ରେଳ ଧାରଣା ରେ ଯୁବତୀଙ୍କ ମୃତ ଦେହ

ଓଡ଼ିଶା ତାଜା ନ୍ୟୁଜ (୬ ନଭେମ୍ବର ରବିବାର ) ବଲାଙ୍ଗୀର :- ରେଳ ଧାରଣାରୁ ଉଦ୍ଧାର ହୋଇଛି ଜଣେ ଯୁବତୀଙ୍କ ମୃତ ଦେହ । ତାଙ୍କର ମୁଣ୍ଡ ଗଣ୍ଡି ଅଲଗା ହୋଇଯାଇଛି । ବଲାଙ୍ଗୀର ରେଲୱେ ଷ୍ଟେସନ ନିକଟରେ ଥିବା ଖୁଜେନପାଲି ରେଲୱେ ଫାଟକ ଠାରେ ଘଟିଛି ଏହି ଦୁର୍ଘଟଣା । ମୃତ ଯୁବତୀଙ୍କ ନାମ ସାରିକା ସାଏ । ତାଙ୍କ ଘର ବଲାଙ୍ଗୀର ତାଳପାଳି ପଡା ରେ । ସେ ଏକ ବୀମା କମ୍ପାନୀ ରେ ଚାକିରୀ କରୁଥିଲେ ବୋଲି ଜଣାପଡିଛି । ଆଜି ସକାଳେ ଏହି ଘଟଣା ଘଟିଥିବା କୁହାଯାଉଛି ।

ରେଲ ଧାରଣା ରେ ସାରିକା ଙ୍କ ମୃତ ଦେହ ପଡିଥିବା ନେଇ ପ୍ରଥମେ ସ୍ଥାନୀୟ ଲୋକେ ଦେଖିଥିଲେ । ସେମାନେ ଘଟଣା ସମ୍ପର୍କରେ ଜିଆରପି କୁ ଖବର ଦେଇଥିଲେ । ରେଲ ଧାରଣା ଦେଇ ଯାଇଥିବା ରାସ୍ତା ରେ ଏକ କାର ରହିଥିଲା । ତାହା ସାରିକାଙ୍କ ବୋଲି ଜଣାପଡିଛି । ତେବେ ସାରିକା କାର ରେ ଆସି ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରି ଆତ୍ମହତ୍ୟା ର ରୂପ ଦେବାକୁ ଚେଷ୍ଟା କରାଯାଇଛି , ତାହା ଜଣା ପଡ଼ିନାହିଁ । ବଲାଙ୍ଗୀର ଜିଆରପି ଘଟଣାର ତଦନ୍ତ କରୁଛି