ସର୍ବଭାରତୀୟ ସ୍ତରରେ ନାଁ ରଖିଲେ ବରଗଡ଼ ର ଝିଅ ନବ୍ୟା ନବେଲି ଆଚାର୍ଯ୍ୟ

ଓଡ଼ିଶା ତାଜା ନ୍ୟୁଜ (୩୦ ଅକ୍ଟୋବର ରବିବାର ) ବରଗଡ଼ :- ମୁମ୍ବାଇ ସ୍ଥିତ ଭାବା ଏଟମିକ ରିସର୍ଚ୍ଚ ପରିସରରେ ଚାଲିଥିବା ସର୍ବ ଭାରତୀୟ ପ୍ରବନ୍ଧ ପ୍ରତିଯୋଗିତାରେ ବରଗଡ଼ ର ଝିଅ ନବ୍ୟା ନବେଲି ଆଚାର୍ଯ୍ୟ ପ୍ରଥମ ସ୍ଥାନ ଅଧିକାର କରି ବରଗଡ଼ ଜିଲ୍ଲା ତଥା ସମଗ୍ର ଓଡିଶା ପାଇଁ ଗୌରବ ଆଣିବା ସହ ୨୫ ହଜାର ଟଙ୍କା ନଗଦ ପୁରସ୍କାର ରାଶି ଜିତିଛନ୍ତି । ଭାରତ ସରକାରଙ୍କ ଆଣବିକ ଶକ୍ତି ବିଭାଗ ପକ୍ଷରୁ ଆୟୋଜିତ ୩୪ ତମ ସର୍ବଭାରତୀୟ ପ୍ରବନ୍ଧ ପ୍ରତିଯୋଗିତାରେ ବରଗଡ଼ ର ଝିଅ ନବ୍ୟା ନବେଲୀ ଆଚାର୍ଯ୍ୟ ପ୍ରଥମ ୧୦ ଜଣ ରେ ନିଜର ସ୍ଥାନ ବଜାୟ ରଖିବା ପରେ ମୁମ୍ବାଇରେ ଥିବା ଭାବା ଆଣବିକ ପ୍ରତିଷ୍ଠାନରେ “Neuclear Power-Secured Energy Source towards ଆତ୍ମନିର୍ଭର ଭାରତ” ଶୀର୍ଷକ ରେ ନିଜର ମୌଖିକ ଉପସ୍ଥାପନା(Oral Presentation ) କରି ଏହି ଉପଲବ୍ଧି ହାସଲ କରିଛନ୍ତି ।

ବର୍ତ୍ତମାନ ସେ ଦିଲ୍ଲୀ ବିଶ୍ଵବିଦ୍ୟାଳୟ ଅଧିନସ୍ତ କିରୋରି ମଲ୍ଲ କଲେଜ ରେ ଯୁକ୍ତ ତିନି ପଦାର୍ଥ ବିଜ୍ଞାନ ବିଭାଗର ଦ୍ଵିତୀୟ ବର୍ଷର ଛାତ୍ରୀ ଅଟନ୍ତି । ବରଗଡ଼ ଶିବାନନ୍ଦ ନଗର ନିବାସୀ ପ୍ରକାଶ ଆଚାର୍ଯ୍ୟ ଙ୍କ ଝିଅ ତଥା ବରଗଡ଼ ଶ୍ରୀଅରବିନ୍ଦ ପୂର୍ଣାଙ୍ଗ ଶିକ୍ଷା ଓ ଗବେଷଣା କେନ୍ଦ୍ର ର ଛାତ୍ରୀ ଥିବା ନବ୍ୟା ନବେଲି ୨୦୧୮ ମସିହାରେ ମେଟ୍ରିକ ପରୀକ୍ଷା ରେ ୯୫.୫ ପ୍ରତିଶତ ମାର୍କ ରଖି ସମଗ୍ର ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଥିଲେ । ସେହିପରି ୨୦୨୦ ରେ ଯୁକ୍ତଦୁଇ ବିଜ୍ଞାନ ପରୀକ୍ଷାରେ ୯୯ ପ୍ରତିଶତ ମାର୍କ ରଖି ଅଞ୍ଚଳ ପାଇଁ ସୁନାମ ଆଣିଥିଲେ ।ଭବିଷ୍ୟତ ରେ ଜଣେ ବୈଜ୍ଞାନିକ ହେବାପାଇଁ ଲକ୍ଷ୍ୟ ରଖିଥିବା ନବ୍ୟା ନବେଲି କହିଛନ୍ତି ।