ଇନ୍ଦିରା ଗାନ୍ଧୀ ମହିଳା ମହାବିଦ୍ୟାଳୟରେ ‘ଓଡ଼ିଆ ସମ୍ମାନ’ ନବାଗତା ଛାତ୍ରୀଙ୍କୁ ସମ୍ବର୍ଦ୍ଧନା ‘ମାତୃଭୂମି ଓ ମାତୃଭାଷା ପ୍ରତି ଅଧିକ ସମ୍ମାନ ଦିଆଯିବା ଉଚିତ

୧୨ ନଭେମ୍ବର ଶନିବାର (ଓଡ଼ିଶା ତାଜାନ୍ୟୁଜ) କୋରାଇ :- ମାତୃଭୂମି ଓ ମାତୃଭାଷା ପ୍ରତି ଅଧିକ ସମ୍ମାନ ଦିଆଯିବା ଉଚିତ । ତେଣୁ ଓଡ଼ିଆ ଭାଷାକୁ ସମୃଦ୍ଧ କରିବାକୁ ହେଲେ ବିଶେଷକରି ଛାତ୍ରୀମାନେ ଓଡ଼ିଆ ସମ୍ମାନ ରଖି ପଢ଼ିବାକୁ ଆଗ୍ରହ ପ୍ରକାଶ କରିବାକୁ ବ୍ୟାସନଗର ସ୍ଥିତ ଇନ୍ଦିରା ଗାନ୍ଧି ମହିଳା ଡ଼ିଗ୍ରୀ ମହାବିଦ୍ୟାଳୟର ‘ଓଡ଼ିଆ ସମ୍ମାନ’ ବିଭାଗ ପକ୍ଷରୁ ନବାଗତା ଛାତ୍ରୀମାନଙ୍କ ନିମନ୍ତେ ଅନୁଷ୍ଠିତ ସ୍ୱାଗତ ସମ୍ବର୍ଦ୍ଧନା ଉତ୍ସବରେ ଅତିଥିମାନେ ମତବ୍ୟକ୍ତ କରିଥିଲେ । ଏହି ଅବସରରେ ଅନୁଷ୍ଠିତ ସଭା ଡ଼ିଗ୍ରୀ ମହାବିଦ୍ୟାଳୟର ଅଧ୍ୟକ୍ଷ ରତ୍ନାକର ଜେନାଙ୍କ ସଭାପିତିତ୍ୱରେ ଅନୁଷ୍ଠିତ ହୋଇଥିଲା ବେଳେ ସମ୍ମାନିତ ଅତିଥିଭାବେ ବରିଷ୍ଠ ଅଧ୍ୟାପକ ପ୍ରଶାନ୍ତକୁମାର ରାଉତ, ବିଭାଗୀୟ ମୁଖ୍ୟଅଧ୍ୟାପିକା ସୁମିତ୍ରା ରାଉତ,ଅଧ୍ୟାପକ ସନ୍ତୋଷକୁମାର ଜେନା ଯୋଗଦେଇ ଶୁଭାଶିଷ ପ୍ରଦାନକରିଥିଲା ବେଳେ ଓଡିଆ ବିଭାଗର ଅଧ୍ୟାପକ ମଳୟକୁମାର ମଲ୍ଲିକ ଓଡ଼ିଆ ଭାଷାକୁ ସମ୍ମାନ ଭାବେ ରଖି ପାଠପଢ଼ିବାକୁ ଆଗ୍ରହପ୍ରକାଶ କରିଥିବା ନବାଗତଛାତ୍ରମାନଙ୍କୁ ଧନ୍ୟବାଦ ଜଣାଇବା ସହ ଶ୍ରେଣୀରେ ପଢ଼ାଯାଉଥିବା ପାଠକୁ ନିଷ୍ଠାର ସହ ପଢି ଭଲନମ୍ବର ରଖି ଉତୀର୍ଣ୍ଣ ହୋଇ ମହାବିଦ୍ୟାଳୟର ଟେକରଖିବାକୁ ପରାମର୍ଶ ଦେଇଥିଲେ । ଅନ୍ୟତମ ଅତିଥିଭାବେ ଅଧ୍ୟାପିକା ରୋଜାଲିନା ମହାନ୍ତି, ତାରିଣୀତନୟା ସାର, ଯାଜେ୍ଞଶ୍ୱରୀ ପଲେଇ, ଝୁନୁମଣୀ ଜେନା, ସୂଚିସ୍ମିତା ବେହେରା ପ୍ରମୁଖ ଯୋଗଦେଇ ଶିକ୍ଷା ଅଧ୍ୟୟନପ୍ରତି ଗୁରୁତ୍ୱ ଦେବା ସଙ୍ଗେ ସଙ୍ଗେ ଚରିତ୍ର ପ୍ରତି ବିଶେଷ ଧ୍ୟାନ ଦେବାକୁ ଛାତ୍ରୀମାନଙ୍କୁ ଉପଦେଶ ଦେଇଥିଲେ ।

ସଭାପ୍ରାରମ୍ଭରେ ନାବାଗତ ଛାତ୍ରୀମାନଙ୍କୁ ପୁଷ୍ପଗୁଛେ ଦେଇ ସ୍ୱାଗତ କରାଯାଇଥିଲା ବେଳେ ଆବାହନି ସଙ୍ଗୀତ ଗାର୍ଗୀମଧୁପର୍ଣ୍ଣା ରାଉତ, ପୟୋସିନୀ ରାଉତ ଓ ଗାୟତ୍ରୀ ସାହୁ ପରିବେଶଣ କରିଥିଲେ । ୩ୟ ବର୍ଷର ଛାତ୍ରୀ ଅଲିଭା ସାହୁ, ଶିବାନୀ ମଲିକ, ଆଶାଲତା ମଲିକ, ସ୍ନେହଲତା ପରମାଣିକ, ମମତାରାଣୀ ଜେନା, ପୂଜାରାଣୀ ସେଠୀ, ଶୁଭସ୍ମିତା ରାଉତ, ବର୍ଷାରାଣୀ ପରିଡା, ମୋନାଲିସା ନାୟକ, ରଶ୍ମିରେଖା ବଳ, ସୀମା ଦାସ, ସଙ୍ଗୀତା ଗୁରୁ, ରୂପାଲି ରାୟ, ସୁନିତା ରଣା ଓ ୨ୟବର୍ଷର ଛାତ୍ରୀ ଲକ୍ଷ୍ମୀପ୍ରିୟା ପାଢୀ, ସସ୍ମିତା ବନରା, ସରସ୍ୱତୀ ସୋରେନ, ଦେବସ୍ମାତା ଭଞ୍ଜ, ଦେବସ୍ମିତା ବେହେରା, ସୁପ୍ରିୟା ମହାନ୍ତି, ସୁପ୍ରଭା ସାହୁ, ସୁମିତ୍ରା ସାମଲ, ଶୁଭଲକ୍ଷ୍ମୀ ସାହୁ, ମନ୍ଦାକିଦୀ ହାଁସଦା, ମୀନତି ମରାଣ୍ଡି, ଲିପୁନୀ ଜେନା ପ୍ରମୁଖ ନାଚ, ଗୀତ ଓ ବକ୍ତବ୍ୟ ରଖିଥିଲେ । ପ୍ରଥମ ବର୍ଷର ଛାତ୍ରୀ ଭାନୁମତୀ ମଲିକ, ପ୍ରତ୍ୟାଶା ମିଶ୍ର, ମମତାରାଣୀ ମାଝୀ, ଅର୍ପିତା ନାୟକ, ରାଜଲକ୍ଷ୍ମୀ ଜେନା, ସାଗରିକା ଜେନା, ଅଭିଲିପ୍ସା ସାମଲ, ପ୍ରଜ୍ଞାପରମିତା ପତି, ରମାରାଣୀ ମଲିକ, ପ୍ରିୟଙ୍କା ପ୍ରିୟଦର୍ଶିନୀ ବ୍ରହ୍ମା, ଇତିଶ୍ରୀ ମାଝୀ, ଲିସାରାଣୀ ସାମଲ, ସିଲି ସେଠୀ, ଶିବାନୀ ସେଠୀ ପ୍ରମୁଖ ପ୍ରତି ଉତରରେ ବଡଭଉଣୀମାନଙ୍କର ଉପଦେଶ, ଗୁରୁଜନଙ୍କୁ ଭକ୍ତି ଓ ଆଦେଶ ମାନି ଭଲପଢି ମହାବିଦ୍ୟାଳୟର ନାଁ ରଖିବାକୁ କହିଥିଲେ । ଶେଷରେ ୨ୟବର୍ଷର ଛାତ୍ରୀ ଲୋଭନା ପ୍ରିୟଦଶିନୀ ସିଂହ ଧନ୍ୟବାଦ ଅର୍ପଣ କରିଥିଲେ ।