୨୮ ନଭେମ୍ବର ସୋମବାର (ଓଡ଼ିଶା ତାଜାନ୍ୟୁଜ ) କୁଡୁମୁଲୁଗୁମ୍ମା :- ମାଁ ଭୈରବୀ ସ୍ପୋର୍ଟସ କ୍ଲବ କୁଡୁମୁଲୁଗୁମ୍ମା ତରଫରୁ ଅନ୍ତଃରାଜ୍ୟ ସ୍ତରୀୟ ମାଁ ଭୈରବୀ ଫୁଟବଲ ଟୁର୍ଣ୍ଣାମେଣ୍ଟ ୨୦୨୨ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ସହ ଉଦ୍ ଘାଟିତ ହୋଇଯାଇଛି। ଏହି ଫୁଟବଲ୍ ର ମହାକୁମ୍ଭରେ ବିଶ୍ଵକପ ୨୦୨୨ କତ୍ତାର ଭଳି ଫୁଟବଲ ର ଫିଭର୍ ଓ ଉତ୍ସାହ ନେଇ ଶୁଭାରମ୍ଭ ହୋଇଥିଲା। ଉଦ୍ ଘାଟନ ଉତ୍ସବ ରେ ମୁଖ୍ୟ ଅତିଥି ଭାବେ ମାନ୍ୟବର ପଟାଙ୍ଗୀ ବିଧାୟକ ଶ୍ରୀଯୁକ୍ତ ପ୍ରୀତମ୍ ପାଢି, ସମ୍ମାନିତ ଅତିଥି ଭାବେ ସମାଜସେବୀ ହିମାଂଶୁ ଶେଖର ମହାପାତ୍ର, ସ୍ୱତନ୍ତ୍ର ନିମନ୍ତ୍ରିତ ଅତିଥି ଭାବେ ପୋଲିସ ଇନ୍ସପେକ୍ଟର ଲକ୍ଷ୍ମୀ ନାରାୟଣ ମୁଦୁଲି, ଖଇରପୁଟ ବ୍ଲକ ଅଧ୍ୟକ୍ଷ ବିଘ୍ନରାଜ କିର୍ସାନୀ, ଅ, ପଞ୍ଚାୟତ ସମିତି, ଖଇରପୁଟ ଜୋନ୍ ଜିଲ୍ଲା ପରିଷଦ ସଭ୍ୟ ବଳି ମାଝୀ ପ୍ରମୁଖ ଯୋଗଦାନ କରି ଫୁଟବଲ୍ ପ୍ରେମୀ ଜନତା ଙ୍କୁ ଉତ୍ସାହିତ କରିଥିଲେ। ସ୍ୱର୍ଗତ ସଞ୍ଜୟ ବିଶ୍ୱାସ ଙ୍କ ଫୋଟୋ ରେ ମାଲ୍ୟାର୍ପଣ ସହ ତାଙ୍କ ବାପା ସୁସେନ ବିଶ୍ୱାସ ଙ୍କୁ ଉପଢୌକନ ଦେଇ ସମ୍ବର୍ଧିତ କରାଯାଇଥିଲା।
ଉଦ୍ ଘାଟନୀ ମ୍ୟାଚ ରେ ଭୂବନେଶ୍ୱର ମହିଳା ଫୁଟବଲ ଦଳ ୩/୧ ରେ ବରଗଡ ବରପାଲି ଦଳକୁ ହରାଇ ବିଜୟୀ ହୋଇଥିଲେ। ଉତ୍ସବ କୁ ସାହିତ୍ୟିକ ତଥା କବି ଶ୍ରୀ ବଳରାମ ପୂଜାରୀ ସଂଯୋଜନା କରିବା ସହ କୁଡୁମୁଲୁଗୁମ୍ମା ମାଟିରେ, ଫୁଟବଲ୍ ଖେଳ ର ଐତିହ୍ୟ ଓ ପରମ୍ପରା ବିସ୍ତାର ଭାବେ ବର୍ଣ୍ଣନା କରିଥିଲେ । ଆୟୋଜନ ର ମୁଖ୍ୟ ପୁରୋଧା ଦିବାକର ସୁନା,ବୁଲୁ ରାଉତ,ଟୁଲୁ ରାଉତ, ଅଶୋକ ପ୍ରଧାନ,ଗୋପି ପାଙ୍ଗି, ମଙ୍ଗଳା ମାଢି, ହେମନ୍ତ କୁମାର ଦାଶ, ଭକ୍ତ ଚରଣ ବନୀକ,ମଙ୍ଗୁ ଖିଲ, ଚିତ୍ତରଞ୍ଜନ ପଟ୍ଟନାୟକ, ସହଦେବ ଶିଶା, ବାଳକୃଷ୍ଣ ପ୍ରଧାନ, ଭଗବାନ ସାହୁ, ଦେବେନ୍ଦ୍ର ରାଉତ, ସେଖ୍ ମୁକତାର ମହମ୍ମଦ, ଲଳୀତ ରାଉତ, କୃଷ୍ଣଚନ୍ଦ୍ର ସାହୁ ଓ ମାଁ ଭୈରବୀ ଫୁଟବଲ କ୍ଲବ କୁଡୁମୁଲୁଗୁମ୍ମା ର ସମସ୍ତ ସଭ୍ୟ ସହଯୋଗ କରିଥିଲେ । ଆସନ୍ତା କାଲିଠାରୁ ଟୁର୍ଣ୍ଣାମେଣ୍ଟର ମ୍ୟାଚ ଗୁଡ଼ିକ ଆହୁରି ରୋମାଞ୍ଚିତ ହେବ ବୋଲି ସ୍ଥାନୀୟ ଖେଳପ୍ରେମୀ ମତ ଦେଇଛନ୍ତି।
