଆଭାସ ମିଳିଲେଣି, ଯାହା ଅବଶିଷ୍ଟ ନିର୍ବାଚନ ମଣ୍ଡଳୀ ପାଇଁ ଏକ ଆହ୍ୱାନ । ଏଥିରେ ଆଗକୁ ସବୁ ସନ୍ତୁଳି ହେବେ ହିଁ ହେବେ । ପଦ୍ମପୁରର ସବୁ ବ୍ଲକ ଓ ଏନଏସି ବୁଲି ଦେଖିବା ପରେ ଏକ ସ୍ୱତନ୍ତ୍ର ରିପୋର୍ଟ…
