ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟରେ ଗୁଡାଙ୍ଗକୁ ହରାଇ ଟକର୍ଲା ଚମ୍ପିୟାନ

ଓଡ଼ିଶା ତାଜା ନ୍ୟୁଜ (୭ ନଭେମ୍ବର ସୋମବାର) କଳାହାଣ୍ଡି :- ନର୍ଲା ନିକଟସ୍ଥ ଡଙ୍ଗରତଲପଡା ଠାରେ ଏକ ଦିବସୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ଏହି ଟୁର୍ଣ୍ଣାମେଣ୍ଟରେ ଡଙ୍ଗରତଲପଡା,ଗରରାପଡା,ତିଲେଇମାଲ, ଟକର୍ଲା,ଗୁଡାଙ୍ଗ, ନର୍ଲା ଓ ଭଟାଙ୍ଗ ଅଂଶଗ୍ରହଣ କରିଥିଲେ। ଏଠାରେ ନର୍ଲାକୁ ହରାଇ ଟକର୍ଲା ଫାଇନାଲକୁ ଯାଇଥିବା ବେଳେ ଅନ୍ୟ ଏକ ଗୃପରୁ ଗରରାପଡାକୁ ହରାଇ ଗୁଡାଙ୍ଗ ଦଳ ଫାଇନାଲକୁ ଉର୍ତ୍ତିଣ୍ଣ ହୋଇଥିଲେ । ଯାହା ଫଳରେ ଟକର୍ଲା ଓ ଗୁଡାଙ୍ଗ ଦଳ ମଧ୍ୟରେ ଫାଇନାଲ ଖେଳ ଅନୁଷ୍ଠିତ ହୋଇଥିଲା । ଏଥିରେ ଟକର୍ଲା ଦଳ ୨/୦ରେ ବିଜୟୀ ହୋଇ ଟ୍ରଫି ହାସଲ କରିଥିଲା । ଏଥିରେ ମୁଖ୍ୟ ଅତିଥି ଭାବେ ନର୍ଲା ସରପଂଚ ତନୁଜା ହରପାଲ ଯୋଗଦାନ କରିଥିଲେ । ଅନ୍ୟ ମାନଙ୍କ ମଧ୍ୟରେ ନର୍ଲା ବିଜୁ ଜନତା ଦଳ ଛାତ୍ର ସଭାପତି ଘାସିରାମ ସାହୁ, ସମିତି ସଦସ୍ୟ ସୁଦାମ ଝାଙ୍କର,ନାଏବ ସରପଞ୍ଚ ଲମ୍ବୋଦର ପୋଢ,ୱ।ର୍ଡ ସଭ୍ୟା ସଙ୍ଗୀତା ସାହୁ ମଞ୍ଚାସୀନ ଥିଲେ । ମା ମାଉଲି ଫୁଟବଲ କମିଟିର କିଶୋର ମାଝୀ, ସୁରେଶ ମାଝୀ, ଲକ୍ଷ୍ମଣ ମାଝୀ, ଅରୁଣ ମାଝୀ ପ୍ରମୁଖ ସହଯୋଗ କରିଥିଲେ । ଖେଳକୁ ପ୍ରିୟବ୍ରତ ଚାନ୍ଦ, ତ୍ରିଲୋଚନ ଗଉଡ , ଲକ୍ଷ୍ମଣ ମାଝୀ ସୁଚାରୁରୂପେ ପରିଚାଳନା କରିଥିଲେ ।