ବିଦ୍ୟାଳୟ ପାଖରେ କୁକୁଡା ଫାର୍ମ ପାଇଁ ଦୁର୍ଗନ୍ଧରେ ନାକ ଫାଟୁଛି ଉଚ୍ଛେଦ ପାଇଁ ଦାବି କଲେ ଗ୍ରାମବାସୀ

ଓଡ଼ିଶା ତାଜା ନ୍ୟୁଜ ( ୪ ନଭେମ୍ବର ଶୁକ୍ରବାର) ବୈପାରିଗୁଡା :- ବିଦ୍ୟାଳୟ ପାଖରେ କୁକୁଡା ଫାର୍ମ ପାଇଁ ଦୁର୍ଗନ୍ଧରେ ଛାତ୍ରଛାତ୍ରୀଙ୍କ ନାକ ଫାଟୁଛି ବୋଲି ଅଭିଯୋଗ କରି କୋରାପୁଟ ଜିଲ୍ଲାପାଳ ଶ୍ରୀଯୁକ୍ତ ମହମ୍ମଦ୍ ଅବଦ୍ଦଲ ଅଖତାର ଦେଖା କରି ସମସ୍ୟା ବିଷୟକୁ ନେଇ ଏକ ଦାବିପତ୍ର ପ୍ରଦାନ କରିଛନ୍ତି ବୈପାରିଗୁଡା ବ୍ଲକ ଦଣ୍ଡାବାଡି ଗ୍ରାମପଂଚାୟତର ରତାଖଣ୍ଡ ଗ୍ରାମବାସୀ । ସେମାନେ ଉକ୍ତ ଦାବିପତ୍ରରେ ଉଲ୍ଲେଖ କରିଛନ୍ତି ଯେ ବିଦ୍ୟାଳୟ ପାଖରେ ହିଁ ଗୋଟିଏ କୁକୁଡା ଫାର୍ମ ରହିଥିବାରୁ ବିଦ୍ୟାଳୟରେ ଛାତ୍ରଛାତ୍ରୀ ମାନେ ବସି ପାଠପଢି ପାରୁନଥିବା ବେଳେ ପବନ ହେବା ମାତ୍ର ଦୁର୍ଗନ୍ଧରେ ନାକ ଫାଟୁଛି ବୋଲି ଗ୍ରାମବାସୀଙ୍କ ଠାରୁ ଶୁଣିବାକୁ ମିଳିଛି ।

ବିଦ୍ୟାଳୟ ଠାରୁ ତାହାକୁ ଉଚ୍ଛେଦ କରିବା ପାଇଁ ବାରମ୍ବାର କହିଲେ ମଧ୍ୟ କୌଣସି ପ୍ରକାର ପ୍ରଭାବ ନ ପଡିବାରୁ ଶେଷରେ ବାଧ୍ୟ ହୋଇ କୋରାପୁଟ ଜିଲ୍ଲାପାଳଙ୍କୁ ଗୁହାରୀ ଜଣାଇଛୁ ବୋଲି କହିଛନ୍ତି ଅଂଚଳବାସୀ । ଏହା ସହ କହିଛନ୍ତି ଯେ କୁକୁଡା ଫାର୍ମ ପାଇଁ ସେଠାରେ କୁକୁଡାର ବିଭିନ୍ନ ପ୍ରକାର ଆବର୍ଜନା ଜମି ରହିବା ଫଳରେ ସେହି ରାସ୍ତା ଦେଇ ଯାତାୟତ କରିବା ମଧ୍ୟ କଷ୍ଟକର ହୋଇପଡୁଛି । ଏପରି ପରିବେଶରେ କେମିତି ଛାତ୍ରଛାତ୍ରୀ ମାନେ ବସି ପାଠପଢିବେ ତାହାକୁ ନେଇ ମଧ୍ୟ ପ୍ରଶ୍ନ ଉଠାଇଛନ୍ତି ଗ୍ରାମବାସୀ । ଏହାର ପ୍ରତିିକାର ବ୍ୟବସ୍ଥା ପ୍ରଶାସନ କରିବା ନେଇ କୋରାପୁଟ ଜିଲ୍ଲାପାଳଙ୍କୁ ଭେଟି ଗୁହାରୀ ମଧ୍ୟ କରିଥିଲେ । ଏହି ଦାବିପତ୍ର ପ୍ରଦାନ ସମୟରେ ଦଣ୍ଡାବାଡି ସରପଂଚ ଚେଣ୍ଡିଆ ଖିଲ, ସମିତିସଭ୍ୟ ମାଧବ ଖରା, ପୂର୍ବତନ ସମିତିସଭ୍ୟ ବିଶ୍ୱନାଥ ହନ୍ତାଲ, ଆନନ୍ଦ ନାୟକ, ବିଜୟ ଖରା, ଅନ୍ତୁ ଖରା, ବାଲି ନାୟକ, ଅଭି ଗୌଡ ପ୍ରମୁଖ ଉପସ୍ଥିତ ରହିଥିଲେ ।