ପଦ୍ମପୁର ଉପନିର୍ବାଚନରେ ପ୍ରଚାର କରିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

୧୯୮୫ରୁ ଗନ୍ଧମାର୍ଦ୍ଦନ ଆନ୍ଦୋଳନ ସମୟରୁ ମୁଁ ଲୋକଙ୍କ ସାଙ୍ଗେ ରହିଛି, ଆଗକୁ ରହିଥିବି : ପ୍ରଦୀପ ପୁରୋହିତ

୨୯ ନଭେମ୍ବର ମଙ୍ଗଳବାର (ଓଡ଼ିଶା ତାଜା ନ୍ୟୁଜ ) ପଦ୍ମପୁର :- ୧୯୮୫ ମସିହାରେ ଯେତେବେଳେ ତତ୍‌କାଳିନ କଂଗ୍ରେସ ସରକାର ଖଣି ଖୋଳିବା ପାଇଁ ଗନ୍ଧମାର୍ଦ୍ଦନ ପାହାଡକୁ ଘରୋଇ ବେପାରୀଙ୍କ ହାତରେ ବିକି ଦେଇଥିଲା ସେବେଠାରୁ ଗନ୍ଧମାର୍ଦ୍ଦନ, ବାବ ନୃସିଂହନାଥ ମନ୍ଦିର, ବାବା ହରିଶଙ୍କର ମନ୍ଦିରର ସୁରକ୍ଷା ପାଇଁ ମୁଁ ଏ ଅଂଚଳର ଲୋକମାନଙ୍କୁ ନେଇ ଆନ୍ଦୋଳନ କରିଥିଲି । ସାଇକେଲରେ ଗାଁ କୁ ଗାଁ ବୁଲି ଲୋକମାନଙ୍କୁ ଗନ୍ଧମାର୍ଦ୍ଦନର ସୁରକ୍ଷା ପାଇଁ ସ୍ୱର ଉଠାଇବା ପାଇଁ ଅନୁରୋଧ କରିଥିଲେ । ଆଜି ଯେଉଁ ଗନ୍ଧମାର୍ଦ୍ଦନ ପର୍ବତ, ନୃସିଂହନାଥ ମନ୍ଦିର ଅଛି ତାହା ଯଦି ସେତେବେଳେ ଆମେ ଆନ୍ଦୋଳନ କରିନଥାନ୍ତୁ ହୁଏତ ତାହା ଆଜି ନଥାନ୍ତା । ମୁଁ ସେହି ସମୟରୁ ଲୋକଙ୍କ ସାଙ୍ଗରେ, ଲୋକଙ୍କ ପାଇଁ ଅଛି, ଆଗକୁ ମଧ୍ୟ ସେମିତି ଲୋକଙ୍କ ସାଙ୍ଗରେ ରହିବି ବୋଲି ଆଜି ପାଇକମାଳର ମାଣ୍ଡୋସିଲ, ଭିଙ୍ଗରାଜପୁରରେ ଅନୁଷ୍ଠିତ ନିର୍ବାଚନ ସଭାରେ କହିଛନ୍ତି ବିଜେପିର ବିଧାୟକ ପ୍ରାର୍ଥୀ ପ୍ରଦୀପ ପୁରୋହିତ ।ଶ୍ରୀ ପୁରୋହିତ କହିଛନ୍ତି ଯେ, ମୁଁ ଜିତିଲେ ବି ଲୋକମାନଙ୍କ ସାଙ୍ଗେ ରହିବି, ହାରିଲେ ବି ଲୋକମାନଙ୍କ ସାଙ୍ଗରେ ରହିବି । ଜିତିଲେ ପଦ୍ମପୁର, ପାଇକମାଳ, ଝାରବନ୍ଧର ଚାଷୀ ସସମ୍ୟା, କେନ୍ଦୁପତ୍ର ତୋଳାଳୀଙ୍କ ସମସ୍ୟା, ଧାନ ବିକ୍ରି ସମସ୍ୟା, ଦାଦନର ସମସ୍ୟାକୁ ବିଧାନସଭାରେ ଉଠାଇବେ । ମୋ ବିରୋଧରେ ଯିଏ ଠିଆ ହୋଇଛନ୍ତି ସିଏ ନିର୍ବାଚନ ପରେ ଆଉ ପଦମପୁରରେ ରହିବେନି । ବିଧାନସଭାରେ ସରକାରଙ୍କ ବିରୋଧରେ ପାଟି ଫିଟାଇ ପାରିବେନି ।ଆଜି ପଦ୍ମପୁର ଉପନିର୍ବାଚନରେ ବିଜେପି ପାଇଁ ପ୍ରଚାର କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଧର୍ମେନ୍ଦ୍ର ପ୍ରଧାନଙ୍କ ସହିତ ବିଜେପିର ବିଧାୟକ ପ୍ରାର୍ଥୀ ପ୍ରଦୀପ ପୁରୋହିତ, ବରଗଡ ସାଂସଦ ସୁରେଶ ପୂଜାରି, ବିରୋଧୀ ଦଳର ନେତା ଜୟନାରାୟଣ ମିଶ୍ର, ରାଜ୍ୟ ସଭାପତି ସମୀର ମହାନ୍ତି ପ୍ରମୁଖ ପ୍ରଚାରରେ ସାମିଲ ଥିଲେ । ପାଇକମାଳ ଓ ପଦମପୁର ଅଂଚଳରେ ରୋଡ ସୋ, ପଦଯାତ୍ରା, ଜନସଭା ଆଦି କରାଯାଇଥିଲା ।